ປກສ ເມືອງວັງວຽງ ໃຊ້ເວລາ 2 ເດືອນຈັບໂຈນລັກຊັບ

ເມື່ອເຈົ້າໜ້າທີ່ກອງບັນຊາການ ປກສ ເມືອງວັງວຽງ ໄດ້ຮັບແຈ້ງຄວາມຈາກຜູ້ຖືກເສຍຫາຍໃນຄັ້ງວັນທີ 8 ກໍລະກົດ ແລະວັນທີ 5 ສິງຫາ 2019 ຜ່ານມາວ່າ: ມີຄົນບໍ່ດີມາລັກຊັບຢູ່ໃນເຮືອນ ແລະຢູ່ຮ້ານຊື້-ຂາຍເງິນ, ຄໍາ, ວັດຖຸມີຄ່າຢູ່ຕະຫຼາດເມືອງວັງວຽງ ຊຶ່ງມີວັດຖຸເສຍຫາຍຫຼາຍລາຍການຈາກນັ້ນເຈົ້າໜ້າທີ່ຈຶ່ງລົງກວດກາຊັນນະສູດສະຖານທີ່ເກີດເຫດແລ້ວຂຶ້ນບັນຊີເປົ້າໝາຍທີ່ຕ້ອງສົງໄສ ແລະຕິດຕາມເປົ້າໝາຍໃຊ້ເວລາ 2 ເດືອນກວ່າ ຈຶ່ງສາມາດຈັບຕົວເປົ້າໝາຍໄດ້ 1 ຄົນຄື: ທ້າວ ເລີດ ອາ ຍຸ19 ປີ, ອາຊີບກໍາມະກອນ, ຢູ່ບ້ານນໍ້າປາດ ເມືອງວັງວຽງ ແຂວງວຽງຈັນ ມາດຳເນີນການສືບສວນ-ສອບສວນ.

  ຜ່ານການສືບສວນ-ສອບສວນຂອງເຈົ້າໜ້າທີ່ຕຳຫຼວດທ້າວເລີດໄດ້ໃຫ້ການຮັບສາລະພາບວ່າ: ໃນເບື້ອງຕົ້ນຕົນເອງໄດ້ມາພັກເຊົາເພື່ອເຮັດວຽກເປັນກໍາມະກອນຢູ່ບ້ານຫ້ວຍສະເຫງົ້າ ເມືອງວັງວຽງ ເປັນເວລາຫຼາຍເດືອນ ສະນັ້ນ ມາຮອດເວລາ 23 ໂມງວັນທີ 7 ກໍລະກົດ 2019 ຕົນເອງໄດ້ຍ່າງອອກ ຈາກຫ້ອງພັກຂອງຕົນມຸ່ງໜ້າໄປທາງຕະ ຫຼາດເມືອງວັງວຽງຈຸດປະສົງແມ່ນຈະໄປຊອກລັກ, ເມື່ອຍ່າງໄປຮອດຂອບ ເຂດຕະຫຼາດຕົນເອງສັງເກດເຮືອນຫຼັງ ໜຶ່ງ ເຫັນປະຕູປ່ອງຢ້ຽມຊັ້ນສອງເປີດຢູ່

ຕົນເອງຈຶ່ງໄດ້ປີນຂຶ້ນກໍາແພງເຂົ້າໄປປ່ອງຢ້ຽມຊັ້ນສອງແລ້ວເຫັນໂທລະຊັບຊໍາຊຸງ 1 ເຄື່ອງ ແລະໄອແພັດ 1 ເຄື່ອງວາງໄວ້ໜ້າໂຕະຈຶ່ງໄດ້ລັກເອົາແລ້ວກັບມາຫ້ອງພັກ ສ່ວນໂທລະຊັບຊໍາຊຸງແມ່ນໄດ້ເອົາໄປໃຫ້ຜູ້ສາວຢູ່ບ້ານທົ່ງເມືອດ ເມືອງກາສີໃຊ້, ຕົກມາຮອດວັນທີ5 ສິງ ຫາ 2019 ຜ່ານມາຕົນເອງໄດ້ຍ່າງອອກຈາກຫ້ອງພັກມຸ່ງໜ້າໄປທາງຕະ ຫຼາດວັງວຽງຕາມເຄີຍ ພໍມາຮອດຕະ ຫຼາດສັງເກດບໍ່ເຫັນຄົນຍາມຕະຫຼາດ ຈຶ່ງໄດ້ປີນຂຶ້ນເພດານເຂົ້າໄປຮ້ານຊື້- ຂາຍເງິນ, ຄໍາ, ວັດຖຸມີຄ່າ ຢູ່ໃນຕະຫຼາດ ເມືອງວັງວຽງຈຶ່ງໄດ້ລັກເອົາສາຍແຂນເງິນຈໍານວນ 7 ເສັ້ນ, ສາຍຄໍເງິນຈໍານວນ 7 ເສັ້ນ, ໂມງ 1 ໜ່ວຍ, ເງິນກີບທະນາຄານຈໍານວນ 4,4 ລ້ານກີບ ແລະກະ ເປົາພາຍຜູ້ຍິງ 1 ໜ່ວຍ ເມື່ອໄດ້ເຄື່ອງ ຈໍານວນດັ່ງກ່າວແລ້ວ ຕົນເອງໄດ້ເອົາໄປ ຊຸກເຊື່ອງໄວ້ໃນຫ້ອງພັກຂອງຕົນສ່ວນ ເງິນແມ່ນເອົາໄປໃຊ້ຈ່າຍຫຼິ້ນກິນຟຸມເຟືອຍຈົນໝົດ ຕົກມາຮອດວັນທີ່ 22 ກັນຍາ 2019 ຈຶ່ງຖືກເຈົ້າໜ້າທີ່ກັກຕົວມາດໍາເນີນຄະດີຕາມລະບຽບກົດໝາຍຂອງບ້ານເມືອງ.

ປະຈຸບັນເຈົ້າໜ້າທີ່ກອງບັນຊາການ ປກສ ເມືອງວັງວຽງ ໄດ້ເກັບກູ້ເຄື່ອງຂອງ ກາງ ທີ່ທ້າວເລີດ ລັກໄປຄືນມາໄດ້ຈໍາ ນວນໜຶ່ງ.

_______________

ຂຽນໂດຍ: ທອງສີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

 

แชร์