ຫຼາຍພາກສ່ວນແນະນຳຈຸດເດັ່ນຂອງຜະລິດຕະພັນຢູ່ ສທຄ

    ສະຖາບັນການທະນາຄານ (ສທຄ) ເປັນແຫຼ່ງຜະລິດບຸກຄະ ລາກອນດ້ານການທະນາຄານ, ສະຖາບັນການເງິນຈຸລະພາກ ແລະບັນ ຊີ-ການເງິນໃຫ້ແກ່ປະເທດຊາດ ໂດຍສະເພາະໃຫ້ຂະແໜງການທີ່ ກ່ຽວຂ້ອງ, ສະນັ້ນ ຈຶ່ງເລັ່ງທວງ ໃຫ້ນັກສຶກສາຕ້ອງເລັ່ງຄົ້ນຄວ້າໆ ຫາຄວາມຮູ້ປະສົບການດ້ານຕ່າງໆ ທັງຊອກຮູ້-ຊອກຫາສະຖານທີ່ໆ ຈະປະກອບອາຊີບພາຍຫຼັງສຳເລັດ ການສຶກສາເພາະປະຈຸບັນເປັນຍຸກ ແຫ່ງການແຂ່ງຂັນທາງດ້ານພູມປັນຍາ, ຍ້ອນເຫັນໄດ້ຄວາມສຳ ຄັນຄືດັ່ງກ່າວ; ຄະນະນຳ ສທຄ ຈຶ່ງໄດ້ສະເໜີການຈັດຕັ້ງຂັ້ນເທິງ ແລະໄດ້ນຳເອົາບັນດາທະນາຄານ-ສະຖາບັນການເງິນ-ການສຶກສາ ແລະບໍລິສັດມາຖ່າຍທອດຄວາມຮູ້-ປະສົບການທັງແນະນຳຈຸດເດັ່ນ ຂອງຜະລິດຕະພັນ-ການບໍລິການ ໃຫ້ນັກສຶກສາຢູ່ ສທຄ ຊຶ່ງຈັດຂຶ້ນ ໃນວັນທີ 18 ຕຸລາ 2019 ໂດຍ ການເປັນປະທານຂອງທ່ານ ສັນຕິ ພົນເມືອງລາວ ຫົວໜ້າສະຖາ ບັນການ ສທຄ.

ທ່ານຫົວໜ້າສະຖາບັນການ ສທຄ ໄດ້ຮຽກຮ້ອງໃຫ້ບັນດານັກສຶກສາຕ້ອງມີສາຍຕາ ແລະເພີ່ມຄວາມເຂົ້າໃຈທີ່ກວ້າງໄກກ່ຽວກັບນະວັດຕະກຳໃນຜະລິດຕະພັນ ແລະການບໍລິການແບບໃໝ່ໃນຍຸກ 4,0 ໂດຍຫວ່າງບໍ່ດົນມານີ້ ສທຄ ໄດ້ນຳໃຊ້ການຂຽນແບບຟອມປະກອບເອ ກະສານສອບເສັງເຂົ້າ ສທຄ ຜ່ານອອນລາຍເພື່ອເປັນການປະຢັດ ເງິນ-ປະຢັດເວລາ; ໃນຂະນະດຽວກັນກໍ່ເປັນໂອກາດທີ່ດີ, ເປັນນິມິດ ໝາຍແຫ່ງການຮຽນຮູ້ເພື່ອຍາດ ເອົາປະສົບການເດັ່ນໆຈາກທະນາ ຄານຮ່ວມທຸລະກິດລາວ-ຫວຽດ; ທະນາຄານຮ່ວມພັດທະນາ; ທະນາ ຄານພົງສະຫວັນ; ທະນາຄານຊາ ຄອມແບັງ; ສະຖາບັນການເງິນຈຸ ລະພາກເອກພັດທະນາ; ບໍລິສັດ ລ້ານຊ້າງປະກັນໄພ; ບໍລິສັດ ທີເຄໄອປະກັນໄພ; ສູນພາສາຈີນ AB;ສູນພາສາອັງກິດໂລໂກ (ດົງປ່າ ລານ) ແລະບໍລິສັດຈຳນວນໜຶ່ງ.

ໃນໂອກາດດັ່ງກ່າວ; ທະນາຄານຮ່ວມທຸລະກິດລາວ-ຫວຽດ  ໄດ້ແນະນຳວ່າ: ປະຈຸບັນມີ 8 ສາຂາ, 16 ໜ່ວຍບໍລິການໃນຫຼາຍ ແຂວງ ແລະມີຜະລິດຕະພັນເງິນຝາກ-ເງິນກູ້, ຜະລິດຕະພັນບັດ, ຜະລິດຕະພັນ LaoVietBankDigital Banking, ຜະລິດຕະ ພັນ LSMS, ຜະລິດຕະພັນໂອນ ເງິນພາຍໃນ-ຕ່າງປະເທດ ແລະ ມີການບໍລິການທີ່ຫຼາກຫຼາຍ; ສ່ວນທະນາຄານຮ່ວມພັດທະນາກໍ່ມີ ການບໍລິການ ໂດຍມີບັດດຽວໃຊ້ ຖອນ-ໃຊ້ແທນເງິນສົດສາມາດ ເລືອກຄຸ້ມກັນອຸບັດຕິເຫດໄດ້ ໂດຍ ບໍ່ຕ້ອງກວດສຸຂະພາບກ່ອນ; ພ້ອມ ນັ້ນຍັງມີເງິນກູ້ເພື່ອການສຶກສາ-ເງິນກູ້ເພື່ອລັດຖະກອນໃນວົງເງິນ ກູ້ສູງ, ດອກເບ້ຍຕໍ່າ, ບໍ່ມີຫຼັກຊັບຄໍ້າປະກັນ ແລະອື່ນໆອີກ, ສຳລັບທະນາຄານພົງສະຫວັນເປັນທະນາ ຄານເອກະຊົນລາວ 100%, ມີພະນັກງານສ່ວນໃຫຍ່ເປັນຄົນລາວກໍ່ເປັນການສ້າງວຽກເຮັດງານທຳ ແລະສະໜອງສິນເຊື່ອໃຫ້ປະຊາ ຊົນລາວ, ສຳລັບທະນາຄານຊາຄອມແບັງເປັນທະນາຄານທຸລະກິດ ຫວຽດນາມທີ່ດຳເນີນທຸລະກຳ ການເງິນຢູ່ລາວໄດ້ມີການປະກອບສ່ວນສະໜອງແຫຼ່ງທຶນໃຫ້ແກ່ນັກ ລົງທຶນ, ນັກທຸລະກິດ, ຜູ້ປະກອບການດ້ວຍດີສະເໝີມາ.

ສະເພາະສະຖາບັນການເງິນຈຸ ລະພາກເອກພັດທະນາເປັນສະຖາບັນແຫ່ງທໍາອິດຂອງລາວ ແລະພຽງແຕ່ 9 ເດືອນ ຂອງປີນີ້ມີຜູ້ ຝາກເງິນ 101.516 ບັນຊີ, ປ່ອຍ ເງິນກູ້ 96 ຕື້ກີບ, ມີເງິນຝາກ 125 ຕື້ກີບ, ມີ 13 ໜ່ວຍບໍລິການຢູ່ 3 ແຂວງ; ນອກນີ້ຍັງໃຫ້ຄວາມຮູ້ ທາງດ້ານການເງິນແກ່ປະຊາຊົນ ໂດຍບໍ່ເສຍຄ່າໃນນີ້ມີ 65 ໂຮງ ຮຽນ, ມີນັກຮຽນເຂົ້າຮ່ວມໂຄງ ການຫຼາຍກວ່າ 48.000 ຄົນ ແລະ ລິເລີ່ມໃຫ້ບໍລິການປະກັນໄພຈຸລະພາກປະກັນຊີວິດເງິນກູ້ແກ່ປະຊາຊົນ ແລະມີຜູ້ຮັບຜົນປະໂຫຍດຫຼາຍ ກວ່າ 15.000 ຄົນ, ດ້ານບໍລິສັດ ລ້ານຊ້າງປະກັນໄພກໍ່ມີຜະລິດຕະພັນປະກັນໄພລົດລວມມີປະກັນໄພ ທາງແພ່ງຕໍ່ບຸກຄົນທີ 3, ປະກັນ ໄພຕໍ່ຜູ້ຂັບຂີ່-ຜູ້ໂດຍສານ ແລະປະກັນໄພຕໍ່ຄວາມເສຍຫາຍຂອງໂຕລົດ, ກ່ຽວກັບບໍລິສັດທີເຄໄອປະກັນໄພກໍ່ມີແບບປະກັນຊີວິດ 3 ກຸ່ມຫຼັກໆຄື: ແບບອອມຊັບ, ແບບຄວາມຄຸ້ມຄອງ  ແລະແບບບຳນານ;ພ້ອມນີ້, ມີແບບປະກັນໄພທົ່ວໄປ 17 ປະກັນໄພເປັນຕົ້ນຍານພາຫະນະ, ທີ່ຢູ່ອາໃສ, ທຸລະກິດຂະໜາດນ້ອຍ, ອຸປະຕິເຫດເດີນທາງ….

ສຳລັບສູນພາສາຈີນ  AB  ເປັນສະຖານທີ່ຮຽນພາສາຈີນ ມີຫຼັກສູດແບບລົງເລິກ  ແລະເລັ່ງລັດ ໂດຍ ອາຈານຈີນທີ່ມີປະສົບການສູງໃນ ການສອນ ແລະຍັງຮຽນລ້າໆ ຜ່ານແອັປເພື່ອຊ່ວຍໃຫ້ຮຽນສະ ດວກຂຶ້ນ, ສ່ວນສູນພາສາອັງກິດ ໂລໂກ (ດົງປ່າລານ) ທີ່ສ້າງມາ 18 ປີ ກໍ່ດຳເນີນການສອນພາສາ ອັງກິດໃຫ້ແກ່ຄົນລາວທຸກໄວ, ຝຶກອົບຮົມພາສາດັ່ງກ່າວໃຫ້ແກ່ອົງ ກອນຕ່າງໆໃນລາວ ແລະຍັງຈະຮ່ວມມືກັບ ສທຄ ໃນການຮຽນ-ການສອນຫຼັກສູດພາສາອັງກິດ ດ້ານການທະນາຄານ ແລະການ ເງິນ, ນອກຈາກນັ້ນ, ກໍ່ມີ 3 ບໍລິ ສັດຊັ້ນນຳ ໂດຍມີບໍລິສັດໂຕໂຢຕ້າ ບໍລິການ; ບໍລິຟອດ ຊີຕີ ແລະບໍລິສັດດາວກາເຟ ກໍ່ໄດ້ໃຫ້ການແນະ ນຳຄວາມຮູ້, ສິນຄ້າ ແລະຜະລິດ ຕະພັນໃຫ້ແກ່ແຂກກໍ່ຄືບັນດານັກ ສຶກສາທີ່ມີຄວາມສົນໃຈຢູ່ໃນງານດັ່ງກ່າວເໝືອນກັນ.

-------------------------------

ພາບ ແລະຂາ່ວຈາກ:ໜັງສືພິມເສດຖະກິດ-ສັງຄົມ

แชร์