ສະແດງດົນຕີນຳລາຍໄດ້ຊ່ວຍຜູ້ປະສົບໄພນໍ້າຖ້ວມ

   ບໍລິສັດໂຕໂຢຕ້າ ລາວ ຈໍາກັດ ໄດ້ຈັດງານສະແດງດົນຕີການກຸສົນ “ໂຕໂຢຕ້າຄລາສສິກ ຄັ້ງທີ 30” ຂຶ້ນໃນຄໍ່າ ຄືນຂອງວັນທີ 18 ຕຸລາ2019 ທີ່ຫໍວັດທະນະທຳແຫ່ງຊາດໂດຍໃຫ້ກຽດເຂົ້າຮ່ວມມີທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ, ທ່ານ ຄໍາແພງ ໄຊສົມແພງ ລັດຖະມົນຕີກະຊວງແຮງ ງານ ແລະສະຫວັດດີການສັງຄົມ, ທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫຼງຂ່າວວັດທະນະທໍາ ແລະທ່ອງທ່ຽວ, ພ້ອມດ້ວຍບັນດາການນຳພັກ-ລັດ, ສະຖານທູດ, ແຂກຖືກເຊີນ ແລະບັນດາຜູ້ຊົມ.

ສະໜັບສະໜຸນໂດຍ: ສ່ວນບຸກຄົນ

  ທ່ານ Masaaki Kawabata ຜູ້ອຳນວຍການບໍລິສັດໂຕໂຢຕ້າລາວ ຈຳກັດ ກ່າວວ່າ: ໂຄງການໂຕໂຢຕ້າຄລາສສິກສ້າງຕັ້ງເມື່ອປີ 1990, ຊຶ່ງປີນີ້ຈັດຂຶ້ນເປັນຄັ້ງທີ 30 ໂດຍມີວັດຖຸປະສົງເພື່ອສົມທົບທຶນນຳລາຍໄດ້ທັງໝົດຈາກການຈັດງານ (ບໍ່ຫັກຄ່າໃຊ້ຈ່າຍ) ມອບໃຫ້ກັບອົງກອນເພື່ອການກຸສົນຕ່າງໆນຳໄປຊ່ວຍເຫຼືອສັງຄົມພາຍ ໃນປະເທດທີ່ຈັດສະແດງຜ່ານການບັນເລງດົນຕີຄລາສສິກລະດັບໂລກ, ສໍາລັບການສະແດງຄັ້ງນີ້ບັນເລງໂດຍວົງລອນດອນແຊມເບີອໍເຄສຕຣ້າທີ່ເກົ່າແກ່ທີ່ສຸດຈາກປະ

ເທດອັງກິດ ສ້າງຕັ້ງເມື່ອປີ 1921 ແລະເປັນວົງທີ່ມີຄວາມສໍາຄັນໃນວົງ ການດົນຕີຄລາສສິກອໍານວຍເພງ ໂດຍ ທ່ານ ຄຣິສໂຕເຟີ ວໍເຣັນ ກຣີນ (Chris topher Warren-Green; Principal Conductor & Music Director), ນອກຈາກການສະແດງພາຍໃນງານແລ້ວວົງລອນດອນແຊມເບີອໍເຄສຕຣ້າຍັງໄດ້ໄປຝືກສອນການຫຼິ້ນດົນຕີຄລາສສິກໃຫ້ກັບນັກຮຽນໂຮງຮຽນສິລະປະແຫ່ງຊາດອີກດ້ວຍ, ສະເພາະໃນປີນີ້ ໂຕໂຢຕ້າ ຄລາສສິກ ໄດ້ຈັດສະແດງທັງໝົດ 6 ປະເທດມີປະ ເທດລາວ, ໄທ, ບຣູໄນ, ມາເລເຊຍ, ກຳປູເຈຍ ແລະຫວຽດນາມ.

ສະໜັບສະໜຸນໂດຍ: HONDA

  ພາຍໃນງານດັ່ງກ່າວບໍລິສັດ ໂຕໂຢຕ້າລາວ ກໍໄດ້ນໍາລາຍໄດ້ທັງໝົດຈາກການຂາຍບັດພ້ອມທຶນສະໜັບສະໜູນສົມທົບຂອງບໍລິສັດໂຕໂຢຕ້າ ລາວ ຈຳກັດລວມທັງໝົດຈຳນວນ 200 ລ້ານກີບ ມອບໃຫ້ລັດຖະບານລາວເພື່ອນໍາໄປຊ່ວຍເຫຼືອບັນເທົາທຸກໃຫ້ຜູ້ໄດ້ຮັບຜົນກະທົບຈາກໄພນໍ້າຖ້ວມຢູ່ພາກກາງ ແລະ ພາກໃຕ້ຊຶ່ງໃຫ້ກຽດມອບແມ່ນທ່ານ Masaaki Kawabata ຜູ້ອຳນວຍການບໍລິສັດ ໂຕໂຢຕ້າ ລາວ ຈຳກັດ ແລະຮັບໂດຍທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງ ການເງິນ.

_____________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์