ປະກາດຜົນແຂ່ງຂັນຖ່າຍຮູບທຳມະຊາດສວນພຶກສາ

 ສຳເລັດໄປດ້ວຍດີກິດຈະກຳແຂ່ງຂັນຖ່າຍຮູບ ແລະວິດີໂອຂອງສວນພຶກສາ ເມືອງນາຊາຍທອງ ໂຄງການສົ່ງເສີມການຖ່າຍຮູບ Wedding ແລະ Fashion ໃນການຜັນຂະຫຍາຍການທ່ອງທ່ຽວພາຍໃນສວນພຶກສາໂດຍເນັ້ນໃຫ້ນັກຖ່າຍຮູບໄດ້ສ່ອງແສງເຖິງຄວາມສວຍງາມຂອງທຳມະຊາດຊຶ່ງທັງໝົດມີ 5 ຄົນທີ່ຊະນະເລີດຈາກການແຂ່ງຂັນ.

  ຮອບຕັດສິນໄດ້ຈັດຂຶ້ນວັນທີ 12 ຕຸລາ 2019 ໂດຍການເຂົ້າຮ່ວມ ທ່ານ ພູວົງ ພະມີສິດ ປະທານສວນພຶກສາທັງເປັນປະທານໂຄງການປະກວດຖ່າຍຮູບ ແລະ ວິດີໂອ,ທ່ານ ນາງ ລັດດາ ຫຼວງເສນາ ທີ່ປຶກສາສວນພຶກສາ, ທ່ານ ວິລະພົງ ຊາປະລັງສີ ຊ່າງຖ່າຍຮູບແຖວໜ້າຈາກປະເທດໄທ, ທ່ານ ວິລະສັກ ແສງ ເພັດມະນີ ປະທານຮ້ານແທນຮັກພ້ອມດ້ວຍຊ່າງພາບທີ່ເຂົ້າຮ່ວມ.

 

 ສຳລັບຜູ້ເຂົ້າແຂ່ງຂັນຄັ້ງນີ້ຕ້ອງເປັນພາບຖ່າຍດ້ວຍກ້ອງດີຈິຕອລທີ່ມີຄວາມລະອຽດຂອງພາບບໍ່ຕໍ່າກວ່າ 12 ລ້ານພິກເຊວ ທີ 300 dpi ໃນຮູບໄຟລ໌ JPG ແລະຕ້ອງມີລິຂະສິດໃນພາບຂະໜາດ ຮູບ 12x18 ໂດຍຕິດຟີວເຈີບອດກວ້າງອອກມາເບື້ອງລະ 2 ນີ້ວ ແລະຕ້ອງເປັນ ຖ່າຍຮູບພາຍໃນບໍລິເວນສວນພຶກສາ ເທົ່ານັ້ນ ແລະຕ້ອງໃຫ້ລະບຸວັນທີ, ເດືອນ ແລະປີຂອງພາບຖ່າຍໃຫ້ທັດເຈນໂດຍ ເນັ້ນການຖ່າຍຮູບຢູ່ 5 ຫົວຂໍ້ຄື: ຊຸດລາ ຕີ, ຊຸດລາວ, ຊຸດຊົນເຜົ່າ, ກິດຈະກໍາ, ມູມປະທັບໃຈ ແລະວິດີໂອ

ບໍ່ເກີນ 1 ນາທີຜ່ານການແຂ່ງຂັນຜູ້ທີ່ຊະນະເລີດມີ 5 ຄົນ ຄື: ລາງວັນວິດີໂອດີເດັ່ນໄດ້ແກ່ ທ້າວ ເປັບຊີ ອິນທະວົງ ພ້ອມໄດ້ເງິນສົດ 5 ລ້ານ, ລາງວັນມູມປະທັບໃຈໄດ້ ແກ່ທ້າວ ຄອນສະຫວັນ ເຂັມມະວົງ ພ້ອມໄດ້ເງິນສົດ 2 ລ້ານກີບ, ລາງວັນກິດຈະກຳສວນພຶກສາໄດ້ແກ່ທ້າວ ຕຸລາຄົມ ວັນນາຮັກ ພ້ອມໄດ້ເງິນສົດ 3 ລ້ານກີບ, ລາງ ວັນ Wedding ຊຸດ ສາກົນໄດ້ແກ່ທ້າວ ສິລິໄຊ ຈະເລີນ ພ້ອມ ໄດ້ເງິນສົດ 5 ລ້ານກີບ ແລະລາງວັນWedding ຊຸດລາວໄດ້ແກ່ທ້າວ ພອນ ວິໄລ ໄຊຍະແສງ ພ້ອມເງິນສົດ 5 ລ້ານກີບ ນອກນັ້ນຍັງມີລາງວັນຮອງຊະນະເລີດ, ລາງວັນພິເສດ ແລະລາງວັນສະໜັບສະໜູນອື່ນໆລວມມູນຄ່າ 30 ລ້ານກີບ.

__________

ຂຽນໂດຍ: ແພງຕາ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

 

แชร์