ທີມຊາດລາວ ຢູ່ກຸ່ມກີລາຊີເກມທີີ່ຟິລິບປິນ

 ການແຂ່ງຂັນບານເຕະ ຊາຍ ໃນງານມະຫະກຳກີລາຊີເກມ 2019 ທີ່ປະເທດຟິລິບປິນ ເປັນ ເຈົ້າພາບໃນລະຫວ່າງວັນທີ 26 ພະຈິກ -10  ທັນວາ 2019 ໂດຍ ມີ 11 ປະເທດເຂົ້າຮ່ວມການແຂ່ງ ຂັນ ແລະໄດ້ກຳນົດເອົານັກເຕະໃນ ຮຸ່ນອາຍຸບໍ່ເກີນ 22 ປີ (ເກີນໄດ້ 2 ຄົນ) ແລະໄດ້ກຳນົດເອົານັກ ເຕະທີມລະ 20 ຄົນ.

ໃນວັນທີ 15 ຕຸລາ 2019 ໄດ້ມີວິທີຈັບສະຫຼາກແບ່ງສາຍຂອງ ການແຂ່ງຂັນບານເຕະໃນງານມະຫະກຳກີລາຊີເກມ ຄັ້ງທີ 30 ທີປະເທດຟິລິບປິນ ຈັດຂຶ້ນທີ່ນະຄອນ ຫຼວງມະນິລາ ຜົນປາກົດວ່າ: ທີມ ຊາດລາວ ຢູ່ກຸ່ມ B ຮ່ວມກັບ ໄທ ແຊ້ມເກົ່າ, ຫວຽດນາມ, ອິນໂດ ເນເຊຍ, ສິງກະໂປ ແລະບຣູໄນ, ສ່ວນກຸ່ມ A ມີ: ຟິລິບປິນ ເຈົ້າພາບ, ມາເລເຊຍ, ມຽນມາ, ກຳປູເຈຍ ແລະຕີມໍເລສເຕ.

ສ່ວນທີມຊາດລາວ ຮຸ່ນອາຍຸບໍ່ ເກີນ 22 ປີ ກຽມເຂົ້າຮ່ວມງານ ມະຫະກຳກີລາຊີເກມ ຄັ້ງທີ 30 ທີ່ປະເທດຟິລິບປິນ (PHILIP PINES 2019, 30TH SEA GAMES) ໄດ້ເລີ່ມການຝຶກຊ້ອມນັບຕັ້ງແຕ່ວັນທີ 21 ກັນຍາ 2019 ເປັນຕົ້ນມາ ໂດຍໃນເບື້ອງ ຕົ້ນທ່ານ ຊຸນດຣາມ ມຸນຕຣີ ຫົວໜ້າຄູຝຶກທີມຊາດລາວ ຊາວສິງ ກະໂປ ໄດ້ເປີດເຜີຍລາຍຊື່ນັກກີລາຈຳນວນ 40 ຄົນເພື່ອເຂົ້າຮ່ວມ ຄັດເລືອກ ໂດຍຈະຄັດເອົາພຽງ 20 ຄົນ ແລະອາຍຸກາຍ 22 ປີໄດ້ 2  ຄົນເພື່ອເຂົ້າຮ່ວມການແຂ່ງ ຂັນລາຍການດັ່ງກ່າວ.

--------------------------------------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์