ສຟລ ກຽມຈັດໃຫຍ່ງານວາງສະແດງຜະລິດຕະພັນເຟີນີເຈີໄມ້ລາວຄັ້ງທີ 6

 ສະມາຄົມເຟີນີເຈີລາວ ຫຼື ສຟລ ກຳລັງຫ້າງຫາກະກຽມເພື່ອຈັດໃຫ້ມີຄວາມຍີ້ງໃຫຍ່ອາລັງການງານວາງສະແດງຜະລິດຕະພັນສິນເຟີນີເຈີໄມ້ລາວຄັ້ງທີ 6 ລະຫວ່າງວັນທີ 11-19 ມັງກອນ 2020 ທີ່ສູນການຄ້າລາວ-ໄອເຕັກ ນະຄອນຫຼວງວຽງຈັນ ທັງນີ້ ສຟລ ເຊີນຊວນບັນດາຫົວໜ່ວຍທຸລະກິດທັງພາຍໃນ ແລະ ຕ່າງປະເທດຈັບຈອງຫ້ອງເພື່ອນຳສິນຄ້າເຂົ້າຮ່ວມວາງສະແດງໃຫ້ມີຄວາມຫຼາກຫຼາຍ ແລະຄຶກຄັກກວ່າຄັ້ງກ່ອນໆ.

  ທ່ານ ກອງມາລາ ພົມມາໄລ, ຮອງປະທານສະມາຄົມເຟີນີເຈີລາວ, ຜູ້ຊີ້ນໍາການຈັດງານວາງສະແດງຜະລິດຕະພັນເຟີນີເຈີໄມ້ລາວຄັ້ງທີ 6 ເປີດເຜີຍໃຫ້ຮູ້ວ່າ: ການຈັດງານຄັ້ງນີ້ຄາດຄະເນຈະ ມີຫົວໜ່ວຍທຸລະກິດດ້ານເຟີນີເຈີທັງພາຍໃນ ແລະຕ່າງປະເທດນຳສິນຄ້າເຂົ້າຮ່ວມວາງສະແດງບໍ່ຫຼຸດ 80 ຫົວໜ່ວຍມູນຄ່າສິນຄ້າປະມານ 12 ຕື້ກວ່າກີບ ແລະ ຄາດວ່າຈະໄດ້ຂາຍສິນຄ້າປະມານ 60-70% ຊຶ່ງຈະມີຜູ້ເຂົ້າຊົມງານຫຼາຍເຖິງ 1,5 ແສນຄົນທັງນີ້ການຈັດງານກໍເພື່ອປະຕິບັດຕາມນະໂຍບາຍໃນການສົ່ງເສີມການຜະລິດເຄື່ອງເຟີນີເຈີໄມ້ລາວທັງເປັນການໂຄສະນາເຜີຍແຜ່ໃຫ້ສັງຄົມຮັບຮູ້ຜະລິດຕະພັນເຟີນີເຈີໄມ້ລາວຫຼາຍຂຶ້ນໃຫ້ຜູ້ຜະລິດສາມາດເຂົ້າຫາຕະ ຫຼາດ ແລະຈຳໜ່າຍສີນຄ້າໄດ້ທັງພາຍໃນ ແລະຕ່າງປະເທດກ້າວເຂົ້າສູ່ການສ້າງຕາໜ່າງການວາງສະແດງ-ຂາຍສີນຄ້າເຟີນີເຈີກັບພາກພື້ນ ແລະສາກົນໃນອະນາຄົດ.

  ພ້ອມດຽວກັນນັ້ນກໍເພື່ອຜັນຂະຫຍາຍ ຕາມເນື້ອໃນຂອງແຈ້ງການຄໍາສັ່ງເລກ ທີ 15/ນຍ ໃຫ້ປາກົດຜົນເປັນຈິງ, ເປັນ ການອະນຸລັກຮັກສາປ່າໄມ້, ນຳໃຊ້ໄມ້ໃຫ້ເກີດປະໂຫຍດສູງສຸດ ແລະມີໄມ້ໄວ້ ໃຊ້ຢ່າງຢືນຍົງ ໂດຍການປຸງແຕ່ງໃຫ້ເປັນ ຜະລິດຕະພັນສຳເລັດຮູບຈາກໄມ້, ຫວາຍ ແລະໄມ້ປ່ອງໃຫ້ມີຫຼາກຫຼາຍຜະລິດຕະ ພັນຕາມທີ່ສັງຄົມປະຈຸບັນຕ້ອງການ ແລະເປັນທີ່ນິຍົມກັນຢູ່ດ້ວຍການນຳໃຊ້ ເຕັກໂນໂລຊີທີ່ທັນສະໄໝ ແລະທັງເປັນ ການສ້າງມູນຄ່າເພີ່ມໃຫ້ກັບຜະລິດຕະ ພັນເຟີນີເຈີໄມ້ລາວໃຫ້

ກາຍເປັນສີນຄ້າ ທີ່ມີຄຸນນະພາບ ແລະລາຄາສູງກົງຕາມຄວາມຕ້ອງການຂອງລູກຄ້າ ແລະຕະຫຼາດເຮັດໃຫ້ສາມາດສົ່ງອອກຕ່າງປະເທດໄດ້, ຍັງເປັນການສ້າງວຽກເຮັດງານທຳໃຫ້ກັບປະຊາຊົນບັນດາເຜົ່າ,ຕ້ານໄພວ່າງງານ ແລະຊ່ວຍໃຫ້ຫຼຸດພົ້ນຈາກຄວາມທຸກຍາກຕື່ມອີກໃນອະນາຄົດ,ສົ່ງເສີມ ແລະສ້າງຄວາມເຂັ້ມແຂງໃຫ້ກັບສີໄມ້ລາຍມືຂອງຄົນລາວເຮົາ ແລະ ຫົວໜ່ວຍທຸລະກິດເຟີນີເຈີໄມ້ລາວໃຫ້ຂະຫຍາຍໂຕ ແລະສາມາດເຂົ້າສູ່ຕະຫຼາດພາກພື້ນ ແລະສາກົນໄດ້ໃນອະນາຄົດ, ສືບຕໍ່ຈາກການຈັດງານວາງສະແດງສີນຄ້າປະຈໍາປີ 2019 ທີ່ຜ່ານມາໃຫ້ຕໍ່ເນື່ອງ ແລະຍືນຍົງ.

  ທ່ານ ກອງມາລາ ພົມມາໄລ ກ່າວຕື່ມວ່າ: ພາຍໃນງານນອກຈາກຈະໄດ້ ພົບກັບຄວາມສວຍງາມຂອງສິນຄ້າເຟີ ນີເຈີຫຼາກຫຼາຍແລ້ວຍັງຈະມີກິດຈະກໍາອື່ນປີ່ນອ້ອມທີ່ຈະສາມາດສ້າງຄວາມມ່ວນຊື່ນໄດ້ຕະຫຼອດງານເປັນຕົ້ນແມ່ນການສາທິດການຜະລິດເຄື່ອງເຟີນີເຈີໄມ້ ແລະແກະສະຫຼັກໄມ້, ສຳມະນາຝຶກອົບຮົມ, ຈົກສະຫຼາກຊີງລາງ ວັນ (ເຄື່ອງເຟີນີເຈີ), ການແຂ່ງຂັນສີລະປະດົນຕີ ແລະອີກຫຼາກຫຼາຍກິດຈະກຳ.

 _____________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

 

แชร์