ຄວາມຕ້ອງການໄອໂຟນ 11 ສູງກວ່າລຸ້ນເກົ່າ

    ນັກວິເຄາະການຕະຫຼາດຫຼາຍລາຍລະບຸວ່າຄວາມຕ້ອງ ການໂທລະສັບໄອໂຟນລຸ້ນໃໝ່ ຂອງແອັບເປິ້ນຄືໄອໂຟນ 11 ສູງກວ່າຄວາມຕ້ອງການໄອໂຟນລຸ້ນ ກ່ອນທີ່ເປີດໂຕເມື່ອປີທີ່ແລ້ວກ່ອນ ໜ້ານີ້ທີ່ຮ້ານໂທລະສັບມືຖືຕ່າງໆ ໄດ້ເລີ່ມໃຫ້ສັ່ງຊື້ໄອໂຟນ 11 ລ່ວງ ໜ້າໄດ້ແຕ່ກາງເດືອນກັນຍາ.

ຂ່າວນີ້ຖືເປັນຂ່າວດີສຳລັບຜູ້ບໍ ລິຫານ ແລະຜູ້ຖືຮຸ້ນຂອງແອັບເປິ້ນ ຫຼັງຈາກທີ່ຍອດຂາຍໄອໂຟນຫຼຸດລົງຕໍ່ເນື່ອງໃນໄລຍະຫຼາຍປີທີ່ຜ່ານມາ.

ນັກວິເຄາະໃຊ້ວິທີວັດຄວາມຕ້ອງການຂອງໂທລະສັບມືຖືລຸ້ນທີ່ອອກໃໝ່ ໂດຍເບິ່ງຈາກວັນທີ່ ຄາດວ່າຈະສົ່ງມອບໂທລະສັບລຸ້ນ ນັ້ນ ຊຶ່ງຖ້າຄວາມຕ້ອງການຫຼາຍ ວັນທີ່ສົ່ງມອບກໍຈະຖືກເລື່ອນອອກ ໄປດົນຂຶ້ນເພາະຕ້ອງໃຊ້ເວລາໃນ ການຜະລິດຫຼາຍຂຶ້ນສຳລັບໄອໂຟນ 11 ທີ່ຫາກໍເປີດໂຕເມື່ອບໍ່ດົນມານີ້ບໍລິສັດວິໄຈການຕະຫຼາດ  Nomura Group ຄາດວ່າເວລາສົ່ງມອບ ໂທລະສັບແກ່ຜູ້ສັ່ງຈອງຈະຢູ່ທີ່ 17 ວັນທຽບກັບ iPhone XS ແລະ XS Max ທີ່ເປີດໂຕເມື່ອປີທີ່ແລ້ວຊຶ່ງໃຊ້ເວລາສົ່ງມອບ 11 ວັນຫຼັງ ຈາກວັນເປີດໂຕ  ໂດຍ  iPhone 11 Pro ສີເທົາ ແລະສີຄຳຄືລຸ້ນທີ່ມີ ຄວາມຕ້ອງການຫຼາຍທີ່ສຸດໃນບັນດາໄອໂຟນທັງໝົດທີ່ເປີດໂຕມາ.

ນັກວິເຄາະຊີ້ວ່າສາເຫດທີ່ເຮັດໃຫ້ມີຄວາມຕ້ອງການໄອໂຟນໃໝ່ເພີ່ມຂຶ້ນໃນປີນີ້ສ່ວນໜຶ່ງເປັນເພາະຜູ້ໃຊ້ໄອໂຟນຈຳນວນຫຼາຍບໍ່ໄດ້ອັບ ເກຣດໂທລະສັບຂອງຕົນເມື່ອປີທີ່ ແລ້ວເນື່ອງຈາກລາຄາທີ່ສູງກວ່າລຸ້ນກ່ອນທຽບກັບລາຄາທີ່ຖືກລົງປະມານ 50 ໂດລາສະຫະລັດ ໃນ iPhone 11.

 ---------------------------------------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์