ຈີນ-ເນປານປະກາດສ້າງສາຍພົວພັນຄູ່ຮ່ວມມື ຍຸດທະສາດ

   ທ່ານ ສີຈິ້ນຜີງ ປະທານປະ ເທດ ສປ ຈີນ ໄດ້ພົບປະກັບທ່ານ ນາງ ບິດຢາ ເດວີ ບານດາຣີ ປະທານາທິບໍດີເນປານຢູ່ສຳນັກງານ ປະທານາທິບໍດີທີ່ນະຄອນຫຼວງກັດ ມັນດູຂອງເນປານ ໂດຍປະມຸກລັດ ສອງປະເທດໄດ້ປະກາດຮ່ວມກັນ ວ່າ, ສອງຝ່າຍຈະຍຶດຖືນໍ້າໃຈທີ່ ຮ່ວມຈິດຮ່ວມໃຈ, ຮ່ວມມືກັນ ແລະ ໄດ້ຮັບຜົນປະໂຫຍດຮ່ວມກັນ, ເພື່ອ ສ້າງສາຍພົວພັນຄູ່ຮ່ວມມືຍຸດທະ ສາດທີ່ມີມິດຕະພາບທຸກເຊັ່ນຄົນທີ່ມຸ່ງໜ້າສູ່ການພັດທະນາ ແລະຄວາມຈະເລີນຮຸ່ງເຮືອງລະຫວ່າງຈີນ-ເນປານ.

ຕາມຂ່າວ Cri ລາຍງານວ່າ ທ່ານ ສີຈິ້ນຜີງ ກ່າວເນັ້ນວ່າ, ສອງຝ່າຍຕ້ອງປັບປຸງພື້ນຖານການເມືອງຂອງ ການພົວພັນລະຫວ່າງຈີນ-ເນປານໃຫ້ໜັກແໜ້ນ,ຖືການສ້າງຄູ່ຮ່ວມຊາຕາກຳເປັນເປົ້າໝາຍໃນໄລຍະຍາວໃນການພັດທະນາການພົວພັນລະຫວ່າງຈີນກັບເນປານ ຊຶ່ງຈີນຈະເຮັດຄືທີ່ຜ່ານມາເພື່ອສະໜັບສະໜູນເນປານໃນ ການປົກປັກຮັກສາເອກະລາດ, ອະທິປະໄຕ ແລະຜືນແຜ່ນດິນອັນຄົບຖ້ວນຂອງເນປານຢ່າງສະເໝີຕົ້ນສະເໝີປາຍ, ໃຫ້ການສະໜັບສະໜູນ ແລະການຊ່ວຍເຫຼືອຕາມຄວາມສາມາດແກ່ການພັດທະນາເສດຖະກິດ-ສັງຄົມຂອງ ເນປານສອງຝ່າຍຕ້ອງສ້າງສະຖານະພາບທີ່ຮ່ວມມືຢ່າງຮອບດ້ານ, ດຳເນີນການສ້າງຕາໜ່າງເຊື່ອມຈອດກັນ ຢູ່ເຂດພູຫິມມະໄລ, ເປີດກວ້າງການຮ່ວມມືດ້ານການແລກປ່ຽນໃນແຕ່ລະຂົງເຂດ ທ່ານ ນາງ ບິດຢາ ເດວີ ບານດາຣີກ່າວວ່າເນ ປານຍິນດີຮໍ່າຮຽນ ແລະຖອດຖອນບົດຮຽນສຳເລັດຜົນດ້ານການພັດທະນາຂອງຈີນ, ເຊື່ອແນ່ວ່າພາຍໃຕ້ການນຳພາຂອງພັກກອມມູນິດຈີນປະຊາຊົນຈີນຍ່ອມຈະບັນລຸຄວາມໄຝ່ຝັນຂອງຈີນທີ່ສ້າງປະຊາຊາດຈີນໃຫ້ມີຄວາມຈະເລີນຮຸ່ງເຮືອງຄືນໃໝ່ຢ່າງຍິ່ງໃຫຍ່,ຊຶ່ງຈະນຳເອົາຜົນດີມາຍັງເນປານກໍຄືສັນຕິພາບ, ການພັດທະນາ ແລະຄວາມຈະເລີນຮຸ່ງເຮືອງຂອງພາກພື້ນ.

ທ່ານ ນາງ ບິດຢາ ເດວີ ບານດາຣີກ່າວວ່າ, ເນປານກັບຈີນປະກາດສ້າງສາຍພົວພັນຄູ່ຮ່ວມມືຍຸດທະສາດ,ຈະປັບປຸງມິດຕະພາບອັນເປັນມູນເຊື້ອລະຫວ່າງສອງປະເທດໃຫ້ໝັ້ນຄົງກວ່າເກົ່າ, ເຮັດໃຫ້ການພົວພັນລະຫວ່າງ ສອງປະເທດມີເນື້ອໃນອຸດົມສົມບູນກວ່າເກົ່າ, ຊຸກຍູ້ໃຫ້ການພົວພັນລະຫວ່າງເນປານກັບຈີນກ້າວເຂົ້າສູ່ຍຸກໃໝ່.

-----------------------

 ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์