ໄຊຍະໄດ້ຮັບງົບສ້າງພື້ນຖານໂຄງລ່າງເກືອບ 40 ຕື້ກີບ

  ໃນປີ 2019 ທົ່ວແຂວງໄຊຍະບູລີໄດ້ຮັບງົບປະມານການກໍ່ສ້າງພື້ນຖານໂຄງລ່າງທັງໝົດ 39,88 ຕື້ກີບ ແຫຼ່ງທຶນພາຍໃນປະຈຸບັນພວມປະກອບເອກະສານເບີກຈ່າຍໃນນັ້ນໂຄງການທີ່ລັດຖະບານມອບໃຫ້ແຂວງຈັດຕັ້ງປະຕິບັດບ້ວງປົກກະຕິມີມູນຄ່າ 30,8 ຕື້ກີບ 9 ເດືອນປະຕິບັດໄດ້ 22,8 ຕື້ກີບ ໂຄງການທີ່ກະຊວງມອບໃຫ້ແຂວງຈັດຕັ້ງປະຕິບັດບ້ວງປົກກະຕິມູນຄ່າ 9,07 ຕື້ກີບ, 9 ເດືອນປະຕິບັດໄດ້ 2,03 ຕື້ກີບ.

  ທ່ານ ຄໍາເພັດ ພົມມະລາດ ວ່າການຫົວໜ້າພະແນກໂຍທາທິການ ແລະຂົນສົ່ງ (ຍທຂ) ແຂວງໄຊຍະບູລີ ໄດ້ເປີດເຜີຍຕໍ່ນັກຂ່າວແຂວງວ່າ: ໃນໄລຍະ 9 ເດືອນຜ່ານມາແມ່ນໄລຍະຈັດຕັ້ງປະຕິບັດໂຄງການສືບຕໍ່ຂອງສົກປີຕາມງົບປະມານອະນຸມັດຈາກສະພາແຫ່ງຊາດໃນປີຜ່ານມາລວມມີທຶນສືບຕໍ່, ບ້ວງປົກກະຕິ, ພັດທະນາຊົນນະ ບົດລຶບລ້າງຄວາມທຸກຍາກ,ບ້ວງທຶນຈັດສັນພູມລໍາເນົາ ແລະບ້ວງຊໍາລະໜີ້ສິນໄພພິບັດມີທັງໝົດ 201 ໂຄງການມູນຄ່າ 2.730 ຕື້ກີບ ໃນນີ້ໂຄງການຊ່ວຍເຫຼືອ ແລະ ກູ້ຢືມຈາກຕ່າງປະເທດລວມທັງໂຄງການຂັ້ນສູນກາງ ແລະຂັ້ນແຂວງຄຸ້ມຄອງມີທັງໝົດ 11 ໂຄງການ.

   ສະໜັບສະໜຸນໂດຍ: HONDA

 ໂຄງການຂັ້ນກະຊວງມອບໃຫ້ແຂວງມີ 22 ໂຄງການມີມູນຄ່າທັງໝົດ 1.259 ຕື້ກີບ, ປະຕິບັດສໍາເລັດມີ 11 ໂຄງການ ມູນຄ່າ1.224 ຕື້ກີບ, ໂຄງການຂັ້ນແຂວງຄຸ້ມຄອງມີ 168 ໂຄງການມີງົບປະມານທັງໝົດ 1.073 ຕື້ກີບ, ທຶນພາຍໃນ 1.06 ຕື້ກີບ, ທຶນຕ່າງປະເທດ 11,97 ຕື້ກີບ,ລວມມີທຶນສືບຕໍ່,ບ້ວງປົກກະຕິ, ພັດ ທະນາຊົນນະບົດ ແລະ ລຶບລ້າງຄວາມທຸກຍາກ, ບ້ວງທຶນຈັດສັນພູມລໍາເນົາບ່ອນທໍາມາຫາກິນຂອງປະຊາຊົນ, ບ້ວງທຶນພັດທະນາເມືອງໃໝ່ ແລະ ບ້ວງຊໍາລະໜີ້ໄພ ພິບັດປະຕິບັດສໍາເລັດແລ້ວມີ 92 ໂຄງການ ມູນຄ່າ 510 ຕື້ກີບ ແລະພວມຈັດຕັ້ງປະຕິບັດມີ 76 ໂຄງການ ມູນຄ່າ 563,12 ຕື້ກີບ.

ສະໜັບສະໜຸນໂດຍ: ສ່ວນບຸກຄົນ

_________

ຂຽນໂດຍ: ບຸນທີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์