ສະໜາມບິນລອງແທັງຫວຽດນາມຈະສ້າງສຳເລັດປີ 2025

  ທ່າອາກາດສະຍານສາກົນລອງແທັງແມ່ນໂຄງການໃຫຍ່ ແລະ ພວມໄດ້ຮັບການຊີ້ນຳຈາກລັດຖະບານ ສສຫວຽດນາມ ຄາດວ່າ, ໂຄງການຈະສ້າງສຳເລັດ ແລະນຳ ໃຊ້ໃນປີ 2025 ໂດຍຫວັງວ່າຈະກາຍເປັນໜຶ່ງໃນບັນດາສູນກາງສົ່ງຕໍ່ທາງອາກາດທັນສະໄໝແຖວໜ້າໃນພາກພື້ນອາຊີຕາເວັນອອກສ່ຽງໃຕ້.

ຕາມຂ່າວສານຫວຽດນາມລາຍງານວ່າແຜນນະໂຍບາຍສ້າງທ່າອາກາດສະຍານສາກົນລອງແທັງຊຶ່ງສະພາແຫ່ງຊາດຫວຽດນາມຮັບຮອງເອົາເມື່ອເດືອນມິຖຸນາ 2015 ແລະຮອດທ້າຍປີ 2017 ສະພາແຫ່ງຊາດໄດ້ຮັບຮອງເອົາ ມະຕິກ່ຽວກັບໂຄງການຖອນທີ່ດິນ, ຊົດເຊີຍ, ໜູນຊ່ວຍ, ສ້າງເຂດຕັ້ງຖິ່ນຖານຄົງທີ່ທ່າອາກາດສະຍານສາກົນລອງແທັງຄືນໃໝ່ ຕາມການຄິດໄລ່, ສະໜາມບິນລອງແທັງໄດ້ ຮັບການອອກແບບບັນລຸມາດຕະຖານຂອງອົງການການບິນພົນລະເຮືອນສາກົນ (ICAO) ຄາດວ່າ, ພາຍຫຼັງປີ 2035 ກຳລັງການບັນ ຈຸຜູ້ໂດຍສານແມ່ນ 100 ລ້ານເທື່ອ ຄົນຕໍ່ປີ ແລະສິນຄ້າ 5 ລ້ານໂຕນຕໍ່ປີ, ລອງແທັງຈະກາຍເປັນທ່າອາກາດສະຍານສາກົນມີການສົ່ງຕໍ່ຂະ ໜາດໃຫຍ່ຢູ່ພາກພື້ນ, ຮັບໃຊ້ຍຸດ ທະສາດພັດທະນາການຂົນສົ່ງທາງອາກາດຫວຽດນາມ, ຄ່ອຍໆກາຍເປັນນະຄອນສະໜາມບິນ, ສ້າງກຳລັງໜູນພັດທະນາໃຫ້ແກ່ເຂດພາກ ໃຕ້ຫວຽດນາມ ແລະທົ່ວປະເທດເວົ້າລວມ ທ່ານ ລ້າຍ ຊວັນແທັງ ປະທານສະພາບໍລິຫານບໍລິສັດໃຫຍ່ທ່າອາກາດສະຍານຫວຽດນາມຖືວ່າ. “ນີ້ແມ່ນ

ທ່າອາກາດສະຍານຈຸດສຸມແຫ່ງຊາດ. ດ້ວຍບົດບາດທີ່ຕັ້ງຄືແນວນັ້ນ, ຕ້ອງຮັບປະກັນການນຳໃຊ້ເຕັກນິກວິທະຍາສາດທັນສະໄໝທີ່ສຸດໃນໂລກ, ທຽບເທົ່າກັບບັນດາທ່າອາກາດສະຍານໃຫຍ່ ຂອງພາກພື້ນກໍຄືຂອງໂລກ”, ຕາມ ຄຳຄິດເຫັນຕີລາຄາຂອງບັນດານັກຊ່ຽວຊານແລ້ວ, ທ່າອາກາດສະຍານລອງແທັງຕັ້ງຢູ່ໃຈກາງຂອງພາກພື້ນອາຊີຕາເວັນອອກສ່ຽງໃຕ້ ດ້ວຍບັນດາສາຍການບິນ ແຕ່ທິດ ຕາເວັນອອກ - ຕາເວັນຕົກ, ແຕ່ທິດ ເໜືອ-ໃຕ້, ສ້າງຄວາມສະດວກໃຫ້ຜູ້ໂດຍສານທີ່ເດີນທາງຕໍ່, ໄປເຖິງ ບັນດາທະວີບຄືເອີຣົບ, ຕາເວັນອອກກາງ, ອາຊີ…ສະໜາມບິນລອງແທັງຍັງສ້າງຄວາມສະດວກໃຫ້ແກ່ບັນດາບໍລິສັດການບິນ ແລະສຳພັນທະມິດການບິນດ້ວຍການເປັນໃຈກາງ ຫຼືສ້າງສາຍການບິນເຊື່ອມຕໍ່ໃຫ້ແກ່ຜູ້ໂດຍສານ,ສິນຄ້າຢ່າງມີປະສິດທິຜົນ.

ສະໜັບສະໜຸນໂດຍ: ສ່ວນບຸກຄົນ

  ສະໜາມບິນລອງແທັງຕັ້ງຢູ່ຫ່າງຈາກນະຄອນໂຮ່ຈີມິນປະມານ 40 ກມ, ຫ່າງຈາກບຽນຮ່ວາ 30 ກມ ແລະຫ່າງຈາກວູ໋ງເຕົ່າ 70 ກມ, ຕັ້ງຢູ່ໃຈກາງເສດຖະກິດ ຈຸດສຸມທາງທິດຕາເວັນອອກພາກ ໃຕ້ຫວຽດນາມ ຊຶ່ງຈະຊ່ວຍກະຕຸ້ນ ການພັດທະນາຂອງຂະແໜງຂົນ ສົ່ງທາງການບິນ, ຊ່ວຍເພີ່ມທະວີການແກ່ງແຍ້ງສາກົນ, ເພີ່ມທະວີການເຊື່ອມຕໍ່ຫວຽດນາມກັບໂລກ, ສ້າງທ່ວງທ່າໃຫ້ແກ່ການພັດທະນາດ້ານການທ່ອງທ່ຽວຂອງປະເທດຊາດ. ສິ່ງສຳຄັນກວ່າແມ່ນ,ໂຄງການໄດ້ສ້າງວຽກເຮັດງານທຳໃຫ້ຜູ້ອອກແຮງງານ, ຄາດວ່າຈະມີ 200.000 ກວ່າຄົນຈະມີວຽກເຮັດງານທຳຈາກໂຄງການນີ້.

___________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์