ສະຖາບັນການທະນາຄານສະຫຼຸບສົກຮຽນ ແລະເປີດສົກຮຽນໃໝ່

ສະຖາບັນການທະນາຄານໄດ້ຈັດຕັ້ງການສະຫຼູບຊຸດຮຽນສົກສຶກສາ 2018-2019 ແລະເປີດສົກຮຽນໃໝ່ສົກສຶກສາ 2019-2020 ຂຶ້ນໃນວັນທີ 18 ຕຸລາ 2019 ທີ່ສະໂມສອນສະຖາບັນ ດັ່ງກ່າວ ໂດຍການໃຫ້ກຽດເຂົ້າຮ່ວມຂອງທ່ານ ນາງ ວັດທະນາ ດາລາລອຍ ຮອງຜູ້ວ່າການທະນາຄານແຫ່ງ ສປປ ລາວ ທ່ານ ສັນຕິ ພົນເມືອງລາວຫົວໜ້າສະຖາບັນການທະນາຄານພ້ອມຄະນະ, ຜູ້ຕາງໜ້າກົມການສຶກສາຊັ້ນສູງກະຊວງສຶກສາທິການ ແລະກີລາ, ຄະນະອະທິການບໍດີມະຫາວິທະຍາໄລແຫ່ງ ຊາດ, ຄະນະກົມຈາກທະນາຄານແຫ່ງ ສປປ ລາວ, ທະນາຄານຄະນະທຸລະກິດ, ອາຈານ ແລະບັນດານັກສຶກສາຂອງສະຖາບັນການທະນາຄານເຂົ້າຮ່ວມ.

 ທ່ານຫົວໜ້າສະຖາບັນການທະນາຄານໄດ້ກ່າວວ່າ: ຜ່ານການຈັດຕັ້ງປະຕິບັດມາຮອດສົກສຶກສາ 2018-2019 ສະຖາບັນການທະນາຄານໄດ້ສ້າງນັກວິຊາການລະ ດັບຊັ້ນສູງຮຸ່ນ 16 ແລະຕໍ່ເນື່ອງ ປະລິນຍາຕີຮຸ່ນ 17 ໃນສາຂາການ ທະນາຄານ, ການເງິນ, ການບັນຊີ ແລະການເງິນຈຸລະພາກຊຶ່ງປະກອບມີ 15 ຫຼັກສູດ, ໃນນັ້ນຫຼັກສູດ ຊັ້ນສູງ 3 ສາຂາ, ອະນຸປະລິນຍາ 4 ສາຂາ, ປະລິນຍາຕີ 4 ສາຂາ, ຕໍ່ເນື່ອງປະລິນຍາຕີ 4 ສາຂາ ແລະ ປີ 2019 ສະຖາບັນການທະນາຄານໄດ້ຮັບອະນຸມັດຫຼັກສູດຕໍ່ເນື່ອງ ປະລິນຍາຕີ ພາກປົກກະຕິ 4 ສາຂາ ໂດຍເລີ່ມຈັດຕັ້ງການຮຽນ-ການສອນ ສົກສຶກສາ 2019-2020 ເປັນຕົ້ນໄປ.

   ສະໜັບສະໜຸນໂດຍ: HONDA

-------------  

ສໍາລັບສົກສຶກສາ 2018-2019 ສະຖາບັນການທະນາຄານໄດ້ເລີ່ມຈັດຕັ້ງການຮຽນ-ການສອນ ອາທິດທີສອງຂອງເດືອນຕຸລາ ແລະ ໃນປະຈຸບັນນີ້, ສະຖາບັນການທະ ນາຄານມີຄູ-ອາຈານປະຈຳທັງ ໝົດ 84 ຄົນ ແລະອາຈານຮັບ ເຊີນ 30 ຄົນ; ມີນັກສຶກສາທັງໝົດ 3.244 ຄົນ (ຍິງ 2.195 ຄົນ) ໃນນີ້ມີນັກສຶກສາຊັ້ນສູງຮຸ່ນ 16 ມີ 647 ຄົນ, ຮຸ່ນ 17 ມີ1.182 ຄົນ ແລະນັກສຶກສາຮຸ່ນ 18 ມີ 1.415 ຄົນ ແລະສຳລັບໃນສົກສຶກສາ 2019-2020 ໄດ້ຮັບນັກສຶກສາ ໃໝ່ຈໍານວນ 1.575 ຄົນ ຊຶ່ງໄດ້ ເພີ່ມຂຶ້ນຈາກສົກຜ່ານມາ 8,99%.

  ນັບແຕ່ສົກ 2016-2017 ຫາສົກ 2018-2019 ນັກສຶກສາສ່ວນຫຼາຍຂອງສະຖາບັນການທະນາຄານໄດ້ເອົາໃຈໃສ່ສຶກສາ ແລະ ປະຕິບັດລະບຽບວິໄນຂອງສະຖາ ບັນໄດ້ເປັນຢ່າງດີ ຊຶ່ງຜ່ານຂະ ບວນການປະເມີນຜົນການຮຽນ-ການສອນໄດ້ມີນັກສຶກສາທີ່ຄົບເງື່ອນໄຂຮັບໃບປະກາສະນີຍະບັດ 1.059 ຄົນ, ໃນນີ້ຊັ້ນສູງ 639 ຄົນ, ຕໍ່ເນື່ອງປະລິນຍາຕີ 362 ຄົນ ແລະໃນນີ້ໄດ້ຮັບໃບປະກາສະນີຍະບັດກຽດນິຍົມ 18 ຄົນ, ຊັ້ນ ສູງ 4 ຄົນ ແລະຕໍ່ເນື່ອງປະລິນຍາຕີ 14 ຄົນ, ນອກຈາກນີ້ຍັງປະກອບສ່ວນເຄື່ອນໄຫວໃນຂະບວນການຕ່າງໆດ້ວຍຄວາມເອົາໃຈໃສ່ໂດຍມີຜູ້ໄດ້ຮັບໃບຍ້ອງຍໍ-ໃບຊົມເຊີຍທັງໝົດ 83 ຄົນ ແລະມີນັກສຶກສາທີ່ຮຽນດີ-ຮຽນເກັ່ງສາມາດຍາດໄດ້ຮັບທຶນການສຶກສາປະເພດ II ຈໍານວນ 25 ຄົນ, ໃນນີ້ມີນັກສຶກສາປະລິນຍາຕີຮຸ່ນ 17 ມີ 5 ຄົນ ແລະປະລິນຍາຕີ ຮຸ່ນ 18 ມີ 20 ຄົນ.

 ສະໜັບສະໜຸນໂດຍ: ສ່ວນບຸກຄົນ

------------  

ໃນໂອກາດນີ້ ນາງ ວັດທະນາ ດາລາລອຍ ຮອງຜູ້ວ່າການທະນາຄານແຫ່ງ ສປປ ລາວ ໄດ້ຕີລາຄາສູງຕໍ່ການນຳພາຂອງຄະນະນຳ ແລະຄວາມພະຍາຍາມຢ່າງຕັ້ງໜ້າ ຂອງຄູ-ອາຈານໃນສົກຮຽນຜ່ານ ມາເຮັດໃຫ້ການຮຽນ-ການສອນ ບັນລຸຜົນຢ່າງໜ້າເພິ່ງພໍໃຈ ແລະເປັນການປະກອບສ່ວນອັນສຳຄັນເຂົ້າໃນການກໍ່ສ້າງຊັບພະຍາກອນມະນຸດໃຫ້ປະເທດຊາດ, ເວົ້າສະ ເພາະໃນຂະແໜງການທະນາຄານ-ສະຖາບັນການເງິນ ແລະຍັງຮຽກຮ້ອງໃຫ້ຜູ້ທີ່ສຳເລັດການສຶກສາ ໃໝ່ຕ້ອງນໍາເອົາຄວາມຮູ້-ຄວາມ ສາມາດໝູນໃຊ້ເຂົ້າໃນວຽກງານຕົວຈິງຢ່າງປະດິດສ້າງ, ມີຄວາມຊື່ສັດ ແລະມີຈັນຍາບັນໃນອາຊີບ, ສຳລັບນັກສຶກສາທີ່ກຳລັງຮຽນກໍ່ໃຫ້ພ້ອມກັນຝຶກຝົນຫຼໍ່ຫຼອມຕົນເອງ ໂດຍສະເພາະເອົາໃຈໃສ່ຄົ້ນຄວ້າຮໍ່າຮຽນ, ສ້າງ ແລະພັດທະນາຕົນເອງໃນທຸກດ້ານເປັນຕົ້ນແມ່ນການປະຕິບັດລະບຽບວິໄນໃຫ້ດີ, ສະເພາະບັນດາຄູ-ອາຈານຈົ່ງສືບຕໍ່ພັດ ທະນາຄວາມຮູ້ດ້ານວິຊາສະເພາະ, ພາສາຕ່າງປະເທດ, ຮູ້ນຳໃຊ້ເຕັກໂນໂລຊີທີ່ທັນສະໄໝເຂົ້າໃນການຖ່າຍທອດບົດຮຽນໃຫ້ນັກສຶກສາ ແລະສະເໜີໃຫ້ສະຖາບັນການທະນາຄານສືບຕໍ່ປັບປຸງຫຼັກສູດການຮຽນ, ປັບປຸງວິທີສິດສອນໃຫ້ມີຄຸນນະພາບສອດຄ່ອງກັບຄວາມຕ້ອງການຕົວຈິງຂອງສັງຄົມໃນປະຈຸບັນ.

-------------------

ໜັງສືພີມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์