ໄຊພູທອງ ໄຂກອງປະຊຸມໃຫຍ່ຜູ້ແທນອົງຄະນະພັກເມືອງ

 ກອງປະຊຸມໃຫຍ່ຜູ້ແທນອົງຄະນະພັກເມືອງໄຊພູທອງຄັ້ງທີ V ໃນວັນທີ 8-9 ຕຸລາ 2019, ໂດຍໄດ້ໄຂຂຶ້ນໂດຍໃຫ້ກຽດເຂົ້າຮ່ວມໂດຍສະຫາຍສັນຕິພາບ ພົມວິຫານ ກຳມະການສູນກາງພັກເລຂາພັກແຂວງເຈົ້າແຂວງສະຫວັນນະເຂດ, ສະຫາຍ ທອງທ່ຽງ ສີດາວົງ ຫົວໜ້າຄະນະຈັດຕັ້ງແຂວງ,ມີບັນດາແຂກພະແນກການອ້ອມຂ້າງ, ເມືອງຕ່າງໆຕະຫຼອດຮອດຜູ້ແທນສົມບູນ ແລະສະມາຊິກພັກໃນທົ່ວເມືອງ.

  ສະຫາຍ ຄຳວິໃສ ຜຸຍຍະວົງ ເລຂາພັກເມືອງເຈົ້າເມືອງໄຊພູທອງ ທັງເປັນປະທານກອງປະຊຸມໄດ້ຜ່ານບົດລາຍງານການເມືອງຕໍ່ກອງປະຊຸມໃຫຍ່ຄັ້ງທີ V ຂອງອົງຄະ ນະພັກເມືອງເພື່ອຕີລາຄາຄືນການຈັດຕັ້ງປະຕິບັດມະຕິກອງປະຊຸມໃຫຍ່ໃນຄັ້ງທີ່ຜ່ານມາຕະຫຼອດໄລຍະ5 ປີ, ເຖິງແມ່ນວ່າສະພາບການຈັດຕັ້ງປະຕິບັດມີທັງຂໍ້ສະດວກ, ຂໍ້ຫຍຸ້ງ ຍາກ ແລະສິ່ງທ້າທາຍໃນດ້ານຕ່າງໆຫຼາຍປະການ, ແຕ່ທົ່ວອົງຄະນະພັກເມືອງໄດ້ເຊີດຊູຄວາມຮັບຜິດຊອບ, ຄວາມເປັນເຈົ້າການຕັດສິນໃຈໃຊ້ ທຸກກຳລັງແຮງ, ຫົວຄິດປະດິດສ້າງຂອງຕົນ, ເຕົ້າໂຮມຄວາມສາມັກຄີອັນເປັນມູນເຊື້ອຂອງປະຊາຊົນບັນດາເຜົ່າເຂົ້າໃສ່ໃນການພັດທະນາເສດຖະກິດ-ສັງຄົມ ໃຫ້ຂະຫຍາຍຕົວຢ່າງຕໍ່ ເນື່ອງ, ລະບົບການເມືອງສືບ ຕໍ່ປັບປຸງຢ່າງຕັ້ງໜ້າ, ມີສະຖຽນລະພາບ, ມີຄວາມສະຫງົບປອດໄພ ແລະເປັນລະບຽບຮຽບຮ້ອຍທາງສັງຄົມ, ການຜະລິດເປັນສິນຄ້າຂອງ ຊາວກະສິກອນໄດ້ມີການຂະຫຍາຍຕົວຢ່າງກວ້າງຂວາງ, ຊີວິດການ ເປັນຢູ່ທາງດ້ານວັດຖຸ  ແລະຈິດໃຈຂອງປະຊາຊົນໄດ້ຮັບການປັບປຸງ ດີຂຶ້ນເປັນກ້າວໆ; ການພັດທະນາເສດຖະກິດ ແລະການແກ້ໄຂຄວາມທຸກຍາກຂອງປະຊາຊົນໄດ້ອີງໃສ່ເງື່ອນໄຂຈຸດພິເສດ ແລະທ່າແຮງບົ່ມຊ້ອນທີ່ເປັນພື້ນຖານໃຫ້ແກ່ການຜະລິດກະສິກຳເຮັດໃຫ້ຜະລິດຕະພັນພາຍໃນບັນລຸໄດ້814 ຕື້ກີບ, ສະເລ່ຍລາຍໄດ້ຕໍ່ຫົວຄົນເທົ່າກັບ 15,8 ລ້ານກີບ ຫຼື ເທົ່າກັບ 1.884 ໂດລາຕໍ່ຄົນຕໍ່ປີ, ຖ້າທຽບໃສ່ແຜນການຫຼຸດລົງ 166 ໂດລາ, ສຳລັບການຈັດເກັບລາຍຮັບເຂົ້າງົບປະມານຂອງລັດປະຕິບັດໄດ້ 94% ຂອງແຜນລາຍຮັບງົບປະມານ, ສົມທຽບໃສ່ ກອງປະຊຸມໃຫຍ່ຄັ້ງທີ IV ປະຕິບັດໄດ້ 86% ຂອງແຜນການ, ປະຕິບັດ ລາຈ່າຍໄດ້ 101,98%, ໄດ້ຕັ້ງໜ້າຍູ້ແຮງຂະບວນການຜະລິດກະສິ ກຳຕິດພັນກັບການຜະລິດເປັນສິນຄ້າ, ສະເລ່ຍໃສ່ຫົວຄົນໄດ້1.223 ກິ ໂລຕໍ່ຄົນຕໍ່ປີ, ມີເຂົ້າເຫຼືອກິນແຮໄວ້ ແລະຂາຍອອກ 44.436 ໂຕນຕໍ່ປີ, ສາມາດຄ້ຳສະບຽງອາຫານໄດ້ 100%; ໄດ້ຊຸກຍູ້ສົ່ງເສີມສ້າງຕັ້ງບ້ານພັດ ທະນາໄດ້ 19 ບ້ານ, ມີທຶນທັງໝົດ 7,9 ຕື້ກວ່າກີບ, ໃນນັ້ນເດັ່ນກວ່າ ໝູ່ແມ່ນກອງທຶນບ້ານນາພານມີທຶນ 4,2 ຕື້ກີບ, ສ່ວນການພັດທະນາທາງ ດ້ານສັງຄົມກໍ່ໄດ້ເອົາໃຈໃສ່ຢ່າງຕັ້ງໜ້າ ໂດຍໄດ້ສຸມໃສ່ການຂະຫຍາຍ ຕາໜ່າງການສຶກສາຢ່າງທົ່ວເຖິງ, ຍົກລະດັບການຮຽນ-ການສອນ ໃຫ້ໄດ້ມາດຕະຖານ, ທົ່ວເມືອງໄດ້ປະກາດຈົບຊັ້ນມັດທະຍົມຕົ້ນບຳລຸງ ໃນສົກປີ 2015 ເປັນເມືອງອັນດັບທີໜຶ່ງຂອງແຂວງ, ພິເສດໄດ້ສົ່ງນັກກີລາກະຕໍ້ຫວາຍຍິງເຂົ້າຮ່ວມແຂ່ງຂັນມະຫາວິທະຍາໄລອາຊຽນ ແລະ ນັກກີລາສີພາຍເຮືອຊ່ວງຂອງເມືອງເປັນຕົວແທນເຂົ້າຮ່ວມແຂ່ງຂັນລະດັບຊາດທີ່ ສປ ຈີນ, ສາມາດຍາດໄດ້ 1 ຫຼຽນຄຳ, 1 ຫຼຽນເງິນ ແລະທີ່ ສສ ຫວຽດນາມສາມາ ດຍາດໄດ້ 1 ຫຼຽນຄຳ.

  ໃນກອງປະຊຸມໃຫຍ່ຄັ້ງນີ້ຍັງໄດ້ຮັບຟັງການປະກອບຄຳຄິດຄຳເຫັນຂອງຜູ້ຕາງໜ້າອົງຄະນະພັກເມືອງອ້ອມຂ້າງທີ່ຖືກເຊີນ, ລວມທັງບັນດາຂະແໜງການອ້ອມຂ້າງເມືອງ ແລະຮາກຖານການຜະລິດຈຳນວນໜຶ່ງ, ຊຶ່ງທັງໝົດນັ້ນມັນເປັນການສ່ອງແສງໃຫ້ເຫັນເຖິງຄວາມສາມັກຄີເປັນເອກະພາບທັງເປັນການຢັ້ງຢືນຄືນເຖິງໝາກຜົນດ້ານຕ່າງໆໃນການຈັດຕັ້ງນຳພາຂອງອົງຄະນະພັກເມືອງໃນຊຸດທີ່ຜ່ານມາ.

ໃນກອງປະຊຸມບັນດາສະຫາຍຜູ້ແທນສົມບູນຍັງໄດ້ໃຊ້ສິດປະຊາທິປະໄຕລົງຄະແນນສຽງປ່ອນບັດຄັດເລືອກເອົາຄະນະບໍລິຫານງານພັກເມືອງຊຸດໃໝ່, ຊຶ່ງມີຜູ້ລົງສະໝັກເລືອກຕັ້ງທັງໝົດຈຳນວນ 27 ສະຫາຍ, ຍິງ 3 ສະຫາຍ, ໃນນັ້ນໄດ້ເລືອກເອົາ 23 ສະຫາຍ,ໂດຍກອງປະຊຸມຄັ້ງປະຖົມມະລຶກໄດ້ປ່ອນບັດເລືອກເອົາຄະນະປະຈຳພັກເມືອງ 7 ສະຫາຍ ແລະ ໃນນັ້ນໄດ້ເລືອກເອົາສະຫາຍ ຄຳວິໃສ ຜຸຍຍະວົງ ເປັນເລຂາຄະນະບໍລິຫານງານພັກເມືອງ, ສະຫາຍ ຫ່ວນ ຮັງບົວສອນ ເປັນຮອງເລຂາ, ສະ ຫາຍແສງສະຫວັນ ອານຸສິນ ເປັນຮອງເລຂາທັງເປັນປະທານກວດກາ ພັກ, ສະຫາຍ ພັທ ຄຳພາ ຄຳມະນີວົງ, ສະຫາຍ ພົມມາ ສົງວິໄລ, ສະຫາຍ ເກີດມີ ຈັນທິລາດ ແລະສະຫາຍ ສົມໝາຍ ແກ້ວລັດ ຕະນະວົງ ເປັນຄະນະປະຈຳພັກເມືອງສ່ວນອີກ 16 ສະຫາຍເປັນກຳມະການພັກເມືອງ.

_____________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์