ຜູ້ນໍາຫວຽດນາມໝັ້ນໃຈເສດຖະກິດປີນີ້ ເຕີບໂຕ 6,8%

ຜູ້ນໍາ ສສ ຫວຽດນາມໝັ້ນ ໃຈວ່າ ຈີດີພີ ປີ 2019 ນີ້ຈະເຕີບ ໂຕຕາມເປົ້າໝາຍທີ່ຕັ້ງໄວ້ 6,8% ແຕ່ນັກເສດຖະສາດສະແດງຄວາມ ກັງວົນຕໍ່ຜົນກະທົບຈາກເສດຖະກິດ ສປ ຈີນ ລໍຕົວລົງ.

ຕາມຂ່າວຕ່າງປະເທດລາຍ ງານວ່າ ທ່ານ ຫງວຽນ ຝູ່ຈ້ອງປະທານປະເທດຂອງຫວຽດນາມ ຖະແຫຼງຄາດຄະເນຕົວເລກການເຕີບໂຕຂອງເສດຖະກິດຫວຽດນາມ ປີ 2019 ມີຄວາມເປັນໄປໄດ້ທີ່ຈະເຕີບໂຕສູງກວ່າ 6,8% ແລະມີມູນຄ່າຕົວເລກຜະລິດຕະ ພັນພາຍໃນ (ຈີດີພີ) ເກີນກວ່າ 2,66 ຮ້ອຍຕື້ໂດລາສະຫະລັດ, ຕົວເລກການເຕີບໂຕຄັ້ງນີ້ ຖືເປັນ ການເຕີບໂຕທີ່ເກີນເປົ້າໝາຍທີ່ຄາດຄະເນຈາກພາກລັດຢູ່ທີ່ 6,6%-6,8% ຂະນະທີ່ຕົວເລກຈາກການ ຄາດຄະເນຂອງສະຖາບັນວິໄຈນະໂຍບາຍ ແລະເສດຖະກິດຫວຽດ ນາມປະເມີນວ່າຕົວເລກຈີດີພີໄຕມາດ 4 ຈະຢູ່ທີ່ 4,26% ແລະ ຕົວເລກຈີດີພີທັງໝົດປີຈະຢູ່ທີ່ 7,05%, ສ່ວນອັດຕາເງິນເຟີ້ຈະ ຕໍ່າກວ່າເປົ້າໝາຍທີ່ພາກລັດຕັ້ງ ໄວ້ ຂະນະທີ່ງົບປະມານຂອງພາກ ລັດຈະຢູ່ທີ່ປະມານ 3,4% ຂອງ ຈີດີພີປະເທດນອກຈາກນັ້ນ ໜີ້ສາທາລະນະຂອງປະເທດມີທ່າອຽງ ຫຼຸດລົງຢູ່ທີ່ 55% ຂອງຈີດີພີຕໍ່າ ກວ່າກອບເປົ້າໝາຍໜີ້ສາທາລະນະ,ສຳລັບຕະຫຼາດການເງິນຂອງ ຫວຽດນາມມີການປະເມີນວ່າຈະຢູ່ຄົງທີ່ດ້ວຍຄວາມສົມດຸນຂອງການຊໍາລະເງິນລະຫວ່າງປະເທດຂະນະທີ່ທຶນສຳຮອງສາກົນຍັງມີ ຫຼາຍກວ່າ 70 ຕື້ໂດລາ, ຜູ້ນໍາ ຫວຽດນາມປະເມີນວ່າການສົ່ງອອກຂອງຫວຽດນາມໃນປີນີ້ຈະ ເຕີບໂຕເພີ່ມຂຶ້ນ 8% ສ່ວນປີທີ່ຜ່ານມາການສົ່ງອອກເຕີບໂເຖິງ13,3% ຊຶ່ງຖືວ່າຍັງໜ້ອຍກວ່າ ປີ 2017 ຢູ່ທີ່ 21,8%.

ເຖິງແມ່ນວ່າສະຖານະການ ການເຕີບໂຕຂອງເສດຖະກິດ ຫວຽດນາມຍັງຖືວ່າຢູ່ໃນເກນດີ ແຕ່ນັກເສດຖະສາດຫວຽດນາມສະແດງຄວາມກັງວົນກັບສະຖານະການສົງຄາມການຄ້າອາເມລິກາ-ຈີນທີ່ເຮັດໃຫ້ເສດຖະກິດຈີນລໍຕົວ ແລະເງິນຢວນອ່ອນຄ່າລົງ.

---------------------------------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์