ຊ້າງນ້ອຍ ເອັຟຊີ ເອົາຊະນະ ອິນເດຍ ບານເຕະນາໆຊາດ

ສະໂມສອນຊ້າງນ້ອຍເອັຟຊີ ທີມອັນດັບ 3 ໃນແປບຊີລາວພຣີເມຍລີກ 2019 ໄດ້ເຂົ້າຮ່ວມການແຂ່ງຂັນບານເຕະໃນລາຍການ Sheikh KamalInternational Ciub Cup 2019 ທີ່ປະເທດບັງກາລາເທດ ໃນລະ ຫວ່າງວັນທີ 19-29 ຕຸລາ 2019.

ໃນວັນທີ 20 ຕຸລາ ຜ່ານມາທີມຊ້າງນ້ອຍ ເອັຟຊີ ໄດ້ລົງສະໜາມນັດທຳອິດໃນການແຂ່ງຂັນ ບານເຕະນາໆຊາດ ໂດຍພົບກັບ ທີມ Muhun Bagan AC ຈາກອິນເດຍ ຜ່ານການແຂ່ງຂັນຜົນປາ ກົດວ່າ: ທີມຊ້າງນ້ອຍ ເອັຟຊີ ສາມາດເອົາຊະນະ ອິນເດຍ 2-1 ຈາກການຍິງຂອງ ສົມໄຊ ແກ້ວ ຫານາມ ຍິງ 2 ປະຕູ ຊ່ວຍໃຫ້ທີມ ເອົາຊະນະ ອິນເດຍ 2-1 ແລະ ໄດ້ຖືກໂຫວດໃຫ້ເປັນນັກເຕະດີເດັ່ນໃນເກມອີກດ້ວຍ ແລະເປັນໄຊ ຊະນະນັດທຳອິດຂອງຊ້າງນ້ອຍ ເອັຟຊີ  ໃນການແຂ່ງຂັນຄັ້ງນີ້.

ສະໜັບສະໜຸນໂດຍ: ສ່ວນບຸກຄົນ

 

  ລາຍການດັ່ງກ່າວມີທີມເຂົ້າຮ່ວມການແຂ່ງຂັນທັງໝົດ 8 ທີມ ຈາກ 6 ປະເທດ, ໄດ້ແກ່ບັງກາ ລາເທດ 3 ທີມ, ອິນເດຍ 2 ທີມ,ມາເລເຊຍ 1 ທີມ, ມານດິບ 1 ທີມ, ສປປ ລາວ 1 ທີມ ແລະໄດ້ ແບ່ງອອກເປັນ 2 ສາຍການແຂ່ງ ຂັນຄື: ກຸ່ມ A ປະກອບມີ T.C Sports Club ຈາກມານດິບ, Muhun Bagan AC ຈາກ ອິນເດຍ, ຊ້າງນ້ອຍ ເອັຟຊີ ຈາກ ສປປ ລາວ ແລະChittagong Abahani LTD ຈາກບັງກາລາ ເທດ, ສ່ວນກຸ່ມ B ມີ Bashundhara Kings ຈາກບັງກາລາເທດ, Chennai City football Club ຈາກອິນເດຍ, Terengganu football Club ຈາກມາເລເຊຍ ແລະAbahani Limited Dhaka ຈາກບັງກາລາເທດ.

ສ່ວນນັດທີ 2 ຊ້າງນ້ອຍເອັຟຊີ ພົບກັບ Chittagong Abahani LTD ໃນວັນທີ 22 ຕຸລາ 2019 ເວລາ 19:00 ໂມງ ແລະໃນນັດທີ 3 ພົບກັບ T.C Sports Club ໂດຍທຸກນັດແຂ່ງຂັນຢູ່ທີ່ M.A Aziz Stadium Chittagong ປະເທດບັງກາລາເທດ

-----------------------------

ພາບ ແລະຂາ່ວຈາກ:ໜັງສືພິມເສດຖະກິດ-ສັງຄົມ

แชร์