ເມືອງຄຳ ປະຊຸມຜູ້ບໍລິຫານການສຶກສາ

  ໃນອາທິດທີ່ຜ່ານມານີ້ ຫ້ອງການສຶກສາທິການ ແລະກີລາເມືອງ (ສກມ) ຄໍາ ແຂວງຊຽງ ຂວາງ ໄດ້ຈັດກອງປະຊຸມຜູ້ບໍລິ ຫານການສຶກສາຂັ້ນເມືອງທີ່ຫ້ອງ ປະຊຸມໂຮງຮຽນ ມປາຍ ຈອມ ທອງ, ພາຍໃຕ້ການເປັນປະທານ ຂອງທ່ານ ສີຫວັດ ໄມປັນຍາ ຫົວ ຫ້ອງການ ສກມ ຄໍາ, ທ່ານ ມີໄຊ ແພງສາ ຮອງເລຂາພັກເມືອງຮອງເຈົ້າເມືອງໆຄຳ, ມີຫົວໜ້າໜວ່ຍ ງານຂອງຫ້ອງການ ສກມ, ຫົວ ໜ້າຫ້ອງການທີ່ກ່ຽວຂ້ອງອ້ອມຂ້າງເມືອງ, ຜູ້ບໍລິຫານໂຮງຮຽນຕະຫຼອດຮອດແຂກທີ່ຖືກເຊີນເຂົ້າຮ່ວມເກືອບ 150  ຄົນ.

ໂອກາດນີ້ທ່ານ ພຸດສະດີ ດວງ ພາສີ ຫົວໜ້າໜ່ວຍງານສະຖິຕິ-ແຜນການຫ້ອງການ ສກມ ຄໍາ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດແຜນພັດທະນາການສຶກສາ-ກີລາປະຈຳສົກຮຽນ 2018-2019 ພ້ອມແຜນພັດທະນາການສຶກສາ-ກີລາປະຈຳສົກຮຽນ 2019-2020, ຊຶ່ງໃນສົກຮຽນຜ່ານມາ (2018-2019) ທົ່ວເມືອງມີໂຮງຮຽນ 115 ແຫ່ງ ມີພະນັກ ງານລັດຖະກອນທັງໝົດ 904 ຄົນ, ຍິງ 470 ຄົນ ໃນນັ້ນມີພະນັກງານ ບໍລິຫານ 36 ຄົນ, ຍິງ 8 ຄົນ, ມີ ອາສາ

ສະໝັກ 53 ຄົນ, ຍິງ 35 ຄົນ, ຂະຫຍາຍໂຮງຮຽນອະນຸບານ ໄດ້ 4 ແຫ່ງຄື: ອະນຸບານຄັງວຽງ,ຜາກອກ, ໂພນແຈ້ງ ແລະໜອງ ໂອນ,ທົ່ວເມືອງມີໂຮງຮຽນອະນຸ ບານທັງໝົດ 18 ແຫ່ງ, ມີ 57 ຫ້ອງຮຽນ, ມີຄູສອນ 67 ຄົນ, ມີນັກຮຽນທັງໝົດ 1,3 ພັນຄົນ, ຍິງ 634 ຄົນ, ມີຫ້ອງກຽມປະຖົມ 24 ຫ້ອງ, ມີຄູສອນ 24 ຄົນ, ມີ ນັກຮຽນທັງໝົດ 402 ຄົນ, ຍິງ  199 ຄົນ, ອັດຕາເຂົ້າຮຽນຂອງເດັກເກນອາຍຸ 3-5 ປີປະຕິບັດໄດ້51,8% ທຽບໃສ່ສົກຮຽນທີ່ຜ່ານມາເພີ່ມຂຶ້ນ 6,4% ທຽບໃສ່ແຜນການປະຈຳປີ 51% ລື່ນແຜນ 0,8% ແຕ່ທຽບໃສ່ຄາດໝາຍ SDG ຮອປີ2020 (65%) ຍັງຫຼຸດຢູ່ 13,2%, ອັດຕາເຂົ້າຮຽນຂອງເດັກເກນອາຍຸ 5 ປີ ປະຕິບັດໄດ້ 76,9% ທຽບໃສ່ສົກຜ່ານ ມາຫຼຸດລົງ 1,2% ທຽບໃສ່ແຜນ ການປະຈຳປີ 78% ຫຼຸດແຜນ 1,1% ແຜນຄາດໝາຍສົກຮຽນ 2019-2020 ໃຫ້ບັນລຸໄດ້: (1) ເພີ່ມອັດຕາເຂົ້າຮຽນເດັກອາຍຸ 3-5 ປີ ຈາກ 51,8%ເປັນ65%, (2) ເພີ່ມອັດຕາເຂົ້າຮຽນເດັກອາຍຸ 5 ປີ ຈາກ 76,9% ເປັນ 80%,(3) ຂະຫຍາຍໂຮງຮຽນອະນຸບານຈຳນວນ 4 ແຫ່ງຄື:ນາແປນ, ຄູວຽງ,ສຳພັນໄຊ, ສວນມອນ.

ໃນຕອນທ້າຍຂອງກອງປະຊຸມ ທ່ານ ມີໄຊ ແພງສາ ໄດ້ໃຫ້ກຽດ ຂຶ້ນໂອ້ລົມປະກອບຄຳຄິດຄຳເຫັນກ່ອນອື່ນທ່ານໄດ້ກ່າວຍ້ອງຍໍຊົມ ເຊີຍຕໍ່ຜົນງານການເຄື່ອນໄຫວ ຂອງເມືອງໃນໄລຍະຜ່ານມາພ້ອມທັງເຫັນດີເປັນເອກະພາບກັບບົດ ຫຼຸບສົກຮຽນ 2018-2019 ແລະແຜນຄາດໝາຍ 2019-2020 ພ້ອມທັງໃຫ້ທິດຊີ້ນຳແກ່ຄະນະຫ້ອງສຶກສາເມືອງໃຫ້ໃກ້ສິດຕິດ ແທດກັບໂຮງຮຽນໃຫ້ຫຼາຍຕື່ມ, ໃຫ້ຜູ້ບໍລິຫານການສຶກສາ ແລະ ຜູ້ບໍລິຫານໂຮງຮຽນທຸກຂັ້ນປະຕິ ບັດຕາມ 5 ຫຼັກມູນການສຶກສາ, 4 ບຸກທະລຸໃຫ້ປະກົດຜົນເປັນຈິງ.

-------------------

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์