ຕະຫຼາດສົມຫວັງເປີດໃຫ້ຊາວຄ້າຂາຍຈັບຈອງແລ້ວ

  ຕະຫຼາດສົມຫວັງ ເມືອງຫາດຊາຍຟອງ ຖືເປັນສະຖານທີ່ອີກແຫ່ງໜຶ່ງທີ່ໃຫ້ບໍລິການຊື້-ຂາຍທັນສະໄໝຄົບວົງຈອນປະຈຸບັນແມ່ນໄດ້ກໍ່ສ້າງພັດທະນາຄືບໜ້າ 85% ໂດຍຈະເປີດເປັນທາງການພາຍໃນ 3 ເດືອນຂ້າງໜ້າ ແລະບັນດາຊາວຄ້າ-ຂາຍສາມາດເຂົ້າຈັບຈອງໄດ້ແລ້ວນັບແຕ່ມື້ນີ້ເປັນຕົ້ນໄປພ້ອມຮັບສິດທິພິເສດຫຼາຍຢ່າງ.

 ທ່ານ ສົມຫວັງ ມາລີຍາ ປະທານກຸ່ມບໍລິສັດສົມຫວັງຈະເລີນກໍ່ສ້າງຂົວ-ທາງ ຈໍາກັດ ໃຫ້ສຳພາດວ່າ: ຕະຫຼາດສົມຫວັງໄດ້ເລີ່ມລົງມືກໍ່ສ້າງໃນເດືອນກຸມພາ 2018 ມາຮອດປະຈຸບັນແມ່ນມີຄວາມຄືບ ໜ້າ 85% ຖືວ່າໃກ້ຈະສຳເລັດ ທາງເຮົາໄດ້ເປີດໃຫ້ຊາວຄ້າ-ຂາຍ ເຂົ້າມາຈັບຈອງແລ້ວໄລຍະນີ້ຈະມີ ສ່ວນຫຼຸດ ຫຼືມີສິດທິພິເສດຫຼາຍໆ ຢ່າງໃນນີ້ຈະໂດຍແບ່ງເປັນ 2 ໄລຍະຄື: ໄລຍະໜຶ່ງເປີດໃຫ້ຊາວຄ້າຂາຍມາຈັບຈອງແລະໄລຍະທີສອງຈັດພິທີເປີດຢ່າງເປັນທາງການໃນເດືອນມັງກອນ 2020 ພ້ອມ

ທັງຖືໂອກາດຕ້ອນຮັບວັນ ສໍາຄັນຂອງຊາດ ວັນທີ 20 ມັງກອນ ຕະຫຼາດສົມຫວັງມີເນື້ອທີ່ ທັງໝົດ17.500 ຕາແມັດ ເປັນ ອາຄານຕະຫຼາດທີ່ທັນສະໄໝວົງຈອນທີ່ໃຫຍ່ສຸດຂອງເມືອງຫາດຊາຍຟອງຊຶ່ງມີການຈັດສັນພື້ນ 6 ໂຊນທີ່ການບໍລິການແຕກຕ່່າງກັນເຊັ່ນ: ພື້ນທີ່ຂາຍສົ່ງ, ເຄື່ອງແຫ້ງ, ຂອງກິນສຸກ, ພື້ນທີ່ຂາຍຜັກໝາກໄມ້, ພື້ນທີ່ຂາຍຊີ້ນ, ປາ ແລະສິນຄ້າສົດອື່ນໆໂດຍມີເວລາປິດ-ເປີດໝູນວຽນການບໍລິການ 24 ຊົ່ວໂມງ.

  ຈຸດເດັ່ນຂອງຕະຫຼາດສົມຫວັງເປັນໂຄງສ້າງອາຄານໃຫຍ່ທັນສະໄໝ ແລະປອດໂປ່ງ, ພື້ນທີ່ຈອດລົດກວ້າງຂວາງສາມາດຈອດລົດໃຫຍ່ໄດ້ 300-400 ຄັນ, ມີທາງ ເຂົ້າ-ອອກ 3 ທາງ, ບໍລິການຂາຍສົ່ງ, ຂາຍຍ່ອຍ ແລະຕິດກັບຖະໜົນ ທ່າເດື່ຶອ Km8 ຊຶ່ງເປັນເສັ້ນທາງ ເຊື່ອມຕໍ່ລະຫວ່າງປະເທດລາວ-ໄທ ຈຶ່ງຄາດຫວັງວ່າຈະເປັນສູນລວມອີກບ່ອນໜຶ່ງຂອງການຊື້-ຂາຍ ແລະພ້ອມທີ່ຈະພິຈາລະນາເງື່ອນໄຂພິເສດສໍາລັບສິນຄ້າຕົວແບບຂອງທ້ອງຖິ່ນໂດຍສະເພາະສິນຄ້າໜຶ່ງເມືອງໜຶ່ງຜະລິດຕະພັນ ແຫ່ງຊາດຕາງເປັນການສົ່ງເສີມສິນຄ້າພາຍໃນ ແລະ ອໍານວຍຄວາມສະດວກໃຫ້ຊາວຕ່າງປະເທດສາມາດເລືອກຊື້ສິນຄ້າຂອງລາວເຮົາໄດ້ງ່າຍໃນລາຄາທີ່ເໝາະສົມປະຈຸ ບັນທາງເຮົາໄດ້ເປີດໃຫ້ຊາວຄ້າ-ຂາຍເຂົ້າມາຈັບຈອງແລ້ວໄລຍະນີ້ຈະມີສ່ວນຫຼຸດມີສິດທິພິເສດຫຼາຍຢ່າງໃນນີ້ແມ່ນມີຄົນມາຈັບຈອງແລ້ວປະມານ 20%.

____________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์