ຜົ້ງສາລີ ມອບເງິນນະໂຍບາຍໃຫ້ຍາດພີ່ນ້ອງຜູ້ເສຍສະຫຼະຊີວິດເພື່ອຊາດ

   ເພື່ອສະແດງຄວາມຮູ້ບຸນ ຄຸນ ແລະລະນຶກເຖິງຜູ້ທີ່ກ້າຫານ ສະຫຼະຊີວິດເລືອດເນື້ອຂອງຕົນ ເອງໃນປາງສົງຄາມ ເພື່ອປົດປ່ອຍ ປະເທດຊາດນັ້ນ.

ໃນລະຫວ່າງວັນທີ 16-17 ຕຸລາ 2019 ນີ້ ທາງພະແນກແຮງ ງານ ແລະສະຫວັດດີການສັງຄົມ ແຂວງຜົ້ງສາລີ ນຳໂດຍທ່ານ ເຫຼັກ ດວງໄກ ສົມພະຄຸນ ຫົວໜ້າພະ ແນກແຮງງານ ແລະສະຫວັດດີ ການສັງຄົມແຂວງ ພ້ອມທີມງານ ໄດ້ລົງສົມທົບກັບຫ້ອງການແຮງ ງານ ແລະສະຫວັດດີການສັງຄົມ ຂອງ 3 ເມືອງ ທາງໃຕ້ຂອງແຂວງ ຜົ້ງສາລີຄື: ເມືອງຂວາ, ເມືອງໃໝ່ ແລະເມືອງສຳພັນໄດ້ຈັດພິທີມອບ- ຮັບເງິນນະໂຍບາຍອຸດໜູນຜູ້ເສຍ ສະຫຼະຊີວິດໃນປາງສົງຄາມປະ ຈຳປີ 2019.

ໂດຍພິທີຈັດຂຶ້ນຢູ່ 2 ຈຸດຄື: ຈຸດ ເມືອງສຳພັນມີຍາດພີ່ນ້ອງຂອງຜູ້ເສຍສະຫຼະຊີວິດໃນປາງສົງຄາມ ຈາກທົ່ວເມືອງສຳພັນເຂົ້າມາຮັບໃຫ້ທັງໝົດ 29 ທ່ານ ລວມເງິນ 661,39 ລ້ານກີບ, ສຳລັບຈຸດ ເມືອງຂວາມີຍາດພີ່ນ້ອງຂອງຜູ້ ເສຍສະຫຼະຊີວິດໃນປາງສົງຄາມຈາກເມືອງຂວາ ແລະເມືອງໃໝ່ ເຂົ້າມາຮັບໃຫ້ທັງໝົດ 48 ທ່ານ ລວມເງິນ 1,06 ຕື້ກີບ.

--------------------------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์