ຫົວເມືອງ ແຂ່ງຂັນກີລານັກຮຽນມັດທະຍົມ

  ໃນວັນທີ 15 ຕຸລາ ຜ່ານມາຫ້ອງການສຶກສາທິການ-ກີລາເມືອງຫົວເມືອງ ໄດ້ຈັດພິທີເປີດການແຂ່ງຂັນກີລານັກຮຽນມັດທະຍົມໃນທົ່ວເມືອງຫົວເມືອງເພື່ອ ຊີງຂັນທ່ານຫົວໜ້າຫ້ອງການສຶກສາທິການ-ກີລາເມືອງເປັນຄັ້ງທີ 6 ທີ່ເດີນໂຮງຮຽນ ມສ ບວມງາມ ຂອງເມືອງເປັນກຽດເຂົ້າຮ່ວມຂອງ ທ່ານ ຊຽງທີ ວິໄລພັນ ຫົວໜ້າຫ້ອງການສຶກສາທິການ-ກີລາເມືອງ, ມີທ່ານຮອງຫົວໜ້າຫ້ອງການສຶກສາທິການ ແລະກີລາເມືອງ, ພະນັກງານຫ້ອງການສຶກສາທິການ ແລະກີລາເມືອງ, ຄູ-ອາ ຈານ, ນັກກີລາມາຈາກແຕ່ລະໂຮງຮຽນພ້ອມຄູນໍາພາ ແລະຕະຫຼອດຮອດນັກຮຽນ ມສ ບວມ ງາມເຂົ້າຮ່ວມ.

      ສະໜັບສະໜຸນໂດຍ: HONDA

   .................

ການຈັດການແຂງຂັນກີລາໃນ ຄັ້ງນີ້ຈະໄດ້ດໍາເນີນແຂງຂັ້ນເປັນ ເວລາ 4 ວັນ ເລີ່ມແຕ່ວັນທີ 15-18 ຕຸລາ 2019 ມີຈຸດປະສົງເພື່ອ ສະເຫຼີມສະຫຼອງວັນທີ 7 ຕຸລາ ຄົບຮອບ 25 ແລະອີກຢ່າງໜຶ່ງກໍ່ເປັນການຫຼິ້ນກີລາເພື່ອສ້າງຄວາມ ສຳພັນໄມຕີຈິດ, ສ້າງຄວາມສາມັກຄີເຊິ່ງກັນ ແລະກັນ ລະຫວ່າງ ໂຮງຮຽນ ແລະໂຮງຮຽນ, ເປັນການເສີມສ້າງພະລະກຳລັງໃຫ້ມີສຸຂະພາບແຂງແຮງ ແລະ ຫ່າງໄກຢາເສບຕິດພ້ອມທັງເປັນການຄັດເລືອກເອົານັກກີລາໃນຂັ້ນເມືອງເພື່ອນໍາໄປແຂ່ງຂັນກີລາໃນຂັ້ນ ແຂວງ.

ໃນການແຂ່ງຂັນກີລາໃນຄັ້ງນີ້ໄດ້ແບ່ງອອກເປັນ 3 ປະເພດກີລາ ຄື:ກີລາບານເຕະ, ກີລາກະຕໍ້ຫວາຍ ແລະກີລາຍິງໜ້າເກັກ ແລະມີ 13 ໂຮງຮຽນມັດທະຍົມຕົ້ນ, ມັດທະຍົມປາຍໃນທົ່ວເມືອງເຂົ້າຮ່ວມໃນການແຂງຂັນຄັ້ງນີ້.

---------------------

ໜັງສືພິມເສດຖະກິດ-ສັງຄົມ

แชร์