ຢູທູບ ໂຕເອງສະຕູດິໂອ ຄັດເລືອກນັກຮ້ອງ ເຂົ້າສັງກັດຄ້າຍ

   ຢູທູບ ແລະເພສ໌ໂຕເອງສະຕູດິໂອ (Toeng Studio) ກໍເປັນອີກໜຶ່ງເພສ໌ຂອງວົງການບັນເທີງເພງລາວປະຈຸບັນໄດ້ມີການພັດທະນາ ແລະກຳລັງຄົ້ນຫາສິລະປິນນັກຮ້ອງສຽງດີເຂົ້າສັງກັດຄ້າຍໂດຍເອົາກິດຈະກຳການປະກວດຮ້ອງເພງລາວທຸກແນວອັດຄລິບລົງຜ່ານເຟສ໌ບຸກໂດຍກຳນົດເອົາຮ້ອງສຽງສົດ, ຮ້ອງປະກອບກີຕ້າ ແລະປະກອບຄີບອດແຕ່ຍົກເວັ້ນການຮ້ອງປະກອບຊາວດົນຕີເພງແລ້ວມາຕັດສິນຢູ່ຈໍານວນຍອດກົດໄລ່ ແລະກົດແຊຣ໌ຖ້າບຸກຄົນໃດໄດ້ຫຼາຍແມ່ນຈະມີຜົນງານເພງເປັນຂອງຕົວເອງ.

 ທ່ານ ອານຸລັກ ພະໄຊສີສຸນົນ ເຈົ້າຂອງຊ່ອງຢູທູບ ແລະເພສ໌ໂຕ ເອງສະຕູດິໂອກ່າວວ່າ: ຈຸດປະສົງຂອງການຈັດການປະກວດແມ່ນເພື່ອຢາກໃຫ້ຊາວໜຸ່ມລາວທົ່ວປະ ເທດໄດ້ສະແດງຄວາມສາມາດອອກ ສູ່ສາຍຕາຂອງສັງຄົມ ແລະເປີດ ໂອກາດໃຫ້ຜູ້ທີ່ຢາກມີຜົນງານເພງ ເປັນຂອງຕົນເອງໄດ້ສະແດງ ແລະພິສູດຄວາມຮູ້ຄວາມສາມາດວ່າມີຄວາມພ້ອມໃນການເປັນສິລະປິນນ້ອງໃໝ່ປະດັບວົງການບັນເທີງ.

  ການຄັດເລືອກໄດ້ເລີ່ມຂຶ້ນແຕ່ວັນທີ 10 ເດືອນຕຸລາ 2019 ຊຶ່ງມີຜູ້ຄົນສົ່ງຄລິບວິດີໂອເຂົ້າມາຢ່າງ ຫຼວງຫຼາຍ ແລະຄລິບວິດິໂອດັ່ງ ກ່າວກໍໄດ້ຖືກປ່ອຍອອກທາງເພສ໌: Toeng Studio ເພື່ອໃຫ້ມວນ ຊົນໃຫ້ຄະແນນ ແລະຕໍາໜິຕິຊົມ ສ່ວນກະຕິກາໃນການໃຫ້ຄະແນນ ກໍຄືຈໍານວນຍອດກົດໄລ່ ແລະແຊຣ໌ ແບບຂາວສະອາດ ຊຶ່ງເຟສ໌ບຸກໜຶ່ງສາມາດກົດແຊຣ໌ວິດິໂອໄດ້ບໍ່ເກີນ 3 ແຊຣ໌ ຖ້າແຊຣ໌ກາຍນັ້ນພວກເຮົາຈະບໍ່ນັບຄະແນນໃຫ້ໂດຍເອົາກຳນົດເອົາຍອດຄົນເຂົ້າເຖິງເປັນຜູ້ຕັດສິນເພື່ອທີ່ຈະຜ່ານເຂົ້າໄປໃນຮອບຊີງຊະນະເລີດການປະກວດດັ່ງກ່າວຈະດໍາເນີນໄປເຖິງວັນທີ 10  ພະຈິກ ແລ້ວຄັດເລືອກໃຫ້ເຫຼືອ 10 ຄົນສຸດທ້າຍໃນວັນທີ 11 ພະ ຈິກ 2019.

  ສຳລັບຜູ້ທີ່ໄດ້ຮັບລາງວັນຊະນະເລີດ 3 ຄົນຈະໄດ້ມີຜົນງານເພງເປັນຂອງຕົນເອງຊຶ່ງທາງທີມງານຂອງຢູທູບ Toeng Studio ຈະເປັນຜູ້ປະພັນເນື້ອຮ້ອງ, ເຮັດດົນຕີ, ອັດສຽງຮ້ອງ ແລະຖ່າຍທໍາມິວສິກວິດິໂອໃຫ້ຜູ້ຊະນະເລີດ 3 ຄົນບໍ່ໄດ້ເສຍຄ່າງົບປະມານ.

-------------------

ໜັງສືພີມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์