ທີເຄໄອ ແລະສະຖາບັນທະນາຄານແຂ່ງຂັນບານເຕະມິດຕະພາບ

  ບໍລິສັດ ທີເຄໄອປະກັນໄພ ຈຳກັດ ແລະສະຖາບັນທະນາຄານໄດ້ຈັດກິດຈະກຳແຂ່ງຂັນກີລາບານເຕະມິດຕະພາບຂຶ້ນວັນທີ 18 ຕຸລາ ທີ່ເດີ່ນສະຖາບັນທະນາຄານນະ ຄອນຫຼວງວຽງຈັນ ນຳພາໂດຍ ທ່ານ ປອ ສັນຕິ ພົນເມືອງລາວ ຫົວໜ້າສະຖາບັນທະນາຄານ, ທ່ານ ໄຊໂຣດ ກັນລະຍານາລາບ ອຳນວຍການບໍລິສັດທີເຄໄອປະກັນ   ໄພຈຳກັດ, ບັນດາທ່ານຄູ-ອາຈານ ແລະພະນັກງານພາກສ່ວນກ່ຽວຂ້ອງເຂົ້າຮ່ວມ.

 ກິດຈະກຳແຂ່ງຂັນກີລາບານເຕະຄັ້ງນີ້ເປັນການສ້າງມິດຕະພາບລະຫວ່າງບໍລິສັດ ທີເຄໄອປະກັນໄພ ແລະສະຖາບັນທະນາຄານເພື່ອຜັນຂະຫຍາຍສ້າງຂະບວນການໃຫ້ມີຄວາມຟົດຟື້ນ ແລະເປັນການພັດ ທະນາທັກສະຄວາມຮູ້ແລກປ່ຽນຂອງນັກກີລາ 2 ພາກສ່ວນຈຸດປະສົງເພື່ອສົ່ງເສີມສ້າງຂະບວນຄວາມສາມັກຄີໃຫ້ວົງການກີລາບານເຕະໄວໜຸ່ມນັກສຶກສາສະຖາບັນທະນາຄານໄດ້ຮັບການພັດທະນາເຕັກນິກໃຫ້ກ້າວເຂົ້າສູ່ລະດັບທີມຊາດຜ່ານມາບໍລິສັດທີເຄໄອປະກັນໄພຍັງໄດ້ສົ່ງເສີມ ແລະ ຈັດກິດຈະກຳອື່ນໆ ທີ່ເປັນວຽກງານຊ່ວຍເຫຼືອສັງຄົມບໍວ່າຈະຢູ່ພາຍໃນ ແລະ ຕ່າງແຂວງຜ່ານການແຂ່ງຂັນທີມບໍລິສັດ ທີເຄໄອປະກັນໄພ ເອົາຊະນະທີມສະຖາບັນທະນາຄານໄປ 5-1.

 ພ້ອມນັ້ນນອກຈາກແຂ່ງຂັນກີລາແລ້ວສະຖາບັນທະນາຄານຍັງໄດ້ສ້າງກິດຈະກຳບົດຟ້ອນສິລະປະກຳ ແລະວັນນະຄະດີໃນໂອກາດເປີດສົກຮຽນໃໝ່ 2019-2020 ເປັນການອວຍພອນລະນຶກບຸນຄຸນຄູ-ອາຈານທີ່ໄດ້ສິດສອນທ່າຍທອດໃຫ້ຄວາມຮູ້ມາຊຶ່ງທັງໝົດນີ້ເປັນໂຄງການສ້າງຄຸນນະພາບຄວາມເຂັ້ມແຂງໃຫ້ແກ່ນັກສຶກສາໃຫ້ໄດ້ປະສົບການແຂ່ງຂັນທີ່ໄດ້ຜົນຕອບຮັບທັກສະການຫຼິ້ນບານພັດທະນາໃຫ້ກ້າວໆຂຶ້ນ.

   ສະໜັບສະໜຸນໂດຍ: HONDA

____________

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์