ເສັງອອກແບບໂລໂກ້ເອກະລັກອາຊຽນປີ 2020

  ຄະນະເລຂາທິການ ອາຊຽນ ໄດ້ປຸກລະດົມການເສັງການອອກແບບ ໂລໂກເອກະລັກ ອາຊຽນ ປີ 2020 ທີ່ສະຫງວນໃຫ້ແກ່ໄວໜຸ່ມອາຊຽນ ຢ່າງເປັນທາງການ.

  ຕາມຂ່າວສານຫວຽດນາມລາຍງານວ່າ ນີ້ແມ່ນການເສັງທີ່ສະຫງວນ ໃຫ້ແກ່ບັນດາສ່ວນບຸກຄົນທີ່ເປັນພົນລະເມືອງຂອງອາຊຽນ ທີ່ຢູ່ໃນເກນ ອາຍຸແຕ່ 18 - 35 ປີ ຄະນະຈັດຕັ້ງ ໄດ້ເລີ່ມຮັບບັນດາໂລໂກເຂົ້າຮ່ວມ ການເສັງນັບແຕ່ວັນທີ 23 ກັນຍາ - 22 ພະຈິກ 2019 ແຕ່ລະໂລໂກເຂົ້າ ຮ່ວມການເສັງຕ້ອງມີການພັນລະນາທີ່ບໍ່ກາຍ 50 ຄໍາຕິດຄັດມາພ້ອມ ເພື່ອ ອະທິບາຍກ່ຽວກັບສີສັນຂອງອາຊຽນຜ່ານການອອກແບບໂລໂກ ຊຶ່ງຜູ້້ເຂົ້າຮ່ວມການເສັງຕ້ອງຮັບປະກັນໂລໂກຂອງຕົນແມ່ນໂລໂກຕົ້ນສະບັບ ແລະບໍ່ສໍາເນົາຫຼືລອກແບບຂອງຄົນອື່ນ, ການເສັງຈະໄດ້ຕີລາຄາບົນລັກສະນະຂອງຕົ້ນສະບັບ, ຄວາມງາມ, ຄວາມສາມາດໃນການສ້າງແຮງບັນດານໃຈ ແລະລັກສະນະຄວາມເໝາະສົມສາມາດນໍາໃຊ້ໃນຫຼາຍໂປແກຼມ ຊຶ່ງຜະລິດ ຕະພັນທີ່ຄວ້າໄດ້ລາງວັນນັ້ນ ແມ່ນໂດຍຄະນະເລຂາທິການອາຊຽນ ແລະ ອົງການຈັດຕັ້ງຮ່ວມມືພັດທະນາເຢຍລະມັນ (GIZ) ຄັດເລືອກ ແລະ ຕັດສິນ.

ຜູ້ຄວ້າໄດ້ລາງວັນທີ 1 ຈະໄດ້ຮັບເງິນສົດ 2.000 ເອີໂຣ, ປີ້ຍົນ ໄປ-ກັບໄປຍັງຈາກາຕາ (ອິນໂດເນເຊຍ) ເຂົ້າຮ່ວມພິທີເປີດຕົວ ແລະມອບ ລາງວັນໂລໂກ, ລາງວັນທີ 2 ແມ່ນ ມີມູນຄ່າ 1.000 ເອີໂຣ ແລະລາງວັນທີ 3 ແມ່ນ 500 ເອີໂຣ.

------------------

ໜັງສືພິມເສດຖະກິດ-ສັງຄົມ

แชร์