ບໍລິສັດ ໂມກ ຈໍາກັດ ໄດ້ຈັດພິທີເປີດຫ້ອງຂາຍລົດບີວາຍດີ (BYD) ພ້ອມນໍາສະເໜີລົດໄຟຟ້າ BYD ລຸ້ນ TANG EV ເຂົ້າມາຈໍາໜ່າຍໃນປະເທດລາວ

 ບໍລິສັດ ໂມກ ຈໍາກັດ ໄດ້ຈັດພິທີເປີດຫ້ອງຂາຍລົດບີວາຍດີ (BYD) ພ້ອມນໍາສະເໜີລົດໄຟຟ້າ BYD ລຸ້ນ TANG EV ເຂົ້າມາຈໍາໜ່າຍໃນປະເທດລາວເພື່ອຮອງຮັບການຊົມໃຊ້ພະລັງງານໄຟຟ້າໃຫ້ເພີ່ມຂຶ້ນ, ພິທີດັ່ງກ່າວມີຂຶ້ນໃນວັນທີ 19 ຕຸລາ 2019 ທີ່ຫ້ອງຂາຍລົດ BYD ບ້ານໂພນພະເນົາ ເມືອງໄຊເສດຖາ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງທ່ານ ສຸລິຍົນ ພິລາວົງ ຫົວໜ້າກົມນໍາເຂົ້າ ແລະ ສົ່ງອອກກະຊວງອຸດສາຫະກໍາ ແລະ ການຄ້າ, ມີຜູ້ຕາງໜ້າຈາກບໍລິສັດ BYD ແລະຕົວແທນຜູ້ຈໍາໜ່າຍ.

  ທ່ານ Liu Xueliang ປະທານຝ່າຍຂາຍຂອງ BYD ປະຈຳພາກພື້ນອາຊີ-ປາຊີຟິກ ກ່າວວ່າ: ບໍລິສັດ BYD ສ້າງຂຶ້ນໃນປີ 1995, ລິເລີ່ມດ້ວຍການຜະລິດແບັດເຕີຣີໃຫ້ແກ່ບໍລິສັດຕ່າງໆທົ່ວ ໂລກ ດ້ວຍປະສົບການກວ່າ 24 ປີ ໃນ ການຄົ້ນຄວ້າວິໄຈ ແລະຜະລິດແບັດເຕີ ຣີເຮັດໃຫ້ບໍລິສັດຂຶ້ນຊື່ວ່າເປັນແຫຼ່ງທີ່ມີກຳລັງການຜະລິດແບັດເຕີຣີ Iron-Phosphate ຫຼາຍທີ່ສຸດໃນໂລກ, ປະຈຸບັນມີຄວາມຊ່ຽວຊານໃນ 4 ຂະແໜງໃຫຍ່ຄື: ດ້ານອຸປະກອນອີເລັກໂຕນິກ, ລົດພາຫະນະ, ພະລັງງານໃໝ່ ແລະລົດໂດຍສານຊຶ່ງເປັນຜູ້ບຸກເບີກດ້ານຄວາມສຳເລັດໃນການສ້າງສະພາບແວດລ້ອມທີ່ປາສະຈາກມົນລະພິດ, ພະລັງງານແສງອາທິດທີ່ມີລາຄາຍ່ອມເຍົາ, ອຸປະ ກອນເກັບພະລັງງານທີ່ມີຄຸນະພາບ ແລະລົດໄຟຟ້າ.

  ທ່ານ Mok leng Tou ປະທານຕົວແທນໃຫຍ່ BYD ປະຈຳປະເທດລາວກ່າວວ່າ: ລົດ BYD ແມ່ນການນໍາໃຊ້ ເຕັກໂນໂລຊີທີ່ທັນສະໄໝຊຶ່ງຈະນໍາການປະຕິຮູບໃໝ່ເຂົ້າສູ່ຕະຫຼາດລົດ ຂອງ ປະເທດລາວ, ສໍາລັບສາຂາຂາຍລົດ BYD ແຫ່ງທໍາອິດນີ້ ໄດ້ກຽມຄວາມ ພ້ອມດ້ານທີມງານທີ່ເປັນມືອາຊີບ ທັງ ການຂາຍ, ການບໍລິການຫຼັງການຂາຍ,ສ່ວນສາຂາຕໍ່ໄປແມ່ນວາງເປົ້າທີ່ແຂວງຫຼວງພະບາງ, ສະຫວັນນະເຂດ ແລະປາກເຊໃຫ້ໄດ້ພາຍໃນປີ 2020 ແລະຈະຂະຫຍາຍໄປບັນດາເມືອງຂອບເຂດທົ່ວປະເທດເຖິງ 20 ຈຸດ ໂດຍຍົກສູງຄຸນນະພາບການບໍລິການໃຫ້ດີທີ່ສຸດ.

 ທ່ານ ນາງ ເພັດສີລາ ພົມອຸໄທ ຜູ້ຈັດການຝ່າຍຂາຍ ບໍລິສັດ BYD ລາວ ໃຫ້ຮູ້ວ່າ: ລົດໄຟຟ້າທີ່ເປີດຕົວໃນຄັ້ງນີ້ແມ່ນລົດຍີ່ຫໍ້ BYD ລຸ້ນTANG EV ທີ່ສາກໄຟຟ້າໃນຄົວເຮືອນທົ່ວໄປ 220 ໂວນ, ສາກ 1 ຄັ້ງສາມາດແລ່ນໄດ້ເຖິງ 500 ກິໂລແມັດ,ລົດລຸ້ນນີ້ມີ 486 ແຮງມ້າ, ຂັບເຄື່ອນ 4 ລໍ້, ຮັບປະກັນແບັດເຕີຣີ 8 ປີ ຫຼື 1,50 ແສນກິໂລແມັດ, ສ່ວນຕົວ ລົດຮັບປະກັນ 4 ປີ ຫຼື 1 ແສນກິໂລ ແມັດ, ລໍ້ແມັກຂອບ 22 ນິ້ວ, ລະບົບເບຣກ ແມ່ນດິສສະເບຣກໜ້າຫຼັງຊຶ່ງນໍາໃຊ້ເບຣກຈາກບໍລິສັດບອດທີ່ໄດ້ຄຸນນະພາບ, ສ່ວນພາຍໃນເບາະເປັນເບາະໄຟຟ້າມີຖົງລົມນິລະໄພ 8 ຈຸດ, ລະບົບເຊັນເຊີ ແລະກ້ອງ 360 ຮອບຄັນ, ມີກະແຈເປັນລະບົບອັດສະລິຍະສາມາດສັ່ງງານລົດໃຫ້ຂັບເຄື່ອນໄດ້ເອງ.

   ສະໜັບສະໜຸນໂດຍ: HONDA

____________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์