ກຳປູເຈຍດຶງດູດເງິນລົງທຶນຈາກຈີນ 7,9 ຕື້ໂດລາ

  ຕາມການເປີດເຜີຍຂອງລັດຖະບານກຳປູເຈຍລະບຸວ່າ ກຳປູເຈຍດຶງດູດເງິນລົງທຶນຈາກ  ສປ ຈີນ ປະມານ 7,9 ຕື້ໂດລາສະຫະລັດ ໃນລະຫວ່າງປີ 2016 ເຖິງເດືອນສິງຫາປີ 2019.

ຕາມຂ່າວຕ່າງປະເທດລາຍ ງານວ່າ ການລົງທຶນຂອງຈີນຄິດ ເປັນອັດຕາສ່ວນ 35% ຂອງການ ລົງທຶນລວມທັງໝົດໃນກຳປູເຈຍ (22,5 ຕື້ໂດລາ)ໃນໄລຍະເວລາດັ່ງກ່າວ, ຊຶ່ງຈີນເປັນນັກລົງ ທຶນຕ່າງປະເທດອັນດັບ 1 ຂອງນັກລົງທຶນຕ່າງປະເທດທັງໝົດໃນກຳປູເຈຍ, ຮອງລົງມາແມ່ນຍີ່ປຸ່ນ ແລະ ສສ ຫວຽດນາມ, ການລົງທຶນຂອງຈີນຊ່ວຍສົ່ງເສີມການພັດທະນາເສດຖະກິດຂອງກຳປູເຈຍ ຊຶ່ງນັກລົງທຶນຈາກປະເທດຕ່າງໆ ຍັງໄດ້ໃຊ້ປະໂຫຍດຈາກໂຄງສ້າງພື້ນຖານທີ່ຈີນໄດ້ສ້າງໄວ້ດຳເນີນທຸລະກິດໃນກຳປູເຈຍ.

 ເຈົ້າໜ້າທີ່ກຳປູເຈຍລະບຸວ່າ ຄວາມສະງົບສຸກ, ຄວາມມີສະຖຽນ ລະພາບທາງການເມືອງ, ຄວາມໝັ້ນຄົງຂອງເສດຖະກິດມະຫາພາກ, ສັກກະຍະພາບທາງທຸລະ ກິດ ແລະກົດໝາຍການລົງທຶນທີ່ ເອື້ອອຳນວຍເປັນປັດໄຈສຳຄັນ ທີ່ດຶງດູດນັກລົງທຶນທັງຈີນ ແລະປະ ເທດອື່ນໆເຂົ້າມາປະເທດ.

--------------------------------

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 15/10/2019