ມົນລະພິດຂ້າຊີວິດຄົນເອີຣົບ 400.000 ຄົນຕໍ່ປີ

ສຳນັກງານສິ່ງແວດລ້ອມເອີ ຣົບລະບຸວ່າ: ມົນລະພິດທາງອາ ກາດ ເຮັດໃຫ້ປະຊາຊົນໃນເຂດ ເອີຣົບເສຍຊີວິດກ່ອນໄວອັນສົມ ຄວນເຖິງ 400.000 ຄົນຕໍ່ປີ ແລະ ຊາວເອີຣົບທີ່ອາໄສຢູ່ໃນເມືອງ ສ່ວນໃຫຍ່ໄດ້ຮັບມົນລະພິດໃນລະ ດັບທີ່ເປັນອັນຕະລາຍຕໍ່ສຸຂະພາບ.

ຕາມຂ່າວຕ່າງປະເທດລາຍ ງານວ່າ ມົນລະພິດທາງອາກາດ ເປັນຄວາມສ່ຽງດ້ານສິ່ງແວດ ລ້ອມທີ່ສຳຄັນທີ່ສຸດຕໍ່ສຸຂະພາບ ຂອງມະນຸດໃນຂະນະນີ້ ສຳລັບ ອັງກິດໄດ້ສະເໜີຮ່າງກົດໝາຍສິ່ງ ແວດລ້ອມສະບັບໃໝ່ ລວມເຖິງກຳ ນົດເປົ້າໝາຍທີ່ມີຜົນຜູກພັນທາງ ກົດໝາຍໃນການຫຼຸດມົນລະພິດ ໃນອາກາດ ແລະບັງຄັບໃຫ້ຜູ້ຜະ ລິດລົດໃຫຍ່ຮຽກຄືນລົດທີ່ປ່ອຍມົນ ລະພິດເກີນກວ່າຄ່າມາດຕະຖານ, ຜູ້ຊ່ຽວຊານກ່າວວ່າ ການຫຼຸດຈຳ ນວນລົດກໍເປັນໜຶ່ງໃນປັດໄຈສຳຄັນຂອງການຫຼຸດມົນລະພິດທາງ ອາກາດໃນຫຼາຍເມືອງ ໂດຍສະ ເພາະການຫຼຸດປະລິມານໄນໂຕຣ ເຈນໄດອອກໄຊໃນທໍ່ຄວັນລົດ.

ກ່ອນໜ້ານີ້ ໃນເດືອນກໍລະກົດ ທີ່ຜ່ານມາ ຄະນະກຳມາທິການ ເອີຣົບໄດ້ຂໍໃຫ້ສານອີຢູດຳເນີນ ການກັບແອັດສະປາຍ ແລະບູນ ກາຣີ ທີ່ມີຄຸນນະພາບອາກາດທີ່ບໍ່ ດີ ແລະອອກຄຳເຕືອນທີ່ບໍ່ສາມາດປົກປ້ອງພົນລະເມືອງຂອງຕົນ ເອງຈາກບັນຫາມົນລະພິດທາງ ອາກາດ.

------------------------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 21/10/2019