ຄຳມ່ວນ-ກວາງບິ່ງສືບຕໍ່ຮັດແໜ້ນວຽກງານ ຖວທ

  ໃນລະຫວ່າງວັນທີ 16 –17 ຕຸລາ 2019 ຄະນະຜູ້ແທນສະຖານີວິທະຍຸກະຈາຍສຽງ-ໂທລະພາບ ແຂວງກວາງບິ່ງ ສສ ຫວຽດນາມ ພ້ອມຄະນະໄດ້ເດີນທາງມາຢ້ຽມຢາມ ແລະເຮັດວຽກຢູ່ແຂວງຄຳ ມ່ວນໃຫ້ການຕ້ອນຮັບດ້ວຍຄວາມ ຮັກແພງບົນຈິດໃຈຄວາມສາມັກຄີ, ມິດຕະພາບແບບພິເສດອັນສະນິດສະໜົມຢ່າງອົບອຸ່ນໂດຍທ່ານ ຂັນ ຕີ ໂພທິນ ຫົວໜ້າພະແນກຖະແຫຼງຂ່າວວັດທະນະທຳ ແລະທ່ອງ ທ່ຽວແຂວງພ້ອມຄະນະຢູ່ທີ່ໂຮງ ແຮມພອນປະດິດ, ໂດຍປະຕິບັດຕາມບົດບັນທຶກຊ່ວຍຈຳຂອງສອງຝ່າຍລະຫວ່າງພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວ (ສະຖານີວິທະຍຸ-ໂທລະພາບ) ແຂວງຄຳມ່ວນ ກັບສະຖານີ ວິທະຍຸ-ໂທລະພາບແຂວງກວາງບິ່ງ ສສ ຫວຽດນາມ.

  ໃນວັນທີ 17 ຕຸລາ 2019 ສອງຝ່າຍໄດ້ດໍາເນີນກອງປະຊຸມພົບປະຢ່າງເປັນທາງການຢູ່ທີ່ພະແນກຖະແຫຼງຂ່າວວັດທະນະທໍາແລະທ່ອງທ່ຽວແຂວງຄຳມ່ວນ, ເປັນກຽດເຂົ້າຮ່ວມໃນພິທີມີທ່ານ ຂັນຕີ ໂພທິນ ກຳມະການພັກແຂວງຫົວໜ້າພະແນກຖະແຫຼງຂ່າວວັດທະນະທຳ ແລະທ່ອງທ່ຽວແຂວງຄຳມ່ວນ ແລະທ່ານ ເລ ແຂັງຮວ່າ ເລຂາຄະນະພັກປະຈຳສະຖານີວິທະຍຸກະຈາຍສຽງ-ໂທລະພາບ ແຂວງກວາງບິ່ງ ພ້ອມຄະນະນຳ ທັງສອງຝ່າຍເຂົ້້າຮ່ວມ.

  ໃນວາລະດຳເນີນການພົບປະທັງສອງຝ່າຍໄດ້ລາຍງານສະພາບການເຄື່ອນໄຫວປະຕິບັດວຽກງານໃນໄລຍະຜ່ານມາ, ແລກປ່ຽນຕີລາຄາຜົນການຈັດຕັ້ງປະຕິບັດເນື້ອໃນ ບົດບັນທຶກກອງປະຊຸມລະຫວ່າງສອງຝ່າຍຊຶ່ງໄດ້ເຊັນກັນໃນວັນທີ 11 ພະຈິກ 2016 ຢູ່ນະຄອນດົງເຮີຍ ສສ ຫວຽດນາມ, ຜ່ານການຕີລາຄາການຈັດຕັ້ງຜັນຂະຫ ຍາຍເນື້ອໃນບົດບັນທຶກຊ່ວຍຈຳທີ່ສອງຝ່າຍໄດ້ເອກະພາບຜ່ານມານັ້ນເຫັນວ່າທັງສອງຝ່າຍໄດ້ເອົາໃຈໃສ່ເຮັດໜ້າທີ່ການເມືອງໃນການເຜີຍແຜ່ແນວທາງນະໂຍບາຍ, ລະ ບຽບ, ກົດໝາຍຂອງພັກ-ລັດໄດ້ເປັນຢ່າງດີເປັນຕົ້ນການດຳເນີນວຽກງານຂອງສະຖານີວິທະຍຸກະຈາຍສຽງ-ໂທລະພາບເຄື່ອນໄຫວເກັບກຳຂ່າວ, ການຜະລິດລາຍກາ ນ, ການອອກອາກາດ, ໄດ້ເອົາໃຈໃສ່ໂຄສະນາການພົວພັນຮ່ວມມືມິດຕະພາບແບບພິເສດລາວ-ຫວຽດ ນາມເວົ້າລວມ, ເວົ້າສະເພາະແມ່ນ ການຮ່ວມມືລະຫວ່າງຄຳມ່ວນ-ກວາງບິ່ງໃນວຽກງານດ້ານຕ່າງໆ ນັບມື້ໄດ້ຮັບການເສີມຂະຫຍາຍຢ່າງແໜ້ນແຟ້ນທັງໝົດນັ້ນແມ່ນ ແນໃສ່ການພັດທະນາເສດຖະກິດ-ສັງຄົມໃຫ້ມີຄວາມໝັ້ນຄົງສີວິໄລ, ເພື່ອສືບຕໍ່ຮ່ວມມືຈັດຕັ້ງປະຕິບັດ ວຽກງານໃນຕໍ່ໜ້າ ແລະຍາວນານ ໃຫ້ໄດ້ຮັບການເສີມຂະຫຍາຍ, ທັງສອງຝ່າຍຍັງໄດ້ຕົກລົງເປັນ ເອກະພາບກັນລົງນາມເຊັນບົດບັນ ທຶກຊ່ວຍຈຳເພີ່ມທະວີການຮ່ວມມື ໃນຂົງເຂດວຽກງານວິທະຍຸກະ ຈາຍສຽງ ແລະໂທລະພາບໃຫ້ນັບ ມື້ກວ້າງຂວາງ, ໜັກແໜ້ນເປັນຕົ້ນ ແມ່ນແລກປ່ຽນບັນດາລາຍການທີ່ພົ້ນເດັ່ນທາງດ້ານວັດທະນະທຳ- ສັງຄົມລະຫ່ວາງແຂວງຄຳມ່ວນ ແລະແຂວງກວາງບິ່ງ ໃຫ້ມີຄວາມ ສີວິໄລຮັ່ງມີເຂັ້ມແຂງ, ສືບຕໍ່ຮ່ວມ ມືແລກປ່ຽນບົດຮຽນ ແລະຊ່ວຍ ເຫຼືອເຊິ່ງກັນ ແລະກັນດ້ານປະສົບ ການຕາມທ່າແຮງທີ່ມີຮ່ວມມືໃນການສ້າງຟິມເອກະສານ, ການ ລາຍງານຂ່າວ, ສາລະຄະດີໃຫ້ ເປັນຮູບປະທໍາ ແລະສືບຕໍ່ຮ່ວມມືຢ້ຽມຢາມພົບປະແລກປ່ຽນກັນໃນ 2 ປີຕໍ່ໜຶ່ງຄັ້ງໂດຍຜັດປ່ຽນກັນເປັນເຈົ້າພາບດັ່ງທີ່ເຄີຍປະຕິບັດຜ່ານມາເພື່ອແນໃສ່ຮັດແໜ້ນຄວາມສາມັກຄີຂອງສອ ງກົມກອງກໍຄືສອງແຂວງໃຫ້ໝັ້ນຄົງ.

  ໃນພິທີທັງສອງຝ່າຍໄດ້ລົງນາມບົດບັນທຶກຊ່ວຍຈຳຈາກນັ້ນຄະນະຜູ້ແທນແຂວງກວາງບິ່ງຍັງໄດ້ທ່ຽວຊົມຢ້ຽມຢາມສະຖານທີ່ທ່ອງທ່ຽວຂອງແຂວງຄຳມ່ວນເປັນຕົ້ນກໍແມ່ນ: ອານຸສອນສະຖານປະທານ ສຸພານຸວົງ, ອານຸສອນສະຖານປະທານໂຮຈິມິນ ແລະພະທາດສີໂຄດຕະບອງ, ສະຖານທີ່ດັ່ງກ່າວລ້ວນແຕ່ມີຄວາມໝາຍຄຳສຳຄັນ ແລະມີຊື່ສຽງທາງ ດ້ານປະຫວັດສາດຂອງຊາດກໍຄືຂອງແຂວງຄຳມ່ວນ.

________

ຂຽນໂດຍ: ມະນີວັນ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์