ສະຫວັນລີສອດ ມອບເຄື່ອງດົນຕີ ໃຫ້ສູນວັດທະນະທຳເດັກ

  ສູນວັດທະນະທຳເດັກແຂວງ ສະຫວັນນະເຂດ ໄດ້ຮັບອຸປະກອນ ຊ່ວຍເຫຼືອປະເພດເຄື່ອງດົນຕີພື້ນ ເມືອງຈາກ ບໍລິສັດສະຫວັນລີສອດ ລວມມູນຄ່າ 60,6 ລ້ານກີບ, ພິ ທີມອບ-ຮັບໄດ້ຈັດຂຶ້ນຢູ່ສູນດັ່ງ ກ່າວໃນວັນທີ 16 ຕຸລາ 2019, ໃຫ້ກຽດມອບຂອງທ່ານ ເຕັກ ຮານຕັນ ຫົວໜ້າພະແນກບັນຊີສະຫວັນ ລີສອດ ແລະກ່າວຮັບ ໂດຍທ່ານ ນໍລະເດດ ນັນທະວົງ ຫົວໜ້າຫ້ອງ ການບໍລິຫານພະແນກຖະແຫຼງ ຂ່າວວັດທະນະທຳ ແລະທ່ອງທ່ຽວ ແຂວງສະຫວັນນະເຂດ ຊ່ອງໜ້າ ພະນັກງານສູນວັດທະນະທຳເດັກ ແລະສະຫວັນລີສອດ.

ເຄື່ອງດົນຕີພື້ນເມືອງທີ່ທາງ ບໍລິສັດ ສະຫວັນລີສອດ ນໍາມາ ມອບໃນຄັ້ງນີ້ປະກອບມີ: ຄ້ອງ ໃຫຍ່ 1 ວົງ, ກອງທັດ 1 ຄູ່, ກອງ ກະໂຕນ 1 ໜ່ວຍ,ກະຈັບປິ່ນໄຟຟ້າ 1 ໜ່ວຍ, ກິຕ້າເບດ 1 ໜ່ວຍ, ກອງໂປງລາງ 1 ຊຸດ, ກອງອີ່ຕຸ້ມ 1ໜ່ວຍ, ໂຫວດ+Am+Cm+Fm 10 ດວງ, ສາບໃຫຍ່ 1 ຄູ່, ແຄນ     5 ດວງ, ສະໄນ 3 ດວງເຄື່ອງ ສຽງ+ຕູ້ລຳໂພງ, ເຄື່ອງນຸ່ງຍິງຜ້າ ໄໝລາວ 12 ຊຸດ, ເຄື່ອງນຸ່ງຊາຍ ຜ້າໄໝລາວ 12 ຊຸດ ຊຶ່ງລວມມູນ ຄ່າທັງໝົດ 60,6 ລ້ານກີບ, ທັງ ນີ້ກໍເພື່ອຊ່ວຍເຫຼືອໃນການພັດທະ ນາເດັກນ້ອຍ ໂດຍສະເພາະແມ່ນ ສູນວັດທະນະທໍາເດັກແຂວງສະ ຫວັນນະເຂດ.

ທ່ານ ນໍລະເດດ ນັນທະວົງ ຕາງໜ້າໃຫ້ສູນວັດທະນະທໍາເດັກ ກ່າວຄຳຂອບໃຈຕໍ່ບໍລິສັດສະຫວັນ ລີສອດທີ່ໄດ້ນຳເອົາເຄື່ອງຮັບໃຊ້ ໃຫ້ແກ່ການເຄື່ອງໄຫວຂອງສູນວັດ ທະນະທຳເດັກເພື່ອຈະໄດ້ນຳໄປເຄື່ອນໄຫວເຂົ້າໃນກິດຈະກຳຕ່າງໆ ແລະເຊື່ຶອໝັ້ນວ່າທາງສູນວັດທະນະທຳເດັກຈະນຳໃຊ້ເຄື່ອງດັ່ງ ກ່າວນີ້ໃນການເຄື່ອນໄຫວກິດຈະກຳໃຫ້ປະກົດຜົນເປັນຈິງຕາມເຈດຈຳລົງຂອງສະຫວັນລີສອດທີ່ໃຫ້ ການຊ່ວຍເຫຼືອ.

----------------------------------------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์