ວົງແຈັກເກັດ ຈັດກິດຈະກຳສະຫຼອງຄົບຮອບ 3 ປີ

   ເມື່ອວັນທີ 19 ມັງກອນ 2019 ວົງແຈັກເກັດໄດ້ຈັດງານສະເຫຼີມສະຫຼອງຄົບຮອບ 3 ປີ ຊຶ່ງໄດ້ຈັດຂຶ້ນທີ່ຮ້ານລັດສະໝີຊີ້ນດາດຈານໃຫຍ່ບ້ານຕານມີໄຊ ເມືອງໄຊທານີ ນະຄອນຫຼວງວຽງຈັນ.

  “ວົງແຈັກເກັດ” ຖືວ່າເປັນອີກວົງສິລະປິນໜຶ່ງທີ່ເປັນແຮງບັນດານໃຈໃຫ້ກັບນ້ອງໆ ຫຼື ນັກດົນຕີສະໝັກຫຼິ້ນລຸ້ນໃໝ່ທີ່ພວມກຳລັງຕາມຫາຝັນໃຫ້ມີກຳລັງໃຈ ແລະກ້າວຂຶ້ນມາເປັນສິລະປິນຈົນສ້າງຝັນໃຫ້ສຳເລັດ.

  ປະຈຸບັນວົງແຈັກເກັດໄດ້ສັງກັດຢູ່ຄ້າຍເພງທີເຄຊາວລາວເປີດຕົວຢ່າງເປັນທາງການເມື່ອວັນທີ 19 ມັງກອນ 2016 ມີສະມາຊິກ 5 ຄົນ ໃນນັ້ນໄດ້ມີການປັບປ່ຽນພາຍໃນວົງເນື່ອງຈາກບັນຫາຫຼາຍໆຢ່າງແຕ່ມາເຖິງຕອນນີ້ວົງແຈັກເກັດກໍໄດ້ປ່ຽນສະມາຊິກໃໝ່ໃນນັ້ນປະກອບມີໜຸ່ມໂຊນ່ານເປັນນັກຮ້ອງນຳວົງ, ກອນເປັນມືກີຕ້າໂຊໂລ, ເລັກມືກີຕ້າຄອດ, ອ້າຍມືເບສ ແລະ ຕ້ອມມືກອງສໍາລັບຜົນງານຂອງວົງແຈັກເກັດທີ່ປ່ອຍອອກມາລວມມີທັງໝົດ 6 ຊີງເກິລຄື: ບໍ່ຮັກຄືບໍ່ບອກ, ກັບມາໄດ້ບໍ່, ເພາະຍັງຮັກຢູ່, 14 ກຸມພາມາຮັກກັນບໍ່, ບໍ່ແມ່ນບໍ່ເຈັບ, ຫ່າງໄກໃຈຄິດຮອດ ແລະຜົນງານໃໝ່ຫຼ້າສຸດທີ່ປ່ອຍໃຫ້ແຟນເພງ ໄດ້ຮັບຊົມນັ້ນແມ່ນເພງ “ຄືວ່າເດະ”.

  ຢ່າງໃດກໍດີເນື່ອງໃນໂອກາດຄົບຮອບ 3 ປີນີ້ວົງແຈັກເກັດພ້ອມສະມາຊິກໃນວົງໄດ້ຈັດກິດຈະກຳສະເຫຼີມສະຫຼອງດ້ວຍການແຈກຂອງຂວັນລາງວັນເປັນທີ່ລະນຶກໃຫ້ກັບແຟນເພງຢ່າງຫຼວງຫຼາຍພ້ອມນັັ້ນຍັງເປັນການເປີດຕົວມິວສິກວິດິໂອເພງໃໝ່ “ຄືວ່າເດະ” ໃນຮູບແບບ Story MV ແບບສົມບູນອີກ  ດ້ວຍທ່ານສາມາດຕິດຕາມຜົນງານເພງຂອງວົງແຈັກເກັດ ແລະການເຄື່ອນໄຫວຕ່າງໆໄດ້ທາງຊ່ອງຢູທູບຂອງ Tk soundlao ແລະວິທະຍຸ ຫຼື ເຟສບຸກ: Sonarn Ja cket Singer.

แชร์