ກົມຄຸ້ມຄອງການທ່ອງທ່ຽວເຜີຍແຜ່ດຳລັດ ວ່າດ້ວຍການບັນເທີງ

 ເມື່ອວັນທີ  11  ຕຸລາ  2019, ຢູ່ທີ່ສູນຝຶກອົບຮົມພະແນກຖະແຫຼງ ຂ່າວ, ວັດທະນະທຳ ແລະທ່ອງ ທ່ຽວແຂວງຫຼວງນໍ້າທາ ໄດ້ຈັດພິທີເຜີຍແຜ່ດຳລັດຂອງນາຍົກລົດຖະມົນຕີວ່າດ້ວຍການບັນເທີງ ໂດຍການເປັນປະທານຂອງທ່ານ ບຸນມາ ເພັດສາວົງ ຫົວໜ້າກົມຄຸ້ມຄອງການທ່ອງທ່ຽວ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ວຽງຄຳ ໄຊຍະວົງ ຮອງຫົວໜ້າພະແນກ ຖວທ ແຂວງຫຼວງນໍ້າທາ, ພະແນກການ ອ້ອມຂ້າງແຂວງ, ແຂກຖືກເຊີນ ແລະຜູ້ປະກອບການທຸລະກິດຮ້ານບັນເທີງເຂົ້າຮ່ວມ.

ທ່ານ ບຸນມາ ເພັດສາວົງ ຫົວ ໜ້າກົມຄຸ້ມຄອງການທ່ອງທ່ຽວ ໄດ້ເຜີຍແຜ່ດຳລັດຂອງລັດຖະບານ ເລກທີ 315 / ລບ, ລົງວັນທີ 2 / 10 / 2017 ວ່າດ້ວຍການບັນເທີງ ຊຶ່ງດຳລັດສະບັບນີ້ກຳນົດຫຼັກການ, ລະບຽບການ ແລະມາດຕະການ ກ່ຽວກັບການຄຸ້ມຄອງ ແລະການຕິດຕາມກວດກາທຸລະກິດບໍລິການ ບັນເທີງໃຫ້ມີຄວາມເປັນລະບຽບຮຽບຮ້ອຍ,ສະຫງົບ, ປອດໄພ,ໄດ້ມາດຕະຖານ ແລະເປັນເອກະພາບໃນທົ່ວປະເທດເພື່ອອະນຸລັກ,ປົກປັກຮັກສາ,ໂຄສະນາ, ສົ່ງເສີມສີລະປະ,ວັດທະນະທຳ,

ຮີດຄອງປະເພນີອັນດີງາມຂອງຊາດ ໃຫ້ມີຄວາມຍືນຍົງ ແລະຂະຫຍາຍ ຕົວສູ່ສາກົນ,ດຳລັດສະບັບນີ້ປະກອບມີ10 ໝວດ, 52 ມາດຕາ,ໂດຍສະເພາະແມ່ນ:ປະເພດ ແລະ ມາດຕະການບໍລິການບັນເທີງ,ການດຳເນີນທຸລະກິດບັນເທີງ,ສິດ ແລະພັນທະຂອຫົວໜ່ວຍທຸລະກິດບໍລິການບັນເທີງ, ຂໍ້ຫ້າມສຳລັບຫົວ ໜ່ວຍທຸລະກິດບໍລິການບັນເທີງ,ການແກ້ໄຂຂໍ້ຂັດແຍ່ງ, ການປະຕິບັດຄ່າທຳນຽມ ແລະຄ່າບໍລິການ, ການຄຸ້ມຄອງ ແລະການກວດກາ ແລະນະໂຍບາຍຕໍ່ຜູ້ມີຜົນງານ ແລະມາດຕະການຕໍ່ຜູ້ລະເມີດ.

ກອງປະຊຸມຍັງໄດ້ມີການສົນທະນາ ແລະປະກອບຄຳຄິດເຫັນ ເພື່ອເຮັດໃຫ້ການຈັດຕັ້ງປະຕິບັດດຳລັດສະບັບດັ່ງກ່າວມີຄວາມ ສອດຄ່ອງ ແລະແທດເໝາະກັບສະພາບຄວາມເປັນຈິງ.

ຈາກນັ້ນທ່ານຫົວໜ້າກົມຄຸ້ມຄອງການທ່ອງທ່ຽວ,ພ້ອມດ້ວຍຄະນະ ແລະພາກສ່ວນທີ່ກ່ຽວຂ້ອງ ຈາກພະແນກ ຖວທ ແຂວງ ແລະ ຖວທ ເມືອງໄດ້ລົງເບິ່ງສະຖານທີ່ຮ້ານບັນເທີງຢູ່ພາຍໃນແຂວງຫຼວງ ນໍ້າທາ ຕື່ມອີກ.

-----------------------

 ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

 

แชร์