ບຸນມະໂຫລານສົ່ງເສີມການອ່ານ ຈະມີປຶ້ມວາງສະແດງ 90 ຮ້ານ

   ພະແນກສຶກສາທິການ ແລະ ກີລານະຄອນຫຼວງວຽງຈັນ, ໄດ້ຖະແຫຼງຂ່າວກຽມຈັດງານບຸນມະໂຫລານສົ່ງເສີມການອ່ານນະຄອນຫຼວງວຽງຈັນ ຄັ້ງທີ II ປະຈໍາປີ 2019, ເມື່ອວັນທີ 9 ຕຸລາ ຜ່ານມາຢູ່ພະແນກດັ່ງກ່າວໂດຍການຮ່ວມຖະແຫຼງຂອງທ່ານ ສົມພອນ ສອນດາລາ ຮອງຫົວໜ້າພະແນກສຶກສາທິການ ແລະກີລານະ ຄອນຫຼວງວຽງຈັນ, ທ່ານ ແກ້ວວິໄລ ສັກ ແສນສັກດາ ຫົວໜ້າຫໍສະໝຸດ ນະຄອນຫຼວງວຽງຈັນ ແລະທ່ານ ວຽງສະໄໝ ພາສະເຫຼີມສຸກ ຮອງ ຫົວໜ້າຫ້ອງວ່າການນະຄອນຫຼວງວຽງຈັນ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ. ທ່ານ ສົມພອນ ສອນດາລາ ໃຫ້ຮູ້ວ່າ: ເພື່ອເປັນການເປີດກວ້າງການສົ່ງເສີມການອ່ານໃຫ້ກວ້າງ ຂວາງ ແລະທົ່ວເຖິງຍິ່ງຂຶ້ນ, ເປັນ ການເປີດໂອກາດໃຫ້ຄົນລາວໄດ້ ສຳພັດກັບປຶ້ມອ່ານນາໆຊາດ, ໃຫ້ ຕ່າງຊາດໄດ້ສຳພັດກັບປຶ້ມອ່ານຂອງລາວ ແລະໃຫ້ທຸກຄົນໄດ້ເຫັນ ຄວາມສຳຄັນຂອງການອ່ານອີກດ້ວຍພ້ອມນີ້, ເພື່ອເປັນການຊຸກຍູ້ສົ່ງເສີມ ແລະ ປຸກລະດົມໃຫ້ທຸກພາກສ່ວນໃນສັງຄົມມີສ່ວນຮ່ວມໃນການສົ່ງເສີມການອ່ານໂດຍສະເພ າະການຊ່ວຍເຫຼືອ, ສະໜັບສະໜູນບັນດາໂຮງຮຽນໃນນະຄອນຫຼວງວຽງຈັນ ໃຫ້ໄດ້ມີປຶ້ມອ່ານຫຼາກຫຼາຍຊະນິດພ້ອມກັນນັ້ນຍັງແນໃສ່ການສ້າງກິດຈະກຳທີ່ຫຼາກຫຼາ ຍຄ່ຽງຄູ່ກັບການພັດທະນາຊາວໜຸ່ມຂອງຊາດ.

ງານດັ່ງກ່າວ,ແມ່ນຈະຈັດຂຶ້ນໃນລະຫວ່າງວັນທີ 19-27 ຕຸລາ 2019 ນີ້,ທີ່ສູນການຄ້າວຽງຈັນ ເຊັນເຕີ,ພາຍໃນງານຈະມີການ ແຂ່ງຂັນປະກວບົດຄວາມ “ຄູໃນ ດວງໃຈ” ເປັນພາສາລາວ ແລະພາສາອັງກິດ, ການແຂ່ງຂັນເວົ້າ “ຄູຄົນທຳອິດຂອງຂ້ອຍ” ເປັນພາສາລາວ ແລະພາສາອັງກິດ, ການແຂ່ງຂັນຖາມ-ຕອບ ຫົວຂໍ້ “ASEAN”, ການປະກວດຮູບເງົາສັ້ນ “ສຸດຍອດອາຈານໃນດວງ ໃຈ”, ມີການປະກວດຮ້ອງເພງ, ແຕ່ງເພງ,ປະກວດຟ້ອນ, ເຕັ້ນ ແລະຍັງມີກິດຈະກໍາອື່ນໆອີກ, ນອກຈາກນີ້ ຍັງຈະມີພາກສ່ວນ ຕ່າງໆນຳເອົາປຶ້ມໄປວາງສະແດງ ເປັນຕົ້ນແມ່ນສຳນັກພິມລາວ, ສຳນັກພິມໄທ, ພາກສ່ວນອົງການຈັດ ຕັ້ງສາກົນ, ທຸລະກິດ, ຮ້ານອາ ຫານ, ໂຮງຮຽນ, ສະມາຄົມຕ່າງໆ ແລະອົງການຈັດຕັ້ງຄາດວ່າມີຮ້ານວາງສະແດງປຶ້ມປະມານ 90 ຮ້ານ.

_______________

 ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์