2 ພາກສ່ວນສືບຕໍ່ຊ່ວຍເຫຼືອແກ້ໄຂໄພນໍ້າຖ້ວມ

 ເຊົ້າວັນທີ 15 ຕຸລາ ທີ່ສໍານັກງານນາຍົກລັດຖະມົນຕີ, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ວ່າການລັດຖະມົນຕີກະຊວງແຜນການ ແລະການລົງທຶນ ໄດ້ຕາງໜ້າລັດຖະບານຮັບເງິນຊ່ວຍເຫຼືອຜູ້ປະສົບໄພນໍ້າຖ້ວມຈາກບໍລິ ສັດສະຕາ ໂທລະຄົມ (Unitel) ຈໍານວນ 1 ຕື້ກີບ, ຈາກບໍລິສັດໄຟຟ້າຫົງສາຈໍາກັດຈຳນວນ 1 ລ້ານບາດ, ໂດຍມີພະນັກງານທີ່ກ່ຽວຂ້ອງຂອງແຕ່ລະພາກສ່ວນເຂົ້າຮ່ວມ.

  ການມອບເງິນໃນຄັ້ງນີ້, ຕາງໜ້າບໍລິສັດສະຕາໂທລະຄົມກ່າວມອບໂດຍ ທ່ານ ພົນຈັດຕະວາ ອຸລະຫາ ທອງວັນທາ, ຮອງຜູ້ອໍານວຍການການເງິນບໍລິສັດສະຕາໂທລະຄົມ; ຕາງບໍລິສັດ ໄຟຟ້າຫົງສາ ຈໍາກັດ ກ່າວມອບໂດຍທ່ານ ສະພາຍຸດທູພູນ, ຜູ້ອໍານວຍການໃຫຍ່ ບໍລິສັດໄຟຟ້າຫົງສາ ຈໍາກັດ.

  ໃນໂອກາດດັ່ງກ່າວ, ທ່ານ ສອນໄຊ ສີພັນດອນ ໄດ້ກ່າວຂອບໃຈ ແລະຊົມເຊີຍຕໍ່ສອງພາກສ່ວນດັ່ງກ່າວທີ່ໄດ້ນຳເອົາເງິນມາມອບເພື່ອນຳໄປຊ່ວຍເຫຼືອຜູ້ປະສົບໄພນໍ້າຖ້ວມຢູ່ທ້ອງຖິ່ນຕ່າງໆ ໃນປີນີ້, ຊຶ່ງຖືວ່າເປັນການປະກອບສ່ວນອັນສຳຄັນເຮັດໃຫ້ປະຊາຊົນຜູ້ປະສົບໄພນໍ້າຖ້ວມມີກຳລັງໃຈ, ໄດ້ຮັບການແກ້ໄຂບັນເທົາທຸກ ແລະປັບປຸງຊີວິດການເປັນຢູ່ຂອງເຂົາເຈົ້າໃຫ້ກັບຄືນສູ່ສະພາບປົກກະຕິໂດຍໄວ.

___________

ຂຽນໂດຍ: ກົມປະຊາສຳພັນ, ຫສນຍ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์