ມອບປຶ້ມແບບຮຽນໃຫ້ໂຮງຮຽນປະຖົມບ້ານແສນວັງ

  ທ້າຍອາທິດຜ່ານມານີ້, ທ່ານ ວອນ ເດີນດາວົງ ຮອງຫົວ ໜ້າຂະແໜງທ່ອງທ່ຽວພ້ອມຄະນະ ໄດ້ນຳເອົາຕຳລາຮຽນຈຳນວນ 84 ຫົວ ໄປມອບໃຫ້ໂຮງຮຽນປະຖົມ ບ້ານແສນວັງເມືອງ ແລະແຂວງສາລະວັນ ມູນຄ່າເກືອບ 2 ລ້ານກີບ, ຮັບໂດຍທ່ານ ສິດເພັດ ຍິງຍະສານ ຜູ້ອຳນວຍການໂຮງຮຽນປະຖົມພ້ອມດ້ວຍນັກຮຽນເຂົ້າຮ່ວມ.

ໃນໄລຍະໄຂສົກຮຽນໃໝ່, ໂຮງ ຮຽນດັ່ງກ່າວຂາດປຶ້ມຕຳລາຮຽນ ໃນການສິດສອນເນື່ອງຈາກໄດ້ຮັບ ຜົນກະທົບຈາກໄພນໍ້າຖ້ວມເຮັດ ໃຫ້ປຶ້ມຕຳລາຮຽນຫຼາຍຫົວເສຍ ຫາຍບໍ່ສາມາດນຳໃຊ້ໄດ້ ແລະບໍ່ ພຽງພໍດັ່ງນັ້ນ, ຈຶ່ງໄດ້ສະເໜີຂໍການສະໜັບສະໜູນຈາກທ່ານ ພຸດທະສິນ ແກ້ວກ້າ ຈາກບໍລິສັດສາຍການ ບິນລາວ-ຢີ່ປຸ່ນ ໄດ້ຊ່ວຍເຫຼືອເປັນ ປຶ້ມຕຳລາຮຽນ 84 ຫົວ, ໃນນັ້ນ ມີວິຊາພາສາລາວ, ຄະນິດສາດ ແລະວິຊາໂລກອ້ອມຕົວແຕ່ ປ2-ປ5 ຈຳນວນ 84 ຫົວມູນຄ່າ 1,7 ລ້ານກີບ ໃນເບື້ອງຕົ້ນ, ນອກນັ້ນ ຜູ້ຊ່ວຍເຫຼືອຍັງຈະໄດ້ຄົ້ນຄວ້າ ແລະຂົນຂວາຍຫາທຶນມາຊ່ວຍເຫຼືອຕື່ມ ອີກ ໂດຍສະເພາະໂຕະ, ຕັ່ງທີ່ເປ່ເພ, ເສຍຫາຍຈາກນໍ້າຖ້ວມ.

ທ່ານຜູ້ອຳນວຍການໂຮງຮຽນ ໄດ້ກ່າວວ່າ: ໂຮງຮຽນດັ່ງກ່າວໄດ້ ຮັບຜົນກະທົບຈາກໄພນໍ້າຖ້ວມບໍ່ ໜ້ອຍ ໂດຍສະເພາະອາຄານຮຽນ 1 ຫຼັງ, ອຸປະກອນການ-ການສອນ ເປັນຕົ້ນ: ປຶ້ມຕຳລາຮຽນ, ໂຕະຕັ່ງ, ກະດານ ແລະເຄື່ອງຫຼິ້ນອະນຸບານ ເສຍຫາຍ.ພາຍໃນໂຮງຮຽນມີນັກຮຽນທັງໝົດ 276 ຄົນ, ຍິງ 65 ຄົນ, ນັກຮຽນອະນຸບານ 65 ຄົນ, ຍິງ 29 ຄົນ ແລະມີຄູສອນ ທັງໝົດ 10 ຄົນ, ຍິງ 8 ຄົນ, ນອກ ນັ້ນທາງໂຮງຮຽນຍັງຕ້ອງການອຸ ປະກອນຫຼາຍຢ່າງທີ່ສຳຄັນເຊັ່ນ:ໂຕະຕັ່ງ, ຄອມພີວເຕີ, ອຸປະກອນເກັບມ້ຽນເອກະສານ ແລະອື່ນໆ,ປະຈຸບັນການສິດສອນຂອງໂຮງ ຮຽນດັ່ງກ່າວແມ່ນໄດ້ດຳເນີນເປັນ ປົກກະຕິ, ແຕ່ກໍ່ມີຄວາມຫຍຸ້ງຍາກ ຫຼາຍຢ່າງ.

---------------------

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์