ລາວອຸດສາຫະກຳ ຮຽກຮ້ອງລັດຊ່ວຍສົ່ງເສີມຜະລິດຕະພັນລາວ

 ບໍລິສັດລາວອຸດສາຫະກຳກະສິກຳ ຈຳກັດ ຫຼືເປັນທີ່ຮູ້ຈັກພາຍໃຕ້ນໍ້ານົມສາລີບ້ານເກີນເປັນຜະລິດຕະພັນລາວຊ່ວຍຊຸກຍູ້ໃຫ້ຊາວກະສິກອນມີອາຊີບ ແລະ ມີລາຍຮັບໝັ້ນຄົງໂດຍຜ່ານການຜະລິດສິນຄ້າສຳເລັດຮູບສົ່ງອອກຕະຫຼາດພາຍໃນ ແລະຕ່າງປະເທດປະຈຸບັນທາງບໍລິສັດສະເໜີໃຫ້ພາກສ່ວນລັດທີ່ກ່ຽວຂ້ອງເອົາໃຈໃສ່ຕິດຕາມສົ່ງເສີມນະໂຍບາຍຕົ້ນທຶນ, ເຕັກນິກລວມເຖິງການຜະລິດຈຳໜ່າຍເພື່ອໃຫ້ຜະລິດຕະພັນລາວກ້າວສູ່ຕະຫຼາດສາກົນໄດ້ຢ່າງຍືນຍົງ.

ທ່ານ ຄຳພະໄພວັນ ວົງໄຊ ຜູ້ອຳນວຍການບໍລິສັດລາວອຸດສາຫະກຳກະສິກຳ ຈຳກັດ ໃຫ້ສຳພາດວ່າ: ບໍລິສັດລາວອຸດສາຫະກຳກະສິກຳ ຈຳກັດ ສ້າງຂຶ້ນປີ 2005 ກ່ອນຈະມາເຮັດທຸລະກິດນີ້ເມື່ອກ່ອນບ້ານເມືອງເຮົາຍັງບໍ່ທັນມີບໍລິສັດກ່ຽວກັບແປຮູບ ແລະ ເຫັນຄວາມສຳຄັນວິຖີຊີວິດຂອງປະຊາຊົນທີ່ມີພື້ນຖານການປູກສາລີຢູ່ແລ້ວໃຫ້ຫັນເອົາມາປູກຂາຍແກ່ບໍລິສັດເປັນອາຊີບຊຶ່ງໄລຍະເລີ່ມຕົ້ນແມ່ນຜະລິດຜັກກາດດອງ, ກະທຽມ, ໝາກມ່ວງດອງ, ສາລີແອກະປ໋ອງ,ໝາກຕາວ,ມີປະຊາຊົນເຂົ້າຮ່ວມຫຼາຍຮ້ອຍຄອບຄົວ.

  ມາຮອດປະຈຸບັນບໍລິສັດມີອາຍຸໄດ້ 24 ປີ ແລ້ວສາມາດຊ່ວຍປະກອບສ່ວນໃຫ້ປະຊາຊົນຫຼາຍກວ່າ 60 ຄອບຄົວ ນະຄອນຫຼວງວຽງຈັນ, ແຂວງວຽງຈັນ ແລະບໍລິຄຳໄຊ ມີອາຊີບລາຍຮັບຈາກການຜະລິດສິນຄ້າກະສິກຳຕອບສະໜອງໃຫ້ແກ່ບໍລິສັດຜະລິດສິນຄ້າສຳເລັດຮູບຈຳໜ່າຍຕະຫຼາດພາຍໃນ ແລະ ສົ່ງອອກຕ່າງປະເທດຄືໄທ, ມາເລ ເຊຍ, ກຳປູເຈຍ, ຫວຽດນາມ, ອັງກິດ ແລະສະວີເດັນຊຶ່ງສິນຄ້າທີ່ເປັນໂຕຫຼັກໄດ້ຈຳໜ່າຍດີນົມສາລີຫວານ, ນໍ້າໝາກນັດ, ກະທຽມໂທນດອງ, ໝາກຕາວເຊື່ອມກະທິແລະສາລີກະປ໋ອງ.

  ແນວໃດກໍຕາມປະຈຸບັນທາງບໍລິສັດແມ່ນປະເຊີນກັບຫຼາຍບັນຫາໂດຍສະເພາະແມ່ນໄພທຳມະຊາດເກີດເຫດນໍ້າຖ້ວມໃນຊຸມປີຜ່ານມາ ແລະ ຂໍສະເໜີຮຽກຮ້ອງໃຫ້ລັດຊ່ວຍຊຸກຍູ້ສົ່ງເສີມການປູກຝັງ, ນະໂຍບາຍເຕັກນິກ, ປ່ອຍທຶນໃຫ້ກັບປະຊາຊົນຖ້າບໍ່ມີສົ່ງເສີມຈາກພາກລັດມາຊ່ວຍສົມທົບບໍລິສັດໂອກາດທີ່ຈະເຫັນບໍລີສັດຂອງລາວມີ ການຜະລິດສົ່ງອອກຕະຫຼາດສາກົນໂດຍສະເພາະການປູກຝັງຈະຫຼຸດນ້ອຍລົງຢ່າງແນ່ນອນ.

  ແນວໃດກໍດີເມື່ອບໍ່ດົນມານີ້ທາງບໍລິສັດບໍລິສັດລາວອຸດສາຫະກໍາ-ກະສິກຳຈໍາກັດ ພາຍໃຕ້ສິນຄ້ານໍ້ານົມສາລີຫວານບ້ານເກິນ, ນໍ້າໝາກນັດບ້ານເກິນ, ສາລີກະປ໋ອງບ້ານເກິນ ແລະໝາກຕາວເຊື່ອຜກະທິເຂົ້າຮັບລາງວັນທຸລະກິດອາຊຽນດີເດັ່ນແຫ່ງປີ 2019 ຫຼື ASEAN PLUS AWARD 2019 (BEST BIZ AND PRODUCT) ທີ່ສູນປະຊຸມສະຖາບັນວິໄຈຈຸລາລົງກອນ, ບາງກອກປະເທດໄທດັ່ງນັ້ນຈຶ່ງເຫັນສົມຄວນມອບລາງວັນ ASEAN PLUS AWARD 2019 (BES T BIZ AND PRODUCT) ໃຫ້ບໍລິສັດດັ່ງກ່າວເພື່ອເປັນການຢັ້ງຢືນສິນຄ້າທີ່ມີຄຸນນະພາບສາມາດສົ່ງຂາຍຕ່າງປະເທດເພື່ອເປັນຂວັນກຳລັງໃຈ ແລະ ຍ້ອງຍໍຊົມ ເຊີຍປະຈໍາປີ 2019.

____________

ຂຽນໂດຍ: ບຸນນິກ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์