ເມືອງຊຽງເງິນ ຈັດງານແຂ່ງຂັນເຮືອຊ່ວງປະເພນີ

  ໃນວັນທີ 13 ຕຸລາ 2019 ທີ່ທ່ານໍ້າຄານ ບ້ານປາກແວດ ເມືອງຊຽງເງິນ ແຂວງຫຼວງພະບາງ ໄດ້ຈັດງານແຂ່ງຂັນກີລາເຮືອ ຊ່ວງເພດຊາຍ ສີພາຍບໍ່ເກີນ 30 ຄົນ, ໃຫ້ກຽດເຂົ້າຮ່ວມເປີດງານ ໂດຍທ່ານ ສຸກັນ ບຸນຍົງ ຮອງເຈົ້າ ແຂວງຫຼວງພະບາງ ພ້ອມດ້ວຍ ການນຳພັກ-ລັດ ຂັ້ນແຂວງ, ຂັ້ນ ເມືອງ ປະຊາຊົນມ່ວນຊົນອ້ອມຂ້າງເຂົ້າຮ່ວມຊົມຮ່ວມເຊຍຢ່າງ ຄືກຄື້ນ.

  ທ່ານ ສາຍສະໜອນ ທິດາ ກອນ ເຈົ້າເມືອງຊຽງເງິນ ໄດ້ ກ່າວວ່າ: ບຸນຊ່ວງເຮືອປີນີ້ຈັດຂຶຶຶຶຶຶຶຶຶ້ນທ່າມກາງບັນຍາກາດທີ່ປະຊາຊົນຊາວເມືອງຊຽງເງິນ ພວມອອກແຮງແຂ່ງຂັນສ້າງຂະບວນການເພື່ອຂໍ່ານັບຮັບຕ້ອນກອງປະຊຸມໃຫ່ຍຄັ້ງທີ VI ຂອງອົງຄະນະ ພັກເມືອງຊຽງເງິນ ທີ່ຈະໄດ້ຈັດ ຂຶ້ນໃນທ້າຍປີ 2019 ນີ້, ໃນການແຂ່ງຂັນເຮືອຊ່ວງປີນີ້ມີເຮືອເຂົ້າ ຮ່ວມຈຳນວນ 18 ລໍ້າ, ຜ່ານການ ແຂ່ງຂັນກັນດ້ວຍບັນຍາກາດຄືກ ຄື້ນມ່ວນຊື່ນທັ້ງສອງຝາກຝັ່ງແມ່ ນໍ້າຕັ້ງແຕ່ຕົ້ນຈົນຮອດປາຍຜົນ ການແຂ່ງຂັນຊະນະເລີດໄດ້ແກ່ ເຮືອຊ່ວງນະຄອນຫຼວງພະບາງ+ກຸ່ມສາງອໍ 6, ໄດ້ຮັບຂັນເງິນນໍ້າ ໜັກ 1 ກິໂລກຣາມ, ມູນຄ່າ 16 ລ້ານກີບ ພ້ອມດ້ວຍເງິນສົດ 3 ລ້ານກີບ, ຮອງຊະນະເລີດ ໄດ້ແກ່ ບ້ານດອນໂມ (ເຈົ້າພໍ່ບ້ານໂຕ່ງ) ໄດ້ຮັບຂັນເງິນນໍ້າໜັກ 0,75 ກິໂລກຣາມ ມູນຄ່າ 10 ລ້ານກີບພ້ອມດ້ວຍເງິນສົດ 2 ລ້ານກີບ,ອັນດັບ 3 ໄດ້ແກ່ເຮືອມິດຕະພາບ ບ້ານປາກຂັນ+ຫາດຫ່ຽນ ໄດ້ຮັບ ຂັນເງິນ 0,5 ກິໂລກຣາມ ມູນຄ່າ 8 ລ້ານກີພ້ອມດ້ວຍເງິນສົດ 1 ລ້ານກີບ, ອັນດັບ 4 ໄດ້ຮັບເງິນສົດ 3,5 ລ້ານກີບ, ອັນດັບ 5 ໄດ້ຮັບ ເງິນສົດມູນຄ່າ 3 ລ້ານກີບ, ອັນ ດັບ 6 ໄດ້ຮັບເງິນສົດມູນຄ່າ 2,8 ລ້ານກີບ, ອັນດັບ 7 ໄດ້ຮັບ 2,6 ລ້ານກີບ.

 ໃນການຈັດງານແຂ່ງຂັນກີລາ ຄັ້ງນີ້ກໍ່ເພື່ອເປັນການສ້າງຄວາມ ເບີກບານມ່ວນຊື່ນໃຫ້ປະຊາຊົນໄດ້ມີໂອກາດພົບປະສ້າງສັນຜູກແໜ້ນຄວາມສາມັກຄີ ເຊິ່ງກັນແລະກັນ ພາຍຫຼັງທີ່ໄດ້ອອກເຫື່ອເທແຮງ ຄວາມຄິດປະດິດສ້າງໃນການສ້າງສາເສດຖະກິດ-ສັງຄົມ ປັບປຸງການເປັນຢູ່ໃຫ້ດີຂຶ້ນໃນຜ່ານມານັ້ນເອງ.

_____________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์