ປູກຫຍ້າ-ລ້ຽງງົວ ອີກໜຶ່ງອາຊີບທີ່ພາຄອບຄົວພົ້ນທຸກ

ໂດຍຍືດໝັ້ນຕາມແນວທາງ, ນະໂຍບາຍຂອງພັກ ແລະລັດຖະບານວາງອອກເພື່ອສູ້ຊົນໃຫ້ຄອບຄົວຫຼຸດພົ້ນອອກຈາກຄວາມທຸກຍາກ ແລະພັດທະນາໃຫ້ຮັ່ງມີຂື້ນເລື້ອຍໆດ້ວຍການປູກຝັງ-ລ້ຽງສັດ ເປັນສິນຄ້າ,ໜຶ່ງໃນນັ້ນຄອບຄົວຂອງນາງ ພີມພອນ ເພັງສະຫວັດ ອາຍຸ 30 ປີ ຢູ່ບ້ານໂພນສະອາດ ເມືອງພຽງ ແຂວງໄຊຍະບູລີທີ່ຍຶດຖືອາ ຊີບລ້ຽງງົວຕິດພັນກັບການ ປູກຫຍ້າ, ເພື່ອສ້າງລາຍຮັບເຂົ້າ ຄອບຄົວຈົນສາມາດຫຼຸດພົ້ນອອກຈາກຄວາມທຸກຍາກໄດ້.

 ນາງ ພີມພອນ ເພັງສະຫວັດ ໃຫ້ ຮູ້ວ່າ: ພາຍໃນຄອບຄົວມີທັງໝົດ 3 ຄົນ, ຍິງ 3 ຄົນ, ມີແຮງງານຕົ້ນຕໍ 1 ແຮງງານ ແລະດ້ວຍຄວາມຢາກ ເຮັດຢາກສ້າງ ແລະສະຫງວນຮັກ ໃນການປູກ-ການລ້ຽງ ແລະທໍາມາ ຫາກິນຖືກຕ້ອງຕາມລະບຽບກົດ ໝາຍ, ໂດຍອີງໃສ່ສະພາບທີ່ຕັ້ງ, ຈຸດພິເສດຂອງບ້ານ ແລະເງື່ອນໄຂ ເອື້ອອໍານວຍໃນທ້ອງຖິ່ນທີ່ເໝາະສົມໃຫ້ແກ່ການລ້ຽງສັດ, ໄດ້ເລີ່ມ ລ້ຽງງົວແຕ່ປີ 2012 ເປັນຕົ້ນມາ ໃນເບື້ອງຕົ້ນມີງົວ 25 ໂຕ ໄດ້ລ້ຽງແບບປະຖົມປະຖານ(ປະປ່ອຍຫາກິນຕາມທໍາມະຊາດ, ຕາມເຂດຈັດ ສັນຂອງບ້ານ), ປີ 2014 ຈໍາ ນວນງົວໄດ້ເພີ່ມຂື້ນເປັນ 35 ໂຕ, ເຮັດໃຫ້ຫຍ້າທໍາມະຊາດບໍ່ພຽງພໍສັດຈ່ອຍ ແລະຕາຍຈໍານວນໜື່ງ, ການ

ສັກຢາກັນພະຍາດກໍພົບຄວາມຫຍຸ້ງຍາກ, ເພື່ອແກ້ໄຂຕໍ່ບັນຫາດັ່ງກ່າວຈຶ່ງໄດ້ສືກສາຂໍ້ມູນ-ເຕັກນິກນໍາປື້ມຄູ່ມືໃນການລ້ຽງສັດ, ໄດ້ສືກສານໍາວິຊາການລ້ຽງສັດຂັ້ນເມືອງ ແລະຂໍ້ມູນອື່ນໆເພື່ອເປັນພື້ນຖານໃຫ້ແກ່ການລ້ຽງສັດແບບເປັນຟາມ, ມາຮອດປີ 2015 ໄດ້ມີແນວຄິດລິເລີ່ມຫັນວິທີການລ້ຽງແບບປະຖົມປະຖານ, ລ້ຽງແບບທໍາມະຊາດໃນເມື່ອກ່ອນຫັນ ມາລ້ຽງແບບເປັນຄອກເປັນຟາມ ໃນເນື້ອທີ່ 26 ເຮັກຕາ ພ້ອມທັງໄດ້ ລ້ອມຮົ້ວ ແລະປູກຫຍ້າຈໍານວນ 20 ເຮັກຕາ, ຫຍ້າທີ່ນໍາມາປູກມີຫຍ້າເນເປຍ, ລູຊີ, ກີນນີ, ໂມລາໂຕ ໂດຍແບ່ງເປັນ 4 ລັອກ ເພື່ອເອົາ ສັດເຂົ້າກິນໝູນວຽນເປັນແຕ່ລະ ລັອກ, ໄດ້ເຮັດຄອກໃຫ້ສັດເພື່ອຊົ້ນ ແດດຊົ້ນຝົນ ແລະເຮັດຄອກແຄບ ເພື່ອສະດວກໃນການກວດກາສຸຂະ ພາບສັດ ແລະສັກຢາປ້ອງກັນພະຍາດຕາມລະດູການ, ຈື່ງເຮັດໃຫ້ ສັດເພີ່ມຂື້ນໃນແຕ່ລະປີ.

ສະໜັບສະໜຸນໂດຍ: ສ່ວນບຸກຄົນ

--------------

 ປະຈຸບັນມີງົວທັງໝົດ 73 ໂຕ, ປີຜ່ານມາມີລາຍຮັບເຂົ້າຄອບຄົວຈາກການຂາຍງົວອອກເປັນຄັ້ງທໍາອິດຈໍານວນ 5 ໂຕ ໄດ້ເງິນ 20 ລ້ານກີບ, ນອກຈາກມີລາຍຮັບຈາກຂາຍງົວແລ້ວຍັງມີລາຍຮັບຈາກຮ້ານເສີມສວຍອີກ 10  ລ້ານກີບຕໍ່ປີ, ລວມລາຍຮັບທັງໝົດ 30 ລ້ານກີບ ຕໍ່ປີ, ສະເລ່ຍຕໍ່ຄົນໜື່ງ 10 ລ້ານກີບ ຕໍ່ຄົນຕໍ່ປີ, ຍ້ອນຄວາມດຸໝັ່ນ ແລະອົດທົນຈຶ່ງເຮັດໃຫ້ພື້ນຖານຊີວິດການເປັນຢູ່ຂອງຄອບຄົວນາງ ພີມພອນ ເພັງສະຫວັດ ນັບມື້ດີຂື້ນເລື້ອຍໆ, ຜ່ານການສະສົມລາຍຮັບໃນແຕ່ລະປີ ນາງ ພີມພອນ ເພັງສະຫວັດ ສາມາດປຸກເຮືອນໄດ້ 1 ຫຼັງ ແລະ ມີລົດໃຫຍ່ 1 ຄັນ.

ສະໜັບສະໜຸນໂດຍ: HONDA

 -----------------

 ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์