ໂພຊະນາການ ຍັງເປັນສິ່ງທີ່ທ້າທາຍແກ້ໄຂທຸກຍາກຢູ່ລາວ

  ການແກ້ໄຂຄວາມທຸກຍາກຂອງລາວໃນໄລຍະທີ່ຜ່ານມາ, ເຖິງວ່າຈະບັນລຸ 2 ໃນ 3 ເງື່ອນໄຂຂອງການຫຼຸດພົ້ນອອກຈາກສະຖານະພາບປະເທດດ້ອຍພັດທະນາ, ແຕ່ກໍຍັງຖືກຈັດຢູ່ໃນປະເທດທີ່ມີອັດຕາຄວາມທຸກຍາກສູງກວ່າໝູ່ໃນອາຊຽນແລະການແກ້ໄຂຄວາມທຸກຍາກຍັງມີບັນຫາດ້ານຄຸນນະພາບ, ຄວາມຍືນຍົງ ແລະບັນຫາໂພຊະນາການສູງ.

  ກອງປະຊຸມສຳມະນາວັນອາຫານໂລກວັນສາກົນ ແລະສັບປະດາແຫ່ງຊາດເພື່ອລຶບລ້າງຄວາມທຸກຍາກຄັ້ງທີ 34 ໄດ້ຈັດຂຶ້ນບໍ່ດົນມານີ້ທີ່ນະຄອນຫຼວງວຽງຈັນ ຊຶ່ງໄດ້ຍົກເອົາ 3 ຫົວຂໍ້ທີ່ກ່ຽວພັນກັບວຽກງານໂພຊະນາການຂຶ້ນມາຫາລື,ໂດຍເຂົ້າຮ່ວມເປັນປະທານໂດຍທ່ານ ຄຳບຸນນັດ ໄຊຍະນົນ ຮອງລັດຖະມົນຕີກະຊວງກະສິກຳ ແລະປ່າໄມ້, ທ່ານ Bal asubramaniam Murali ຫົວໜ້າອົງການ UNDP ປະຈຳລາວ ແລະ ທ່ານ Matthieu Bommier ຫົວໜ້າອົງການ AFD ປະຈຳລາວ, ພ້ອມນັ້ນຍັງມີບັນດາໜ່ວຍງານທີ່ກ່ຽວຂ້ອງ ແລະນັກຮຽນເຂົ້າຮ່ວມ.

  ທ່ານ ຄຳບຸນນັດ ໄຊຍະນົນ ກ່າວວ່າ: ການຂະຫຍາຍຕົວຢ່າງກ້າວກະໂດດຂອງວິທະຍາສາດເຕັກໂນໂລຊີໄດ້ເອື້ອອໍານວຍໃຫ້ໂລກສາມາດຜະລິດອາຫານພຽງພໍສຳລັບລ້ຽງປະຊາກອນຈໍາ ນວນ 7 ຕື້ກວ່າຄົນໄດ້, ແຕ່ປະຈຸບັນປະ ຊາກອນ 795 ລ້ານຄົນ ບໍ່ໄດ້ກິນອີ່ມ ເຮັດໃຫ້ມີບັນຫາສຸຂະພາບຢ່າງຮ້າຍ ແຮງ ຊຶ່ງສ່ວນໃຫຍ່ແມ່ນຢູ່ໃນບັນດາປະ ເທດພວມພັດທະນາເຮັດໃຫ້ຕົວເລກຜູ້ ດ້ອຍໂພຊະນາການມີເຖິງ 12,9% ຂອງຈໍານວນປະຊາກອນ ແລະແຕ່ລະ ປີບັນຫາໂພຊະນາການທີ່ບໍ່ພຽງພໍເຮັດ ໃຫ້ເດັກນ້ອຍຕໍ່າກວ່າ 5 ປີ ຈຳນວນ 3,1 ລ້ານຄົນ ໄດ້ເສຍຊີວິດ, 100 ລ້ານຄົນມີນໍ້າໜັກຕໍ່າກວ່າມາດຕະຖານ, 25% ຂອງຈຳນວນເດັກນ້ອຍແມ່ນຕໍ່າເຕ້ຍຜິດ ປົກກະຕິ, ໂດຍອີງຕາມຕົວເລກ ຂອງອົງການອະນາໄມໂລກທີ່ເປີດເຜີຍ ໃນປີ 2019 ນີ້ຍັງໃຫ້ຮູ້ອີກວ່າອາຫານທີ່ບໍ່ປອດໄພເປັນສາເຫດໃຫ້ເກີດພະ ຍາດ 200 ຊະນິດ ນັບຕັ້ງແຕ່ການຖອກ ທ້ອງໄປເຖິງພະຍາດມະເຮັງ, ແຕ່ລະປີ ມີປະມານ 600 ລ້ານຄົນກວມ 10% ຂອງປະຊາກອນຂອງໂລກໄດ້ເກີດມີ ອາການເຈັບເປັນອັນເນື່ອງມາຈາກອາຫານທີ່ປົນເປື້ອນບໍ່ສະອາດ ແລະມີເຖິງ 4,20 ແສນຄົນ ທີ່ເສຍຊີວິດ, 40% ເດັກນ້ອຍອາຍຸຕໍ່າກວ່າ 5 ປີ ທີ່ເສຍຊີວິດແມ່ນຍ້ອນພະຍາດທີ່ເກີດຈາກອາ ຫານບໍ່ປອດໄພຊຶ່ງເຮັດໃຫ້ເດັກ 1,25 ແສນຄົນເສຍຊີວິດໃນແຕ່ລະປີ.

  ສຳລັບລາວເຖິງວ່າໄດ້ບັນລຸຄາດໝາຍການແກ້ໄຂຄວາມທຸກຍາກທີ່ວາງໄວ້ໃນ MDGs ແລະ ໄດ້ກາຍເປັນປະເທດທີ່ມີລາຍຮັບປານກາງທັງຍັງບັນລຸ 2 ໃນ 3 ເງື່ອນໄຂຂອງການຫຼຸດພົ້ນອອກຈາກສະຖານະພາບປະເທດດ້ອຍພັດທະນາ, ແຕ່ຍັງຖືກຈັດຢູ່ໃນປະເທດທີ່ມີອັດຕາຄວາມທຸກຍາກສູງກວ່າໝູ່ໃນອາຊຽນ, ຊຶ່ງການແກ້ໄຂຄວາມທຸກຍາກຍັງມີບັນຫາທາງດ້ານຄຸນນະພາບ, ຄວາມຍືນຍົງ ແລະຍັງມີບັນຫາໂພຊະນາການສູງເປັນຕົ້ນປະມານ 33% ຂອງເດັກນ້ອຍອາຍຸ 5 ປີລົງມາແມ່ນຕໍ່າເຕ້ຍ ຜິດປົກກະຕິ, 21% ມີນໍ້າໜັກຫຼຸດມາດຕະຖານ ແລະ 9% ຂາດສານອາຫານ.  

 ທ່ານ ຄຳບຸນນັດ ໄຊຍະນົນ ຍັງໃຫ້ຮູ້ອີກວ່າ: ດັ່ງນັ້ນ,ຫົວຂໍ້ທີ່ສຳມະນາເທື່ອນີ້ຈຶ່ງປະກອບມີການສົ່ງເສີມການຜະລິດກະສິກໍາທີ່ເປັນທ່າແຮງ ແລະມູນເຊື້ອເພື່ອທົດແທນການນຳເຂົ້າ ແລະເພື່ອ ສົ່ງອອກທີ່ຕິດພັນກັບການວາງສະແດງ ຜະລິດຕະພັນກະສິກໍາປອດສານພິດ ແລະຍັງມີຫົວຂໍ້ກ່ຽວກັບຄວາມຫຼາກຫຼາຍຂອງພືດທີ່ຄວນແກ່ການນໍາໃຊ້ເຂົ້າໃນການແກ້ໄຂໂພຊະນາການ, ໂດຍອົງການຈັດຕັ້ງສາກົນທີ່ໃຫ້ການຊ່ອຍເຫຼືອລາວກໍຈະມີຫົວຂໍ້ທີ່ຕິດພັນກັບວັນສໍາຄັນນີ້ຂຶ້ນສະເໜີ, ນອກຈາກນັ້ນຫົວຂໍ້ການສໍາມະນາຍັງເນັ້ນໃສ່ການພັດທະນາແບບຊຸມຊົນເປັນເຈົ້າການໂດຍໄດ້ສັງລວມເອົາບັນດາສຳນຶກ,ຫຼັກການວິິທິການນະໂຍບາຍ ແລະຮູບແບບໂຄງການຕົວຈິງຂອງການພັດ ທະນາທີ່ຊຸມຊົນເປັນເຈົ້າໂດຍສະເພາະແມ່ນບົດຮຽນຂອງກອງທຶນຫຼຸດຜ່ອນຄວາມທຸກຍາກ ຊຶ່ງແມ່ນອົງການຂອງລັດທີ່ໄດ້ຈັດຕັ້ງປະຕິບັດການພັດທະນາເປັນຊຸມຊົນເປັນເຈົ້າ 16 ປີມາແລ້ວຊຶ່ງຈະໄດ້ຈັດການເຄື່ອນໄຫວຈົນຮອດວັນທີ 24 ຕຸລາ.

______________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์