ໝອກ ແຂວງຊຽງຂວາງ ຖອດຖອນການຮຽນ-ການສອນ ຊັ້ນປະຖົມ

   ເມື່ອບໍ່ດົນມານີ້ຫ້ອງການສຶກສາທິການ ແລະກີລາເມືອງ (ສກມ) ໝອກ ແຂວງຊຽງຂວາງ ໄດ້ເປີດກອງປະຊຸມຖອດຖອນບົດຮຽນການຈັດຕັ້ງປະຕິບັດການຮຽນ-ການສອນຊັ້ນປະຖົມສຶກສາທົ່ວເມືອງໃນສົກຮຽນຜ່ານມາທີ່ສະໂມສອນກອງບັນຊາການຮັກສາຄວາມສະຫງົບເມືອງໂດຍເປັນກຽດເຂົ້າຮ່ວມຂອງທ່ານ ໄທວ່າງ ກ່າຊົວ ຫົວໜ້າຫ້ອງການ (ສກມ) ພ້ອມຄະນະ, ມີພະນັກງານທີ່ກ່ຽວ ຂ້ອງ ສກມ, ພ້ອມດ້ວຍຫົວໜ້າ ໂຮງຮຽນປະຖົມສຶກສາ 28 ໝວດ ໂຮງຮຽນເຂົ້າຮ່ວມ.

ສະໜັບສະໜຸນໂດຍ: ສ່ວນບຸກຄົນ

  ກອງປະຊຸມໄດ້ຕີລາຄາຄືນ ກ່ຽວກັບວຽກງານການຮຽນ-ການສອນ ແລະບົດສະຫຼຸບການເຄື່ອນໄຫວວຽກງານໃນໄລຍະຜ່ານມາ, ຊຶ່ງໃນສົກຮຽນ 2016-2017 ທົ່ວເມືອງມີຄູ-ອາຈານສອນຊັ້ນປະຖົມສຶກສາທັງໝົດ 231 ຄົນ, ຍິງ 87 ຄົນ, ໃນນັ້ນສາມາດປະເມີນ ແລະຄັດຈ້ອນໄດ້ຄູສອນປະເພດດີ 58 ຄົນ, ຍິງ 28 ຄົນ, ປະ ເພດກາງ 165 ຄົນ, ຍິງ 59 ຄົນ, ຄູຝຶກ ງານ 13 ຄົນ, ຍິງ 4 ຄົນ, ມາໃນ ສົກຮຽນ 2018-2019 ທົ່ວເມືອງ ມີຄູສອນຊັ້ນປະຖົມສຶກສາທັງໝົດ 247 ຄົນ, ຍິງ 89 ຄົນ, ສາມາດປະເມີນຄູສອນປະເພດດີ 17 ຄົນ, ຍິງ 9 ຄົນ, ປະເພດກາງ 223 ຄົນ, ຍິງ 80 ຄົນ ໃນນັ້ນມີຄູຝຶກງານ 6 ຄົນ.

 ໂອກາດນີ້ທ່ານ ໄທວ່າງ ກ່າຊົວ ໄດ້ເນັ້ນໜັກໃຫ້ຫົວໜ້າໂຮງຮຽນຊັ້ນປະຖົມທຸກແຫ່ງທີ່ເຂົ້າຮ່ວມຈົ່ງພ້ອມກັນມີຄວາມຮັບຜິດຊອບສູງຕໍ່ໜ້າທີ່ໃນການບໍລິຫານຄຸ້ມຄອງໂຮງຮຽນ, ເປັນແບບຢ່າງ ໃນການປະຕິບັດໂມງເວລາການ ຂຶ້ນຫ້ອງ, ລົງຫ້ອງ, ການແຕ່ງ ບົດສອນ,ເອົາໃຈໃສ່ຕິດຕາມກວດ ກາໃກ້ສິດຕິດແທດນໍາຄູ-ອາຈານ ສອນໃນໂຮງຮຽນເພື່ອໃຫ້ຂະບວນການຮຽນ-ການສອນດໍາເນີນເປັນປົກກະຕິ ແລະບັນລຸຕາມຈຸດປະສົງເປົ້າໝາຍ.

ສະໜັບສະໜຸນໂດຍ: HONDA

___________

 ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์