ນາຍົກ ລະບຸຂອບຮ່ວມມືເຂດສາມຫຼ່ຽມພັດທະນາອີກເງື່ອນໄຂໃຫ້ປະຊາຊົນພົ້ນທຸກຍາກ

  ທ່ານ ທອງລຸນ ສີສຸລິດ ລະບຸວ່າ: ຂອບການຮ່ວມມືເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ໄດ້ເຕີບໃຫຍ່ຂະຫຍາຍຕົວຂຶ້ນເທື່ອລະກ້າວ ແລະກາຍເປັນເວທີທີ່ສຳຄັນພິເສດສຳລັບສາມປະເທດໃນລະດັບການນຳຂັ້ນສູນກາງ ແລະທ້ອງຖິ່ນໂດຍສະເພາະລະຫວ່າງບັນດາແຂວງໃນເຂດສາມຫຼ່ຽມພັດທະນາ ແລະໄດ້ເພີ່ມທະວີການຊ່ວຍເຫຼືອເຊິ່ງກັນ ແລະກັນໃນການຂົນຂວາຍການສະໜັບສະໜູນທາງດ້ານທຶນຮອນ,ເຕັກນິກວິຊາການ ແລະໂຄງການພັດທະນາຕ່າງໆຈາກບັນດາຄູ່ຮ່ວມພັດທະ ນາ ແລະສະຖາບັນການເງິນສາກົນໂດຍນໍາໃຊ້ທ່າແຮງບົ່ມຊ້ອນ

  ທີ່ມີຢູ່ໃນປະຈຸບັນແນໃສ່ນຳຄວາມຈະເລີນສີວິໄລ ແລະຄວາມສຸກສັນຕິມາສູ່ເຂດດັ່ງກ່າວ, ສ້າງເງື່ອນໄຂໃຫ້ປະຊາຊົນຫຼຸດພົ້ນອອກຈາກຄວາມທຸກຍາກເທື່ອລະກ້າວ, ມີຊີ ວິດການເປັນຢູ່ທີ່ດີຂຶ້ນ ແລະປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງສາມປະເທດໂດຍລວມ.

  ເນື່ອງໃນໂອກາດ ຄົບຮອບ 20 ປີ ແຫ່ງການສ້າງຕັ້ງຂອບການຮ່ວມມືເຂດສາມຫຼ່ຽມພັດທະນາກໍາປູເຈຍ-ລາວ-ຫວຽດນາມ (ວັນທີ 20 ຕຸລາ 1999- 20 ຕຸລາ 2019) ທ່ານ ທອງລຸນ ສີສຸ ລິດ ນາຍົກລັດຖະມົນຕີແຫ່ງ ສປປລາວ ໄດ້ມີສານອວຍພອນ ຊຶ່ງມີເນື້ອໃນບາງຕອນລະບຸວ່າ: ຂອບການຮ່ວມມືເຂດສາມຫຼ່ຽມພັດທະນາກຳປູເຈຍ-ລາວ-ຫວຽດນາມ ໄດ້ຮັບການສ້າງຕັ້ງຂຶ້ນໃນປີ 1999 ໂດຍການພົບປະ ແລະປຶກສາຫາລືກັນລະຫວ່າງນາຍົກລັດຖະມົນຕີຂອງສາມປະເທດທີ່ນະຄອນຫຼວງວຽງຈັນ ໃນເບື້ອງຕົ້ນໄດ້ກວມເອົາ 7 ແຂວງທີ່ມີຊາຍແດນຕິດຈອດກັນລະຫວ່າງສາມປະເທດ,ຕໍ່ມາໃນປີ 2004ໄດ້ຂະຫຍາຍອອກເປັນ 10 ແຂວງ ແລະໃນປີ 2010 ໄດ້ຂະຫຍາຍອອກຕື່ມເປັນ 13 ແຂວງ ຈົນເຖິງປັດຈຸບັນ.

  ໃນນັ້ນ ສປປ ລາວ ມີ 4 ແຂວງ (ແຂວງອັດຕະປື, ແຂວງເຊກອງ, ແຂວງສາລະວັນ ແລະແຂວງຈຳປາສັກ), ກຳປູເຈຍ ມີ 4 ແຂວງ (ແຂວງຊຽງແຕງ, ແຂວງຣັດ ຕະນະຄີຣີ, ແຂວງມົນທົນຄີຣີ ແລະແຂວງກະແຈະ) ແລະ ຫວຽດນາມ ມີ 5 ແຂວງ(ແຂວງດັກລັກ, ແຂວງຢາລາຍ,  ແຂວງກວນຕູມ, ແຂວງດັກນົງ ແລະແຂວງບິງເຟືອກ), ລວມເນື້ອທີ່ທັງ ໝົດ 144.600 ກິໂລຕາແມັດ.

ສະໜັບສະໜຸນໂດຍ: HONDA

  ຂອບການຮ່ວມມືດັ່ງກ່າວໄດ້ເຕີບໃຫຍ່ຂະຫຍາຍຕົວຂຶ້ນເທື່ອລະກ້າວ ແລະກາຍເປັນເວທີທີ່ສຳຄັນພິເສດສຳລັບຜູ້ນໍາຂອງສາມປະເທດ, ບັນດາລັດຖະມົນຕີ ແລະພະນັກ ງານທີ່ກ່ຽວຂ້ອງໃນລະດັບສູນກາງ ແລະທ້ອງຖິ່ນຂອງ 13 ແຂວງ ເພື່ອພົບປະ,ປຶກສາຫາລື ແລະແລກປ່ຽນຄວາມຄິດເຫັນເພື່ອຮັດແໜ້ນຄວາມສາມັກຄີ, ມິດຕະພາບ ແລະສົ່ງເສີມການຮ່ວມ ມືທາງດ້ານການເມືອງ-ຄວາມໝັ້ນຄົງ, ເສດຖະກິດ ແລະສັງຄົມ-ວັດທະນະທຳລະຫວ່າງສາມປະເທດໂດຍສະເພາະລະຫວ່າງບັນດາແຂວງໃນເຂດສາມຫຼ່ຽມພັດທະນາ ແລະເພີ່ມທະວີການຊ່ວຍເຫຼືອເຊິ່ງກັນ ແລະກັນໃນການຂົນຂວາຍການສະໜັບສະໜູນທາງດ້ານທຶນຮອນ, ເຕັກນິກວິຊາການ ແລະໂຄງການພັດທະນາຕ່າງໆ ຈາກບັນດາຄູ່ຮ່ວມພັດທະນາ ແລະສະຖາບັນການເງິນສາກົນໂດຍນຳໃຊ້ທ່າແຮງບົ່ມຊ້ອນທີ່ມີຢູ່ໃນປະຈຸບັນແນໃສ່ນຳຄວາມຈະເລີນສີວິໄລ ແລະຄວາມສຸກສັນຕິມາສູ່ເຂດດັ່ງກ່າວ, ສ້າງເງື່ອນໄຂໃຫ້ປະຊາຊົນຫຼຸດພົ້ນອອກຈາກຄວາມທຸກຍາກເທື່ອລະກ້າວ, ມີຊີວິດການເປັນຢູ່ທີ່ດີຂຶ້ນ ແລະປະກອບສ່ວນເຂົ້າໃນການພັດທະ ນາ ເສດຖະກິດ-ສັງຄົມຂອງສາມປະເທດໂດຍລວມ.

 ໃນໄລຍະຜ່ານມາ, ສປປ ລາວ ໄດ້ປະກອບສ່ວນຢ່າງຫ້າວຫັນເຂົ້າໃນການສົ່ງເສີມຂອບການຮ່ວມມືດັ່ງກ່າວເພື່ອຊຸກຍູ້ການພັດທະນາເສດຖະກິດ-ສັງຄົມ ຂອງປະເທດ ຊາດເວົ້າລວມ,ເວົ້າສະເພາະ,ບັນດາແຂວງຊາຍແດນທີ່ຍັງມີຄວາມທຸກຍາກຢູ່ນັ້ນ ໃຫ້ມີການພັດທະນາໃນລະດັບດີຂຶ້ນກ່ວາເກົ່າ ບໍ່ວ່າຈະເປັນທາງດ້ານພື້ນຖານໂຄງລ່າງ, ຂີດຄວາມ ສາມາດຂອງບຸກຄະລາກອນ ແລະອົງ ກອນຂອງລັດ ແລະພາກເອກະຊົນລວມ ທັງການອຳນວຍຄວາມສະດວກໃຫ້ແກ່ ປະຊາຊົນໃນການແລກປ່ຽນແລະການ ໄປມາຫາສູ່ກັນໄດ້ຢ່າງເປັນປົກກະຕິແນໃສ່ຫຼຸດຜ່ອນຄວາມແຕກໂຕນທາງດ້ານການພັດທະນາໃນຂອບເຂດທົ່ວປະເທດ ແລະສາມາດເຊື່ອມໂຍງເຂົ້າກັບເສດຖະກິດພາກພື້ນໄດ້ຢ່າງເຂັ້ມແຂງ ແລະ ໝັ້ນທ່ຽງພ້ອມນີ້,ກໍ່ຍັງໄດ້ເອົາໃຈໃສ່ຈັດຕັ້ງຜັນຂະຫຍາຍບັນດາຂໍ້ຕົກລົງທີ່ຜູ້ນຳສາມປະເທດໄດ້ເຫັນດີເປັນເອກະພາບກັນໃຫ້ເກີດເປັນຮູບປະທໍາຂຶ້ນເທື່ອລະກ້າວ.

ສະໜັບສະໜຸນໂດຍ: ສ່ວນບຸກຄົນ

  ໃນປີ 2020 ທີ່ຈະມາເຖິງນີ້, ສປປ ລາວ ຈະເປັນເຈົ້າພາບຈັດກອງປະຊຸມສຸດຍອດເຂດສາມຫຼ່ຽມພັດທະນາກຳປູເຈຍ-ລາວ-ຫວຽດນາມ ຄັ້ງທີ 11 ທ່ານ ທອງລຸນ ສີສຸລິດ ໄດ້ຮຽກຮ້ອງມາຍັງທຸກພາກ ສ່ວນກ່ຽວຂ້ອງນັບແຕ່ຂັ້ນສູນກາງລົງ ຮອດທ້ອງຖິ່ນ ຕະຫຼອດຮອດປະຊາຊົນ ບັນດາເຜົ່າ ຈົ່ງພ້ອມກັນເອົາໃຈໃສ່ກະກຽມການເປັນເຈົ້າພາບທີ່ດີ ແລະສືບຕໍ່ ເປັນເຈົ້າການ ໃນການປະກອບສ່ວນເຂົ້າ ໃນການຜັນຂະຫຍາຍແນວທາງນະໂຍ ບາຍການພັດທະນາ ເສດຖະກິດ-ສັງຄົມກໍ່ຄືການຕ່າງປະເທດຂອງພັກ ແລະລັດ ຖະບານເຮົາ, ລວມທັງວຽກງານການ ຮ່ວມມືເຂດສາມຫຼ່ຽມພັດທະນາກຳປູ ເຈຍ-ລາວ-ຫວຽດນາມ ຕາມພາລະບົດບາດ ແລະໜ້າທີ່ຂອງຕົນເພື່ອນຳເອົາຜົນປະໂຫຍດສູງສຸດມາສູ່ປະເທດຊາດ ແລະປະຊາຊົນກໍ່ຄືປະກອບສ່ວນເຂົ້າໃນພາລະກິດລວມແຫ່ງການປົກປັກຮັກສາ ແລະສົ່ງເສີມສັນຕິພາບ, ສະຖຽນລະພາບ ແລະຄວາມວັດທະນາຖາວອນຂອງພາກພື້ນ ແລະສາກົນ.

______________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

 

แชร์