ຈອຍໂຮມ ຜູ້ນຳດ້ານວໍເປເປີ, ເບາະໝັງຕິດຝາ ຕີຕະຫຼາດລາວສຳເລັດ

   ເປັນເວລາ 10 ປີທີ່ຈອຍໂຮມ, ຊຶ່ງເປັນຜູ້ນຳເຂົ້າຜະລິດຕະພັນວໍເປເປີຕິດຝາເຈົ້າທຳອິດເພື່ອມາຈຳໜ່າຍໃນຕະຫຼາດຂອງປະເທດເຮົາ, ຈາກທີ່ຄົນລາວບໍ່ ເຄີຍຮູ້ຈັກປະຈຸບັນຜະລິດຕະພັນດັ່ງກ່າວສາມາດຕີຕະຫຼາດກຸ່ມຜູ້ບໍລິໂພກໄດ້ດີ ແລະນັບມື້ເພີ່ມທະວີຫຼາຍຂຶ້ນ, ບໍ່ສະເພາະກຸ່ມລູກຄ້າທີ່ເປັນຄົນລາວແຕ່ຍັງກວມເອົາລູກຄ້າຄົນຕ່າງປະເທດທີ່ອາໄສຢູ່ໃນປະເທດອີກດ້ວຍ.

  ທ່ານນາງ ແສງດາວັນ ບຸດດາຄຳ ເຈົ້າຂອງຮ້ານ ຈອຍໂຮມ (JoyHome) ວໍເປເປີ ເບາະໜັງຕິດຝາ ໃຫ້ສຳພາດວ່າ: ຮ້ານ Joy Home ວໍເປເປີ ເປັນຮ້ານໜຶ່ງທີ່ນໍາເຂົ້າຜະລິດຕະພັນວໍເປເປີຈາກປະເທດຈີນໃນປີ 2008 ເພື່ອມາສຶກສາໃນຕະຫຼາດຜູ້ບໍລິໂພກຢູ່ລາວເປັນຄັ້ງທຳອິດ, ພ້ອມທັງເບິ່ງເຫັນວ່າລາວ ເປັນປະເທດໜຶ່ງທີ່ຍັງບໍ່ທັນມີຜະລິດຕະພັນນີ້ວາງຈຳໜ່າຍ ແລະຄິດວ່າໃນອະນາຄົດຂ້າງໜ້າສິນຄ້າດັ່ງກ່າວຈະກາຍເປັນທີ່ນິຍົມຫຼາຍຂຶ້ນຈາກກຸ່ມຄົນທີ່ມັກໃນດ້ານການຕົບແຕ່ເຮືອນ, ຈົນຫຼ້າສຸດຜະລິດຕະພັນນີ້ສາມາດເຂົ້າເຖິງ ແລະເປັນທີ່ຮູ້ຈັກຫຼາຍຂຶ້ນຈາກທີ່ເຄີຍມີລູກຄ້າພຽງເຈົ້າດຽວ, ແຕ່ດຽວນີ້ຜະລິດຕະພັນນີ້ ກາຍເປັນທີ່ຄຸ້ນຫູຄຸ້ນຕາ ແລະຊື່ນຊອບຂອງການໃຊ້ຕົບແຕ່ງເຮືອນ, ໂຮງແຮມ ແລະຮ້ານອາຫານຕ່າງໆທັງໃນນະຄອນຫຼວງວຽງຈັນ ແລະບັນດາແຂວງຕ່າງໆໃນຂອບເຂດທົ່ວປະເທດເພື່ອສ້າງຄວາມຫຼູຫຼາ, ສວຍງາມ ແລະທັນສະໄໝເຫັນແລ້ວຜ່ອນຄາຍອີກດ້ວຍ.

    ປະຈຸບັນສິນຄ້າທີ່ຮ້ານນຳມາຈຳໜ່າຍມີທັງໝົດ 3 ແບບຄື: ວໍເປເປີ, ເບາະໜັງ ແລະ ແກ້ວປີ, ທີ່ມີຫຼາກຫຼາຍສີໃຫ້ລູກຄ້າສາມາດເລືອກໄດ້ຕາມໃຈມັກ, ສ່ວນການຂາຍແມ່ນຈະແຕກຕ່າງກັນໄປເປັນຕົ້ນແມ່ນວໍເປເປີຈະຂາຍໃນລາຄາ 50 ພັນກີບຕໍ່ແມັດກາເລ, ເບາະໜັງຂາຍໃນລາຄາ 8,5 ແສນກີບຕໍ່ແມັດກາເລ ແລະແກ້ວປີແມ່ນ 7 ພັນບາດ ຫຼື ປະມານ 1,8 ລ້ານກີບຕໍ່ແມັດກາເລ, ໂດຍລາຄາທີ່ວ່ານີ້ແມ່ນລວມທັງຄ່າຕິດຕັ້ງພ້ອມກັບການຮັບປະການ 3 ປີ.

  ທ່ານ ນາງ ແສງດາວັນ ບຸດດາຄຳ ໃຫ້ຮູ້ອີກວ່າ: ຕະຫຼອດໄລຍະ 10 ປີ ຂອງການດຳເນີນທຸລະກິດກ່ຽວກັບການຈຳໜ່າຍວໍເປເປີເຫັນວ່າທຸລະກິດດັ່ງກ່າວມີການຂະຫຍາຍຕົວແບບຕໍ່ເນື່ອງ ແລະນັບມື້ຈະເພີ່ມທະວີຫຼາຍຂຶ້ນ,ສ່ວນໜຶ່ງມາຈາກຄວາມຮັບຮູ້ ແລະເຂົ້າໃຈກ່ຽວກັບຜະລິດຕະພັນ,ໂດຍສະເພາະຜະລິດ ຕະພັນປະເພດນີ້ແມ່ນຖືກອອກແບບໃຫ້ເປັນມິດກັບສິ່ງແວດລ້ອມ, ເປັນທີ່ຮອງຮັບໃນລະດັບສາກົນ, ການອອກແບບຕົບແຕ່ງທີ່ສອດຄ່ອງກັບຄວາມຕ້ອງ ການຂອງລູກຄ້າດ້ວຍລາຄາສົ່ງຈາກບໍລິສັດ,ພ້ອມນັ້ນກໍຍັງຄ່ານິຍົມໃນການມັກຄວາມສວຍງາມ,ຫຼູຫຼາຫຼາຍຂຶ້ນ ແລະຄວາມທັນສະໄໝ,ລວມທັງຄວາມເອົາໃຈໃສ່ຂອງພະນັກງານທີ່ໃຫ້ບໍລິການກ່ອນ-ຫຼັງການຂາຍຂອງຮ້ານ ແລະທີ່ສຳຄັນຄວາມຈິງໃຈຕໍ່ລູກຄ້າກໍຄືການນຳເອົາສິນຄ້າດີມີຄຸນນະພາບເພື່ອມອບໃຫ້ເຖິງມືຂອງລູກຄ້າ, ຊຶ່ງວິທີການນີ້ເປັນໝາກຫົວໃຈສຳຄັນຂອງຮ້ານໃນການເຮັດການຕະຫຼາດໄດ້ດີກວ່າເກົ່າ ແລະລູກຄ້າສ່ວນຫຼາຍແມ່ນເປັນລູກຄ້າເກົ່າທີ່ເຄີຍມາໃຊ້ບໍລິການແລ້ວຈະບອກຕໍ່ໆກັນໄປຈາກເມື່ອກ່ອນມີພຽງນະຄອນຫຼວງວຽງຈັນ, ປະຈຸບັນນີ້ລູກຄ້າທີ່ມາໃຊ້ບໍລິການແມ່ນມີທຸກແຂວງທົ່ວປະເທດທີ່ມັກໃນການຕົບແຕ່ງເຮືອນ, ຮ້ານອາຫານ ແລະໂຮງແຮມຕ່າງໆ ຫຼື ເວົ້າອີກຢ່າງໜຶ່ງວ່າລູກຄ້າໃຫ້ຄວາມເຊື່ອໝັ້ນໃນການບໍລິການ ແລະສິນຄ້າຂອງຮ້ານ.

 ເພື່ອເປັນການຄືນກຳໄລໃຫ້ລູກຄ້າທີ່ເຊື່ອໝັ້ນ ແລະມາໃຊ້ບໍລິການກັບຮ້ານ ຈອຍໂຮມ ຕະຫຼອດໄລຍະຜ່ານມາ ແລະເນື່ອງໃນໂອກາດຕ້ອນຮັບປີໃໝ່ສາກົນ ຂອງລາວ, ປີໃໝ່ຂອງຊາວຈີນທີ່ຈະມາເຖິງນີ້, ທາງຮ້ານໄດ້ຈັດໂປຣໂມຊັນພິເສດເອົາໃຈລູກຄ້າທີ່ມັກຮັກໃນການຕົບແຕ່ງເຮືອນ, ຮ້ານອາຫານ ແລະ ໂຮງ ແຮມ ຕ່າງໆໂດຍສະເພາະຜູ້ທີ່ກຳລັງຕ້ອງການຢາກໄດ້ວໍເປເປີໄປປະດັບແມ່ນສາມາດມາໄດ້ແຕ່ວັນທີ 27 ມັງກອນ-20 ກຸມພາ 2019, ທາງຮ້ານຈະຫຼຸດລາຄາໃຫ້ 10% ສໍາລັບວໍເປເປີທຸກສີ, ໃນທຸກສາຂາຄື: ສາຂາ 1 ຕັ້ງຢູ່ຕະຫຼາດອ່ານຈີ່ໜອງໜ່ຽງ ແລະສາຂາ 2 ຕັ້ງຢູ່ຊັ້ນສອງຂຶ້ນຂັ້ນໄດເລື່ອນມາຈະຢູ່ຂ້າງຂວາມືໃນບໍລິສັດຫີນອ່ອນຕາລີ, ເປີດທຸກວັນແຕ່ເວລາ 8:30-17 ໂມງ, ໂທ 021 720118; 0309472218, ທ່ານ ນາງ ແສງດາວັນ ບຸດດາຄຳ ໃຫ້ຮູ້ຕື່ມ.

แชร์