ມອບ-ຮັບໂຄງການກໍ່ສ້າງໂຮງຮຽນ ມສ ນາຄ່ອນ

  ວັນທີ 18 ຕຸລາ ຜ່ານມາ ທີ່ບ້ານນາຄ່ອນ ເມືອງໝອກ ແຂວງ ຊຽງຂວາງ ໄດ້ຈັດພິທີມອບ-ຮັບ ໂຄງການກໍ່ສ້າງໂຮງຮຽນ ມສ ນາຄ່ອນ ໂດຍການກ່າວມອບຂອງ ທ່ານ ສີພັນດອນ ທໍາມະວົງ ອໍານວຍການບໍລິສັດ ໂຊກໄຊຄໍາ ກໍ່ສ້າງຈໍາກັດ ແລະກ່າວຮັບແມ່ນ ທ່ານ ໄທວ່າງ ກ່າຊົວຫົວໜ້າຫ້ອງການສຶກສາທິການ ແລະກີ ລາເມືອງ, ໂດຍມີທ່ານ ຄໍາແພງ ໄຊຍະຜອງ ຮອງເຈົ້າເມືອງໝອກ, ທ່ານ ທອງສີ ພັນນາວົງ ຮອງຫົວ ໜ້າພະແນກສຶກສາທິການ ແລະ ກີລາແຂວງ, ມີບັນດາຄູ-ອາຈານ ແລະນັກຮຽນເຂົ້າຮ່ວມ.

ສະໜັບສະໜຸນໂດຍ: HONDA

ທ່ານ ສີພັນດອນ ທໍາມະວົງ ໃຫ້ຮູ້ວ່າ: ໂຄງການກໍ່ສ້າງໂຮງຮຽນ ມສ ນາຄ່ອນ ໄດ້ເລີ່ມລົງ ມືກໍ່ສ້າງແຕ່ວັນທີ 10 ພຶດສະພາ 2018 ເຖິງວັນທີ 18 ຕຸລາ 2019 ເປັນເວລາ 1 ປີ 5 ເດືອນ ຈຶ່ງໄດ້ ສໍາເລັດ 100%, ອາຄານຮຽນ ດັ່ງກ່າວເປັນອາຄານຮຽນ 2 ຊັ້ນ, ມີຂະໜາດ 9,5X48,25 ແມັດ, ລວມທັງໝົດມີ 11 ຫ້ອງຮຽນ, 1 ຫ້ອງຄອມພິວເຕີ, 4 ຫ້ອງນໍ້າ, ການກໍ່ສ້າງແມ່ນກໍ່ດ້ວຍດິນຈີ່ເບ ຕົງເສີມເຫຼັກຕາມແຜນຜັງ 100% ລວມມູນຄ່າການກໍ່ສ້າງທັງໝົດ 4 ຕື້ກວ່າກີບ ໂດຍແມ່ນບໍລິສັດ ໂຊກໄຊຄໍາ ກໍ່ສ້າງຈໍາກັດເປັນຜູ້ ຮັບເໝົາກໍ່ສ້າງ.

----------------------------

ພາບ ແລະຂາ່ວຈາກ:ໜັງສືພິມເສດຖະກິດ-ສັງຄົມ

แชร์