ຜູ້ພະລິດຈີນຈະພັດທະນາລະບົບ 6 ຈີ

    ນັບຕັ້ງແຕ່ປີ 2015 ເປັນ ຕົ້ນມາ ສປ ຈີນໄດ້ໃຊ້ຈ່າຍຫຼາຍ ກວ່າອາລິກາປະມານ 24 ຕື້ໂດລາ ສະຫະລັດໃນເລື່ອງໂຄງສ້າງພື້ນຖານດ້ານສື່ສານໂທລະຄົມນາຄົມໄຮ້ສາຍ (ໂດຍທີ່ມີຈຳນວນອີກ 400 ຕື້ໂດລາລໍຢູ່ໃຫ້ໃຊ້ໄດ້ເພີ່ມເຕີມຕໍ່ໄປອີກ) ປະເທດຍັກໃຫຍ່ແຫ່ງອາຊີລາຍນີ້ໄດ້ຈັດສ້າງເຄືອຂ່າຍໃຫຍ່ລະດັບຊາດສຳເລັດແລ້ວໂດຍມີທີ່ຕັ້ງເສົາຮັບສົ່ງສັນຍານໂທລະສັບມືຖືແຫ່ງໃໝ່ໆເປັນຈຳນວນ 350.000 ແຫ່ງເມື່ອປຽບທຽບກັນແລ້ວອາເມລິກາມີຈຳນວນນ້ອຍກວ່າຫຼາຍໂດຍຍັງມີບໍ່ເຖິງ 30.000 ແຫ່ງ.

      ຄາດວ່າຈີນຈະພັດທະນາຄອນເຊບຂອງຕົນຕະຫຼອດຈົນການທົດລອງຕ່າງໆໃນລະບົບ 6 ຈີໄດ້ຢ່າງວ່ອງໄວໂດຍໄວທີ່ສຸດໜ້າຈະເປັນໃນປີ 2020 ຊຶ່ງຄວາມເຄື່ອນໄຫວເຫຼົ່ານີ້ເປັນຄວາມພະຍາຍາມທີ່ຈະກຳນົດຈັດວາງລາຍລະອຽດນະໂຍບາຍຕະຫຼອດຈົນກຳນົດຈັດວາງຄຳນິຍາມຈຳກັດຄວາມ ແລະ ມາດ ຕະຖານຕ່າງໆຂອງຕົນເອງຂຶ້ນມາທັງນີ້ຕາມການລາຍງານຂ່າວຂອງຊິນຮວາຊຶ່ງອ້າງອີງຄຳບອກເລົ່າຂອງພວກແຫຼ່ງຂ່າວທີ່ມີຄວາມໃກ້ຊິດກັບກຸ່ມເຮັດວຽກ 5 ຈີ ກຸ່ມໜຶ່ງໂດຍເປັນກຸ່ມເຮັດວຽກທີ່ຢູ່ພາຍໃຕ້ການເບິ່ງແຍງຂອງກະຊວງອຸດສາຫະກຳ ແລະ ເຕັກໂນໂລຊີ (Ministry of Industry and Information Technology) ຂອງຈີນໃນປະຈຸບັນກຸ່ມເຮັດວຽກນີ້ກຳລັງພິຈາລະນາແອັບພລິເຄຊັນທີ່ມີສັກກະຍະພາບໃນລະບົບ 6 ຈີ ກ່ອນທີ່ຈະດຳເນີນການລົງທຶນຢ່າງທຸ່ມເທໃນເຕັກໂນໂລຊີໃໝ່ໆໂດຍຜູ້ຊ່ຽວຊານກຳລັງປະເມີນວ່າພວກເຂົາຈຳເປັນທີ່ຈະຕ້ອງເນັ້ນໜັກໃນເລື່ອງຫຍັງແດ່ສຳລັບ 5 ຈີ ທີ່ກຳລັງໃກ້ຈະອອກມານຳໃຊ້ເກີດການກະຈາຍແຜ່ກວ້າງໄປທົ່ວປະເທດຈີນເລີ່ມຕັ້ງແຕ່ປີ 2019 ນີ້ເປັນຕົ້ນໄປ ແລະແອັບພລິເຄຊັນຫຍັງແດ່ຊຶ່ງແທນທີ່ຈະຊຸກຍູ້ໃຫ້ຢູ່ໃນ 5 ຈີກັບຄວນຊຸກຍູ້ໃຫ້ໄປຢູ່ໃນທາມລາຍຂອງ 6 ຈີ.

      ນອກເໜືອຈາກການຂະຫຍາຍພື້ນທີ່ຄວບຄຸມລວມໄປເຖິງອານາບໍລິເວນໃນລະດັບຄວາມສູງເພີ່ມຫຼາຍຂຶ້ນກວ່າເກົ່າແລ້ວ 6 ຈີ ຍັງຈະສະເໜີຄວາມແຫຼວຕົວ ຫຼື ຄວາມສາມາດໃນການໄຫຼ (fluidity) ຢ່າງສະຊິດບໍ່ມີໃຜທຽບໄດ້ ແລະ ອັດຕາໄວຂອງການຮັບສົ່ງສັນຍານຊຶ່ງໄວສູງຍິ່ງກວ່າລະດັບອຸລຕຣາ ຟາສ(Ultra-fast) ໂດຍທີ່ໄວກວ່າ 5 ຈີເຖິງ 10 ເທົ່າ (ຂະນະທີ່ 5 ຈີ ເອງກໍມີສັກກະຍະພາບທີ່ລະດັບສົ່ງຂໍ້ມູນ 1 ກິກະບິດຕໍ່ວິນາທີຢູ່ແລ້ວ) ນີ້ຈະສາມາດເຮັດໃຫ້ດາວໂຫຼດຮູບເງົາລະດັບ 4K ໄດ້ໃນຊົ່ວພິບຕາແລະຈະເປັນຍຸກໃໝ່ສຳລັບຄວາມສາມາດໃນການເຮັດວຽກຮ່ວມກັນ(interoperability) ແລະສຳລັບແອັບລິເຄຊັນເວີຊວລຣີລີຕີ (virtual reality applications) ຊຶ່ງໄດ້ພະລັງຈາກອັດຕາໄວຂອງການຮັບສົ່ງສັນຍານແບບ spiraling (spiraling transmission speeds).

แชร์