6 ບ້ານ 3 ເມືອງເຂດປ່າສະຫງວນນໍ້າປຸຍ ສ້າງຄວາມເຂັ້ມແຂງຄຸ້ມຄອງ ແລະການຄ້າໄມ້

  ກອງປະຊຸມລາຍງານຜົນການຈັດຕັ້ງປະຕິບັດໂຄງການປີ 2018-2019 ແລະປຶກສາຫາລືແຜນປະຈໍາປີ 2019-2021 ຂອງໂຄງການສ້າງຄວາມເຂັ້ມແຂງໃຫ້ອົງ ການຈັດຕັ້ງທາງສັງຄົມໃນວຽກງານຈັດຕັ້ງປະຕິບັດກົດໝາຍການຄຸ້ມຄອງ ແລະ ການຄ້າໄມ້ໃນເຂດປ່າສະຫງວນແຫ່ງຊາດນໍ້າປຸຍ ແຂວງໄຊຍະບູລີ ໄດ້ຈັດຂຶ້ນເມື່ອບໍ່ດົນມານີ້ທີ່ພະແນກກະສິກໍາ ແລະປ່າໄມ້ແຂວງ, ເຂົ້າຮ່ວມເປັນປະທານຂອງ ທ່ານ ຄໍາພຸດ ອິນທະວົງ ຮອງຫົວໜ້າພະແນກກະສິກໍາ ແລະປ່າໄມ້ແຂວງ, ທ່ານນາງ ຄໍາບາງ ທິບພະວົງ ຮອງປະທານສະມາຄົມຊີວະນາໆພັນລາວ, ມີຕາງໜ້າກົມປ່າໄມ້, ກອງກວດກາປ່າໄມ້, ຕາງໜ້າອົງການລິຄອບ, ອົງການອານຸລັກສັດໂລກ, ອົງການຈັດຕັ້ງສັງຄົມລາວ, ມີຫົວໜ້າຮອງຫົວໜ້າພະແນກການທີ່ກ່ຽວຂ້ອງຂອງແຂວງ, ຂອງເມືອງເປົ້າໝາຍຄື: ເມືອງພຽງ, ເມືອງປາກລາຍ ແລະເມືອງທົ່ງມີໄຊເຂົ້າຮ່ວມ.

  ທ່ານ ຄໍາພຸດ ອິນທະວົງ ໄດ້ກ່າວວ່າ: ປ່າໄມ້ເປັນອົງປະກອບໜຶ່ງຂອງລະບົບນິເວດທໍາມະຊາດທີ່ຕອບສະໜອງຜົນປະໂຫຍດທາງກົງ ແລະທາງອ້ອມໃຫ້ແກ່ສັງຄົມມະ ນຸດ ແລະກໍ່ເປັນຊັບພະຍາກອນທີ່ມີການປູກທົດແທນໄດ້ ແຕ່ຖ້າການນໍາໃຊ້ທີ່ບໍ່ຮັບປະກັນຄວາມຍືນຍົງກໍ່ເຮັດໃຫ້ຊັບພະຍາກອນທີ່ສໍາຄັນເຫຼົ່ານັ້ນຫຼຸດໜ້ອຍຖອຍລົງເປັນຕົ້ນການຫຼຸດລົງທາງດ້ານເນື້ອທີ່,ໂຄງປະກອບສ້າງຂອງຊະນິດພັນຕ່າງໆ ແລະຄຸນຄ່າທາງດ້ານເສດຖະກິດ; ສິ່ງດັ່ງກ່າວນັ້ນໄດ້ເຮັດໃຫ້ການປະກອບສ່ວນຕໍ່ລາຍຮັບແຫ່ ງຊາດຫຼຸດລົງ, ສິ່ງແວດລ້ອມຊຸດໂຊມລົງ, ເກີດບັນຫາທໍາມະຊາດນັບມື້ນັບຖີ່ ແລະຮຸນແຮງຂຶ້ນສ້າງຄວາມສູນເສຍອັນມະຫາສານຕໍ່ຊີວິດ ແລະຊັບສິນຂອງປະຊາຊົນບັນ ດາເຜົ່າ.

ສະໜັບສະໜຸນໂດຍ: ສ່ວນບຸກຄົນ

  ໃນໄລຍະກາງປີ 1960 ປະເທດເຮົາມີເນື້ອທີ່ປ່າໄມ້ປົກຫຸ້ມປະມານ 70% ຂອງເນື້ອທີ່ທົ່ວປະເທດມາຮອດປີ 1992 ຍັງເຫຼືອພຽງ 47,9%, ປີ2002 ເຫຼືອປະ ມານ 41,5% ສະເລ່ຍປ່າໄມ້ຖືກທໍາລາຍປະມານ 130 ພັນເຮັກຕາຕໍ່ປີ ແລະ ມາຮອດປີ 2010 ຍັງເຫຼືອ 40% ຫຼືປະມານ 9,5 ລ້ານເຮັກຕາສາເຫດການຫຼຸດຍ້ອນການຕັດໄມ້ທໍາລາຍປ່າເຮັດໄຮ່ແບບເລື່ອນລອຍຂອງປະຊາຊົນບັນດາເຜົ່າ, ການຂຸດຄົ້ນບໍ່ແຮ່ທາດ ແລະການຂຸດຄົ້ນໄມ້ທີ່ບໍ່ໄດ້ຮັບອານຸຍາດ.

  ຈາກເຫດຜົນດັ່ງກ່າວພັກ ແລະ ລັດຖະບານໄດ້ມີຄວາມພະຍາຍາມ ແລະ ອອກນະໂຍບາຍໃນການຄຸ້ມຄອງ ແລະປົກປັກຮັກສາພັດທະນາປ່າໄມ້ໃຫ້ມີຄວາມຍືນຍົງຕະ ຫຼອດມາໂດຍສະເພາະໄດ້ກໍານົດຍຸດທະສາດປ່າໄມ້ຮອດປີ 2020 ສູ້ຊົນຍົກລະດັບຄວາມປົກຫຸ້ມປ່າໄມ້ໃຫ້ໄດ້ 70% ຫຼືປະມານ 16,5 ລ້ານເຮັກຕາ ເພື່ອບັນລຸເປົ້າ ໝາຍດັ່ງກ່າວລັດຖະບານຈຶ່ງໄດ້ເປີດໂອກາດຍາດແຍ່ງການຊ່ວຍເຫຼືອຈາກອົງການຈັດຕັ້ງສາກົນເພື່ອຕອບສະໜອງກອງທຶນເຂົ້າໃນວຽກງານຄຸ້ມຄອງ ແລະປົກປັກຮັກ ສາປ່າໄມ້ໃຫ້ມີຄວາມຍືນຍົງເປັນຕົ້ນໂຄງການ Suford, BCC, FLEGT, FIP, Step ແລະອື່ນໆ.

ສະໜັບສະໜຸນໂດຍ: HONDA

 ຜ່ານການເຄື່ອນໄຫວເຫັນວ່າເນື້ອທີ່ປ່າໄມ້ມີທ່າອ່ຽງເພີ່ມຂຶ້ນຊຶ່ງຜົນປະເມີນປີ 2015 ມີປະມານ 58% ຫຼືປະມານ 13,7 ລ້ານກວ່າເຮັກຕາໃນຂອບເຂດທົ່ວປະເທດ ສະເພາະແຂວງໄຊຍະບູ ລີກໍ່ມີປະມານ 71% ຂອງເນື້ອທີ່ຄຸ້ມຄອງ ຫຼື ປະມານ 1.147,23 ເຮັກຕາ ເພື່ອບັນ ລຸເປົ້າໝາຍໃຫ້ມີປ່າໄມ້ປົກຫຸ້ມ 70% ໃນທົ່ວປະເທດ ສະມາຄົມຊີວະນາໆພັນ ລາວຈຶ່ງໄດ້ກໍານົດໂຄງການສ້າງຄວາມເຂັ້ມແຂງໃຫ້ອົງການຈັດຕັ້ງທາງສັງຄົມລາວ ແລະພາກສ່ວນທີ່ກ່ຽວຂ້ອງຈະໄດ້ປຶກສາຫາລືການຄັດເລືອກເອົາ 6 ບ້ານ, 3 ເມືອງເປົ້າໝາຍຕາມກອບ ແລະເງື່ອນໄຂຂອງໂຄງການໂດຍສະເພາະບ້ານທີ່ມີຂອບເຂດຕິດປ່າສະຫງວນ, ບ້ານທີ່ຢູ່ໃນປ່າສະຫງວນ ແລະບ້ານທີ່ຢູ່ໃນນອກເຂດປ່າສະຫງວນແຫ່ງຊາດ,  ນໍ້າປຸຍຄືບ້ານໃຫຍ່ນາແວນ ແລະບ້ານ ນາແລ ເມືອງພຽງ, ບ້ານນາຄະຍາງ ແລະ ບ້ານຫາດດ້າຍ ເມືອງປາກລາຍ, ບ້ານແຄ່ນແລະບ້ານນາມ່ວງ ເມືອງທົ່ງມີໄຊ ເພື່ອຈັດຕັ້ງປະຕິບັດກິດຈະກໍາຂອງໂຄງການສ້າງຄວາມເຂັ້ມແຂງໃຫ້ອົງການຈັດຕັ້ງທາງສັງຄົມລາວໃນວຽກງານຈັດຕັ້ງປະຕິບັດກົດໝາຍ, ການຄຸ້ມຄອງ ແລະການຄ້າໄມ້ໃນຂອບເຂດປ່າສະຫງວນແຫ່ງຊາດນໍ້າປຸຍແຂວງໄຊຍະບູລີ.

____________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์