ຍົມມະລາດ ມອບເງິນອຸດໜູນເສຍຊີວິດໃຫ້ຄອບຄົວຜູ້ມີຜົນງານ

  ອີງຕາມດຳລັດຂອງລັດຖະບານສະບັບເລກທີ 272/ລບ, ລົງວັນທີ 16 ກັນຍາ 2015 ວ່າ ດ້ວຍການປະຕິບັດນະໂຍບາຍຕໍ່ຜູ້ທີ່ມີຜົນງານແລະຄຸນງາມຄວາມດີໃນພາລະກິດຮັບໃຊ້ການປະຕິວັດຊາດປະຊາທິປະໄຕ.

ດັ່ງນັ້ນໃນວັນທີ 10 ຕຸລາ 2019 ທີ່ຫ້ອງປະຊຸມ VIP ສຳນັກງານປົກຄອງເມືອງຍົມມະລາດໄດ້ຈັດພິທີມອບ-ຮັບເງິນອຸດໜູນເສຍຊີວິດໃຫ້ແກ່ຄອບຄົວຜູ້ທີ່ມີຜົນງານ ແລະຄຸນງາມຄວາມດີໃນພາລະກິດຮັບໃຊ້ການປະຕິວັດຊາດປະຊາທິປະໄຕໃຫ້ກຽດເປັນປະທານໂດຍທ່ານ ບຸນທວາຍ ສິລິປັນຍາທອງ ຫົວໜ້າພະແນກແຮງງານ ແລະສະຫວັດດີການ-ສັງຄົມແຂວງຄຳມ່ວນ, ທ່ານ ຄູນສີ ແສງດາລາ ຮອງເຈົ້າເມືອງໆຍົມມະລາດ, ມີບັນດາທ່ານຄະນະປະຈຳພັກເມືອງ, ຫ້ອງການທີ່ກ່ຽວຂ້ອງ ແລະຄອ ບຄົວຜູ້ເສຍຊີວິດເຂົ້າຮ່ວມຢ່າງພ້ອມພຽງ.

ໃນພິທີໄດ້ຜ່ານຂໍ້ຕົກລົງຂອງທ່ານເຈົ້າແຂວງໆຄຳມ່ວນວ່າດ້ວຍການອະນຸມັດຈ່າຍເງິນນະໂຍບາຍອຸດໜູນເສຍຊີວິດຍ້ອນການສູ້ຮົບ ແລະຮັບໃຊ້ການສູ້ຮົບປະຈຳປີ 2019 ຊຶ່ງປະກອບມີ 12 ສະຫາຍ: ສະຫາຍ ຊຽງລິນ, ສະຫາຍນຸ, ສະຫາຍ ສີພອນ (ສີມອນ), ສະຫາຍ ມີ, ສະຫາຍ ຊຽງອິນ, ສະຫາຍ ຫຼົງ, ສະຫາຍ ບຸນ, ສະຫາຍ ມັດ, ສະຫາຍພໍ ບຸນຍາການ, ສະຫາຍ ສີພອນ, ສະຫາຍ ຂິກແລະສະຫາຍ ກຽວ ຊຶ່ງບັນດາສະຫາຍທີ່ກ່າວມານີ້ແມ່ນໄດ້ເສຍສະຫຼະເລືອດເນື້ອ ແລະ ຊີວິດໃນການສູ້ ຮົບເພື່ອພາລະກິດຮັບໃຊ້ການປະຕິວັດຊາດ ປະຊາທິປະໄຕ ເປັນເງິນລວມທັງໝົດ 250,88 ລ້ານກີບ.

________________

ຂຽນໂດຍ: ຄໍາພູວາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

 

แชร์