ຫວຽດນາມ ເອົາຊະນະອິນໂດເນເຊຍ ບານເຕະຊີງແຊ້ມ ໂລກຮອບຄັດເລືອກ

  ການແຂ່ງຂັນບານເຕະຊີງແຊ້ມໂລກ 2022 ຮອບຄັດເລືອກຂົງເຂດອາຊີຮອບທີ 2 ໃນວັນທີ 15 ຕຸລາ 2019 ກຸ່ມ G ຫວຽດນາມແຊ້ມອາຊຽນ 2018 ທີ່ມີຜົນງານດີມາຕໍ່ເນື່ອງລົງແຂ່ງນັດທີ 3 ພົບກັບ ອິນໂດເນເຊຍ ເພື່ອນຮ່ວມອາຊຽນທີ່ເສຍມາ 3 ນັດ ລວດທີ່ນະຄອນຫຼວງຈາກາຕາ.

  ທີມຊາດຫວຽດນາມ ຄວ້າໄຊ ຊະນະຕາມເປົ້າໝາຍ 3-1 ປະຕູ ຈາກການຍິງຂອງ ໂດດຸຍແມັງ ນາທີ 26, ເຫວ້ງ ງັອກ ຫາຍຍິງ ຈຸດໂທດ ນາທີ 55 ແລະຫງຽນ ທ່ຽນລິນນາທີ 61, ສ່ວນອິນໂດ ເນເຊຍ ສາມາດຍິງໄດ້ 1 ປະຕູ ໃນທ້າຍເກມຈາກເອີຟານ ບັກດິມ 84, ຫວຽດນາມ ສາມາດເອົາຊະນອິນໂດເນເຊຍ ຄັ້ງທຳອິດຈາກ 11 ນັດຫຼັງສຸດທີ່ໄດ້ພົບກັນເກັບ 3 ຄະແນນເພິ່ມເປັນ 7 ຄະແນນ ຈາກ 3 ນັດ ລຸ້ນເຂົ້າຮອບຕໍ່ໄປ, ຂະນະທີ່ອິນໂດເນເຊຍເສຍ 4 ນັດລວດ ໂອກາດເຂົ້າຮອບລຳບາກ.

  ຜົນອີກ 1 ຄູ່ໃນກຸ່ມດຽວກັນ ທີມຊາດໄທ ເປີດບ້ານບຽດຊະນະ ສະຫະລັດອາຣັບ ເອມີເຣດ ແລະ ທີມຊາດໄທ ໄດ້ປະຕູນຳກ່ອນຈາກ ທີຣະສິນ ແດງດານາທີ 26 ແຕ່ ສາມາດໄລ່ຕີສະເໜີໄດ້ໃນທ້າຍເຄິ່ງ ເວລາທີໝຶ່ງຈາກອາລີມາຄຸດ, ມາ ໃນເຄິ່ງຫຼັງໄທເຈົ້າບ້ານໄດ້ປະຕູໄຊ ຈາກເອກກະນິດປັນຍາ ດາວຮຸ່ງ ໃນໄວ 19 ປີ ນາທີ 51 ຈົບເກມ ການແຂ່ງຂັນທີມຊາດໄທ ສາມາດເອົາຊະນະສະຫະລັດ ອາຣັບ ເອມີເຣດ ຄັ້ງທຳອິດຈາກ 5 ນັດຫຼັງທີ່ ໄດ້ພົບກັນ.

  ທີມຊາດໄທມີ 7 ຄະແນນຈາກ 3 ນັດ ເທົ່າກັບຫວຽດນາມ ແຕ່ໄທມີປະຕູໄດ້ເສຍດີກວ່າ +4 ຕໍ່ +3 ລຸ້ນເຂົ້າຮອບຕໍ່ໄປ, ສ່ວນສະຫະລັດອາຣັບເອມີເຣດ ມີ 6 ຄະ ແນນ ຈາກ 3 ນັດ ຍັງມີໂອກາດເຂົ້າຮອບ ໃນນັດຕໍ່ໄປຂອງກຸ່ມ G ມາເລຍ ເຊຍ ພົບ ໄທ ແລະຫວຽດນາມ ພົບສະຫະລັດອາຣັບ ເອມີເຣດຈະແຂ່ງຂັນໃນວັນທີ 14 ພະຈິກ 2019.

------------------

 ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์