ໂຮງຮຽນປະຖົມສົມບູນອຸດົມສິນ ສະຫຼອງວັນຄູແຫ່ງຊາດ

 ວັນທີ 3 ຕຸລາ 2019 ຢູ່ທີ່ໂຮງຮຽນປະຖົມສົມບູນອຸດົມສິນເມືອງຫຼວງນໍ້າທາໄດ້ສະເຫຼີມສະຫຼອງວັນຄູແຫ່ງຊາດຄົບຮອບ 25 ປີ (7 ຕຸລາ 1994-7 ຕຸລາ 201 9), ໃຫ້ກຽດເຂົ້າຮ່ວມໂດຍ ທ່ານ ບູນທັນ ອໍຕ໋ອງຫວັນ ຮອງຫົວໜ້າຫ້ອງການສຶກສາທິການ ແລະກີລາ ເມືອງຫຼວງນໍ້າທາ, ທ່ານ ແຂກ ຈັນທະຈັກ ອຳນວຍການໂຮງຮຽນປະຖົມສົມບູນອຸດົມສິນ, ມີອາດີດຫົວໜ້າຫ້ອງການສຶກສາເມືອງຫຼວງນໍ້າທາ, ຄູ, ອົງການຈັດຕັ້ງບ້ານອຸດົມສິນ, ຜູ້ປົກຄອງນັກຮຽນ ແລະນັກຮຽນເຂົ້າຮ່ວມ       

ທ່ານ ຄຳພັດ ນາຍບ້ານໆອຸດົມສິນກໍ່ໄດ້ເລົ່າມູນເຊື້ອຄວາມ ເປັນມາຂອງວັນຄູແຫ່ງຊາດ ແລະ ການເຕີບໃຫຍ່ຂະຫຍາຍຕົວຂອງ ວຽກງານການສຶກສາຢູ່ແຂວງ ຫຼວງນໍ້າທາ, ຄູໄດ້ມີບົດບາດປະ ກອບສ່ວນອັນສຳຄັນທີ່ບໍ່ມີໃຜ ແລະຊັ້ນຄົນໃດຈະປະຕິເສດໄດ້, ຄູຄືຄົນທີ່ມີຄວາມຮູ້ ແລະປະສົບການຊຶ່ງຄູນັ້ສາມາດນຳໄປຖ່າຍທອດຄວາມຮູ້ ແລະປະສົບການນັ້ນໄປສູ່ຜູ້ອື່ນໆ, ຊຶ່ງວັນທີ 7 ຕຸລາ ປີ 1907 ທ້າວຄໍາ ໄດ້ເລີ່ມຕົ້ນເປັນຄູສອນໄດ້ເຂົ້າຮ່ວມຮັບການອົບຮົມຄູ, ຖືວ່າເປັນຄັ້ງທຳອິດໃນປະຫວັດສາດຂອງຊາດລາວ, ຍ້ອນຈິດໃຈຮັກຊາດຂອງນາຍຄູຄຳໄດ້ເອົາໃຈໃສ່ສຶກສາໃຫ້ພະສົງທີ່ຈະເປັນຄູໃຫ້ມີຄວາມຮັກຊາດລາວ, ບໍ່ໃຫ້ຊາດລາວເຊື່ອມເສຍເປັນສັນຊາດຝຣັ່ງ,ຕໍ່ຜົນງານການຮ່ວມຂະບວນການຕໍ່ສູ້ຂອງນາຍຄູຄໍາ ແລະການຂະຫຍາຍຕົວຂອງວຽກງານການສຶກສາແຕ່ລະໄລຍະເພື່ອສໍານຶກບຸນຄຸນອັນລໍ້າເລີດຂອງຄູຈຶ່ງໄດ້ກໍານົດໃຫ້ມີວັນຄູແຫ່ງ ຊາດລາວ ໂດຍໄດ້ກໍານົດເອົາວັນເຂົ້າຮັບລາດສະການຂອງນາຍຄູຄໍາຄື: ວັນທີ 7 ຕຸລາ 1994 ເປັນວັນຄູແຫ່ງຊາດ).

 ພ້ອມນີ້ ທ່ານ ແຂກ ຈັນທະຈັກ ອຳນວຍການໂຮງຮຽນປະຖົມສົມບູນອຸດົມສິນກໍ່ໄດ້ລາຍງານສະພາຍເຄື່ອນໄຫວວຽກງານການສຶກສາຢູ່ໂຮງຮຽນດັ່ງວ່າ: ສຳລັບການຂຶ້ນຫ້ອງຂອງຄູແມ່ນ 25 ຊົ່ວໂມງຕໍ່ອາທິດ, ມີຄູທັງໝົດ 25 ຄົນ, ຈຳນວນນັກຮຽນສົກ 2019-2020, ຫ້ອງປ1 ມີ 7 ຫ້ອງນັກຮຽນ 200 ຄົນ ຍິງ 94 ຄົນ, ປ2 ມີ 7 ຫ້ອງ ນັກຮຽນ 222 ຍິງ 99 ຄົນ, ປ3 ມີ 6 ຫ້ອງ ມີນັກ ຮຽນ 178 ຄົນຍິງ 83 ຄົນ, ປ4 ມີ 6 ຫ້ອງ ນັກຮຽນ 174 ຄົນ ຍິງ 93 ຄົນ ແລະຫ້ອງ ປ5 ມີ 6 ຫ້ອງນັກຮຽນ 159 ຄົນຍິງ 77 ຄົນ ລວມນັກຮຽນທັງໝົດ 933 ຄົນ ຍິງ 446 ຄົນ, ຖ້າທຽບໃສ່ສົກຮຽນຜ່ານມາແມ່ນລື່ນຄາດໝາຍ 2,98%, ໂອກາດສະເຫຼີມສະຫຼອງວັນຄູຄັ້ງນີ້ຍັງໄດ້ຮັບຊົມສີລະປະວັນນະຄະດີຂອງນ້ອງນ້ອຍນັກຮຽນຕື່ມອີກ.

______________

ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์