ຄູນຄຳ ສະຫຼອງວັນຄູແຫ່ງຊາດ

  ໃນວັນທີ 10 ຕຸລາ ຜ່ານມາ ທີ່ຫ້ອງການສຶກສາທິການ ແລະ ກີລາເມືອງຄູນຄຳ ໄດ້ຈັດພິທີສະເຫຼີມສະຫຼອງວັນຄູແຫ່ງຊາດຄົບ ຮອບ 25 ປີ ຂຶ້ນຢ່າງເປັນທາງ ການ ໂດຍພາຍໃຕ້ການເປັນປະທານຂອງທ່ານ ຖາວອນ ແກ້ວຄໍາ ພັນ ຮອງເຈົ້າເມືອງຄູນຄໍາ,ທ່ານ ກົງມາ ລັດຖະຈັກ ຮອງຫົວໜ້າພະແນກສຶກສາທິການ ແລະກີລາ ແຂວງຄຳມ່ວນ, ທ່ານ ກາລະທອນ ກຽດສັກສີ ຫົວໜ້າຫ້ອງການສຶກ ສາທິການ ແລະກີລາເມືອງ, ມີ ບັນດາຫົວໜ້າ-ຮອງຫົວໜ້າຫ້ອງ ການ, ພະນັກງານບໍານານ-ອາວຸ ໂສ, ຜູ້ອໍານວຍການ, ຄູ-ອາຈານ ແຕ່ລະໂຮງຮຽນ, ພະນັກງານວິຊາການຫ້ອງການສຶກສາທິການ ແລະ ກີລາເມືອງ, ນ້ອງນ້ອຍນັກຮຽນ ເຂົ້າຮ່ວມຢ່າງພ້ອມພຽງ.

ທ່ານ ກາລະທອນ ກຽດສັກສີ ຫົວໜ້າຫ້ອງການສຶກສາທິການ ແລະກີລາເມືອງກໍໄດ້ຂຶ້ນຜ່ານປະຫວັດຄວາມເປັນມາຂອງວັນຄູແຫ່ງ ຊາດທີ 7 ຕຸລາ ຊຶ່ງໄດ້ຍົກໃຫ້ເຫັນ ເຖິງໄລຍະການເຕີບໃຫຍ່ຂະຫຍາຍຕົວຂອງວັນຄູແຫ່ງຊາດແຕ່ລະໄລຍະຢ່າງລະອຽດ, ນອກຈາກນັ້ນກໍ ໄດ້ຮັບຟັງນ້ອງນ້ອຍນັກຮຽນອ່ານກອນອວຍພອນວັນຄູແຫ່ງຊາດ ແລະມອບຊໍ່ດອກໄມ້ໃຫ້ພະນັກງານ ບໍານານ-ອາວຸໂສ, ອະດີດຄູສອນ ພ້ອມກັນນັ້ນຍັງໄດ້ມອບໃບຍ້ອງ ຍໍຂັ້ນກະຊວງ, ຂັ້ນພະແນກໃຫ້ຄູ-ອາຈານເພື່ອຕອບແທນ, ເປັນກໍາ ລັງໃຈໃຫ້ແກ່ຄູ-ອາຈານ  ແລະພາກ ສ່ວນຕ່າງໆທີ່ໄດ້ປະກອບສ່ວນເຫື່ອ ແຮງເຂົ້າໃນພິທີຊົມເຊີຍວັນຄູແຫ່ງ ຊາດ  ຄົບຮອບ 25 ປີອີກດ້ວຍ.

ທ່ານ ຖາວອນ ແກ້ວຄໍາພັນ ຮອງເຈົ້າເມືອງຄູນຄໍາ ຍັງໄດ້ໂອ້ ລົມ ແລະໃຫ້ທິດຊີ້ນໍາຕໍ່ພະນັກງານ ຄູ-ອາຈານ ແລະນັກຮຽນຮູ້ປັນຍາ ຊົນຮຽກຮ້ອງໃຫ້ທຸກພາກສ່ວນບຸກ ບືນຫ້າວຫັນໃນໜ້າທີ່ຂອງຕົນ ໂດຍ ສະເພາະແມ່ນພະນັກງານຄູ-ອາ ຈານໃນການສ້າງຊັບພະຍາກອນ ມະນຸດໃຫ້ດີຂຶ້ນເປັນກ້າວໆເພີ່ມທະວີເຂົ້າໃນການສິດສອນ, ຊື່ສັດບໍລິ ສຸດເພື່ອຝຶກຝົນຫຼໍ່ຫຼອມຕົນເອງໃຫ້ ກາຍເປັນຄົນທີ່ມີຄວາມສາມາດ ແລະເປັນແບບຢ່າງທີ່ດີໃຫ້ແກ່ນັກ ຮຽນຮູ້ປັນຍາຊົນພາຍໃນເມືອງ ເພື່ອພ້ອມກັນສ້າງສາບ້ານເມືອງ ໃຫ້ໄດ້ຮັບການພັດທະນາດີຂຶ້ນໃນທຸກໆດ້ານ.

-------------------------------

ພາບ ແລະຂາ່ວຈາກ:ໜັງສືພິມເສດຖະກິດ-ສັງຄົມ

แชร์