ທຄຕລ ສາຂາສາລະວັນຄັດເລືອກເລຂາ ໜ່ວຍພັກຊຸດໃໝ່

  ກອງປະຊຸມປ່ອນບັດຄັດເລືອກເອົາເລຂາຮອງເລຂາໜ່ວຍພັກຊຸດໃໝ່ຂອງໜ່ວຍພັກທະນາຄານການຄ້າຕ່າງປະເທດລາວມະຫາຊົນສາຂາແຂວງສາລະວັນໄດ້ຈັດຂຶ້ນໃນວັນທີ 19 ຕຸລາ ຢູ່ທີ່ຫ້ອງປະຊຸມທະນາຄານດັ່ງກ່າວໂດຍການເປັນປະທານຂອງສະຫາຍ ສຸກສະຫວັນ ໄຊຍະແສງ ຮອງເລຂາໜ່ວຍພັກທະນາຄານການຄ້າຕ່າງປະເທດລາວມະຫາຊົນສາຂາແຂວງສາລະວັນເຂົ້າຮ່ວມມີສະຫາຍ ບົວທອງ ຄຸນຍອດປັນຍາ ຮອງເລຂາພັກແຂວງ,ຮອງເຈົ້າແຂວງໆສາລະວັນ, ພ້ອມດ້ວຍພະນັກງານສະມາຊິກພັກສົມບູນ ແລະສຳຮອງເຂົ້າຮ່ວມ.

  ຊຶ່ງກອງປະຊຸມຄັ້ງນີ້ໄດ້ຮັບຟັງການຜ່ານບົດລາຍງານການເມືອງບົດສະຫຼຸບຕີລາຄາການເຄື່ອນໄຫວວຽກງານ ແລະບົດສຳຫຼວດການນຳພາລວມໃນໄລຍະ 5 ປີ ຜ່ານມາ, ໃນໄລຍະຜ່ານມາໜ່ວຍ ພັກທະນາຄານການຄ້າຕ່າງປະ ເທດລາວມະຫາຊົນສາຂາແຂວງ ສາລະວັນກໍ່ໄດ້ເອົາໃສ່ໃນການຜັນຂະຫຍາຍມະຕິກອງປະຊຸມໃຫຍ່ຄັ້ງ X ຂອງສູນກາງພັກ, ມະຕິກອງ ປະຊຸມໃຫຍ່ຄັ້ງທີ VIII ຂອງອົງ ຄະນະພັກແຂວງ ແລະມະຕິກອງປະຊຸມສະພາແຫ່ງຊາດຊຸດທີ VIII, ພ້ອມດ້ວຍມະຕິຄຳສັງຕ່າງໆຂອງ ຂັ້ນເທິງ ແລະຂັ້ນຕົນວາງອອກ ໃນແຕ່ລະໄລຍະຢ່າງເປັນຂະບວນ ແລະກວ້າງຂວາງ, ນອກຈາກນັ້ນ ກໍ່ແມ່ນບັນດາກົດໝາຍວ່າດ້ວຍທະນາຄານທຸລະກິດ, ສະບັບເລກທີ 56/ສພຊ ນະຄອນຫຼວງວຽງຈັນ, ລົງວັນທີ 7 ທັນວາ ປີ 2018 ກົດໝາຍວ່າດ້ວຍການຕ້ານສະກັດກັ້ນການຟອກເງິນ ແລະສະໜອງທຶນໃຫ້ແກ່ການກໍ່ການຮ້າຍສະບັບເລກທີ 50/ສພຊ ນະຄອນຫຼວງວຽງຈັນ ລົງວັນທີ 21 ພະຈິກ ປີ 2014 ແລະ ບັນດາແຈ້ງການ ແລະ ນິຕິກຳອື່ນໆທີ່ກ່ຽວກັບວຽກງານໃນຂົງເຂດທະນາ ຄານ, ພ້ອມກັນນັ້ນກໍ່ໄດ້ເອົາໃສ່ສຶກສາ ອົບຮົມການເມືອງແນວຄິດໃຫ້ພະນັກງານ-ລັດຖະກອນສະມາຊິກພັກ ພາຍໃນໄດ້ຮັບຮູ້ເຂົ້າໃຈເຊື່ອມຊຶມ ກຳແໜ້ນຕໍ່ກັບແນວທາງແຜນການ ນະໂຍບາຍຂອງພັກ-ລັດວາງອອກນອກຈາກນັ້ນກໍ່ໄດ້ເອົາໃຈໃສ່ໃນ ວຽກງານວິຊາສະເພາະຂອງຕົ້ນ, ວຽກງານອົງການຈັດຕັ້ງກຳມະ ບານ, ຊາວໜຸ່ມ ແລະແມ່ຍິງເພື່ອ ເຮັດໃຫ້ວຽກງານອົງການຈັດຕັ້ງ ໄດ້ມີການເຄື່ອນໄຫວຕາມພາລະ ບົດບາດ, ສິດ ແລະໜ້າທີ່ຕາມ ຄວາມຮັບຜິດຊອບ, ໜ່ວຍພັກທະ ນາຄານການຄ້າຕ່າງປະເທດລາວ ມະຫາຊົນສາຂາແຂວງສາລະວັນມີສະມາຊິກພັກທັງໝົດ 9 ສະ ຫາຍ, ຍິງ 2 ສະຫາຍ, ສະມາຊິກ ພັກສົມບູນ 6 ສະຫາຍ, ສໍາຮອງ 3 ສະຫາຍ, ຍິງ 2 ສະຫາຍ.

  ສະໜັບສະໜຸນໂດຍ: HONDA   ----------

  ຈາກນັ້ນໜ່ວຍພັກທະນາຄານການຄ້າຕ່າງປະເທດລາວມະຫາ ຊົນສາຂາ ແຂວງສາລະວັນຊຸດ ເກົ່າກໍ່ໄດ້ກ່າວລາໜ້າທີ່, ພ້ອມທັງ ຜ່ານມາດຖານເງື່ອນໄຂຜູ້ທີ່ຈະສະ ໝັກເຂົ້າໃນໂຄງປະກອບຂອງ ໜ່ວຍພັກຊຸດໃໝ່ ຊຶ່ງມີຜູ້ສະໝັກ 3 ສະຫາຍ, ເລືອກເອົາ 2 ສະຫາຍ, ຜ່ານການປ່ອນບັດຄັດເລືອກ ແລະຜົນຂອງກອງປະຊຸມປະຖົມມະລຶກໄດ້ຕົກລົງເຫັນດີເປັນເອກະພາບແຕ່ງຕັ້ງສະຫາຍ ສຸກສະຫວັນ ໄຊຍະແສງ ເປັນເລຂາໜ່ວຍພັກ ທະນາຄານການຄ້າຕ່າງປະເທດ ລາວມະຫາຊົນສາຂາ ແຂວງສາລະວັນ ແລະແຕ່ງຕັ້ງສະຫາຍ ອະນຸສັກ ທຳມະຂັດຕີ ເປັນຮອງເລ ຂາໜ່ວຍພັກທະນາຄານການຄ້າຕ່າງປະເທດລາວມະຫາຊົນສາຂາແຂວງສາລະວັນຊຸດໃໝ່, ພ້ອມດຽວກັນນັ້ນກອງປະຊຸມຍັງໄດ້ມີການປ່ອນບັດຄັດເລືອກເອົາຜູ້ແທນສົມບູນ ແລະ ສຳຮອງໄປຮ່ວມກອງປະຊຸມໃຫຍ່ຂອງອົງຄະນະພັກແຂວງຕື່ມອີກຊຶ່ງມີຜູ້ສະໝັກທັງ ໝົດ 3 ສະຫາຍ ເລືອກເອົາ 2 ສະຫາຍ.

ສະໜັບສະໜຸນໂດຍ: ສ່ວນບຸກຄົນ

-------------

 ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์