ຈຳປາສັກ ຈັບກຸມຄ້າຢາເສບຕິດ

 ຕາມການລາຍງານຂອງເຈົ້າໜ້າທີ່ພະແນກຕຳຫຼວດສະກັດກັ້ນ ແລະຕ້ານຢາເສບຕິດ ປກສ ແຂວງຈຳປາສັກໃຫ້ຮູ້ວ່າ: ໃນຄັ້ງວັນທີ 16 ຕຸລາ 2019 ທາງເຈົ້າໜ້າທີ່ໄດ້ຮັບລາຍງານຈາກພົນລະເມືອງດີວ່າ: ມີກຸ່ມຄົນບໍ່ດີຈຳນວນໜຶ່ງເຄື່ອນໄຫວຄ້າຂາຍຢາເສບຕິດ (ປະເພດຢາບ້າ) ຢູ່ເຂດບ້ານໂພນສະຫວັນ ນະຄອນປາກເຊ ແຂວງຈຳປາສັກ,

  ພາຍຫຼັງທີ່ໄດ້ຮັບລາຍງານແລ້ວທາງເຈົ້າໜ້າທີ່ຈຶ່ງໄດ້ມີການຈັດຕັ້ງກຳລັງວິຊາສະເພາະລົງຕິດຕາມກວດກາແຫຼ່ງຂ່າວເຫັນວ່າມີມູນຄວາມຈິງ, ຈາກນັ້ນຈິ່ງໄດ້ປະສານສົບທົບກັບອໍານາດການປົກຄອງບ້ານລົງມ້າງລາຍຄະດີດັ່ງກ່າວ ແລະ ສາມາດກັກຕົວຜູ້ຖືກຫາໄດ້ 4 ຄົນ, ຍິງ 1 ຄົນ ໃນນັ້ນ, ຊື່ ທ້າວ ພັນ ອາຍຸ 56 ປີ, ສັນຊາດລາວອາຊີບເຮັດນາ, ບ້ານໃໝ່ວັງໝາກແຊວ ເມືອງສຸຂຸມາ ແຂວງຈຳປາສັກ; ທ້າວ ບົວພັນ ອາຍຸ 39 ປີ, ສັນຊາດລາວອາຊີບກຳມະກອນບ້ານກາງ ນະຄອນປາກເຊ, ແຂວງຈຳປາສັກ, ທ້າວ ໄພລີນ ອາຍຸ 37 ປີ ສັນຊາດລາວອາຊີບເຮັດນາຢູ່ບ້ານອຸທຸມໃໝ່ ເມືອງສຸຂຸມາ; ນາງ ພົງສະຫວັນ ອາຍຸ 26 ປີ, ສັນຊາດລາວ,ອາຊີບເຮັດນາ, ເມືອງສອງຄອນ, ແຂວງສະຫວັນນະເຂດ, ພ້ອມຂອງກາງຢາບ້າ 28 ພັນ ເມັດ, ລະເບີດ2 ໜ່ວຍ, ໂທລະສັບ 3 ເຄື່ອງ, ລົດໃຫຍ່ 1 ຄັນ, ລົດຈັກ 2 ຄັນ.

ປະຈຸບັນຄະດີດັ່ງກ່າວຍັງຢູ່ໃນຂັ້ນຕອນດຳເນີນການສືບສວນ-ສອບສວນຂອງເຈົ້າໜ້າທີ່ເພື່ອຂະຫຍາຍຜົນຊອກຫາຜູ້ຮ່ວມຂະບວນການນຳກັນມາດຳເນີນຄະດີຕາມລະ ບຽບກົດໝາຍຂອງບ້ານເມືອງ.

ສະໜັບສະໜຸນໂດຍ: ສ່ວນບຸກຄົນ

______________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์