ລັດປິດອອກວິຊ່າຢູ່ 9 ດ່ານສາກົນໃນ 7 ແຂວງ

  ຫ້ອງວ່າການສຳນັກງານນາຍົກລັດຖະມົນຕີໄດ້ອອກແຈ້ງການເຫັນດີອະນຸມັດໃຫ້ປິດໜ່ວຍງານອອກວີຊ່າກັບດ່ານປະຈຳຢູ່ດ່ານສາກົນຈຳນວນ 9 ດ່ານ ຢູ່ 7 ແຂວງ ໂດຍມອບໃຫ້ກະຊວງການຕ່າງປະເທດເປັນໃຈກາງໃນການປະສານສົມທົບກັບບັນດາແຂວງທີ່ກ່ຽວຂ້ອງກ່ຽວການປິດດັ່ງກ່າວ.

 ອີງຕາມໜັງສືສະເໜີຂອງກະຊວງການຕ່າງປະເທດສະບັບເລກທີ 7170/ຕປທ ລົງວັນທີ 23 ກັນຍາ 2019 ແລະອີງຕາມການຊີ້ນຳພາຂອງທ່ານນາຍົກລັດຖະມົນ ຕີ ຄັ້ງວັນທີ 9 ຕຸລາ 2019 ຫ້ອງວ່າການສໍານັກງານນາຍົກລັດຖະມົນຕີໄດ້ອອກແຈ້ງການສະບັບເລກທີ 1845/ຫສນຍ ລົງວັນທີ 16 ຕຸລາ 2019 ໂດຍລັດຖະ ບານໄດ້ເຫັນດີອະນຸມັດໃຫ້ປິດໜ່ວຍງານອອກວີຊ່າປະຈຳຢູ່ດ່ານສາກົນຈຳນວນ 9 ດ່ານຄື: 1 ດ່ານສາກົນປາງຫົກ (ແຂງຜົ້ງສາລີ), 2 ດ່ານສາກົນນໍ້າໂສຍ (ແຂວງ ຫົວພັນ), 3 ດ່ານສາກົນນໍ້າກັ່ນ (ແຂວງຊຽງຂວາງ), 4 ດ່ານສາກົນນໍ້າເງິນ (ແຂວງໄຊຍະບູລີ), 5 ດ່ານສາກົນຂົວມິດຕະພາບນໍ້າເຫືອງ (ແຂວງໄຊຍະບູລີ), 6 ດ່ານສາກົນນໍ້າພາວ (ແຂວງຄຳມ່ວນ), 7 ດ່ານສາກົນນາເພົ້າ (ແຂວງຄຳມ່ວນ), 8 ດ່ານສາກົນສະໜາມບິນສະຫວັນນະເຂດ ແລະ 9 ດ່ານສາກົນພູເກືອ (ແຂວງອັດຕະປື).

   ສະໜັບສະໜຸນໂດຍ: HONDA

   ------------

  ທັງນີ້ແມ່ນໄດ້ມອບໝາຍໃຫ້ກັບກະຊວງການຕ່າງປະເທດເປັນໃຈກາງໃນການປະສານສົມທົບກັບບັນດາແຂວງທີ່ກ່ຽວຂ້ອງຈັດຕັ້ງປະຕິບັດການປິດດ່ານຢູ່ແຕ່ລະແຂວງ ຕາມຂັ້ນຕອນທີ່ສະເໜີມານັ້ນເພື່ອບໍ່ໃຫ້ຖືກທ່າຮັບ ແລະບໍ່ໃຫ້ມີຜົນກະທົບຕໍ່ຜູ້ທີມີຄວາມປະສົງເອົາວີຊ່າຢູ່ບັນດາດ່ານດັ່ງກ່າວ.

ສະໜັບສະໜຸນໂດຍ: ສ່ວນບຸກຄົນ

--------------

ຂ່າວຈາກວຽງຈັນທາມ

แชร์