ຮ້ານຄຳສີດາ ລາດຊະວົງ ໃສ່ໃຈບໍລິການ-ຄຳຄຸນນະພາບ ທີ່ລູກຄ້າເຊື່ອໝັ້ນ

ຮ້ານຄຳສີດາ ລາດຊະວົງ ຖືເປັນຮ້ານຄຳທີ່ມີຊື່ສຽງ ແລະຢູ່ລະດັບແຖວໜ້າຂອງລາວກໍວ່າໄດ້ເປີດໃຫ້ບໍລິການມາຫຼາຍກວ່າ 10 ປີ ໂດຍເນັ້ນເລື່ອງການບໍລິການທີ່ມີຄວາມວ່ອງໄວ, ໂປ່ງໃສ ແລະ ໃສ່ໃຈເລື່ອງຄຸນນະພາບຂອງຄຳເປັນຫຼັກເພື່ອດຶງດູດແຮງຊື້ຈາກລູກຄ້າໃຫ້ຫຼາຍຂຶ້ນກວ່າເກົ່າ, ຂະນະທີ່ບັນຫາເງິນບາດແຂງຄ່າບໍ່ໄດ້ສົ່ງຜົນກະທົບຕໍ່ການຊື້-ຂາຍຄຳພໍປານໃດເນື່ອງຈາກນຳໃຊ້ສະກຸນເງິນກີບເປັນຫຼັກ.

  ທ່ານນາງ ວຽງສອນ ທິບຸນມາ ຜູ້ຈັດການຮ້ານຄຳສີດາລາດຊະວົງ ໃຫ້ສຳພາດວ່າ: ທ່າມກາງສະພາບເສດຖະກິດທີ່ຂ້ອນຂ້າງພົບກັບຄວາມຫຍຸ້ງຍາກລຳບາກ ແລະອັດ ຕາແລກປ່ຽນທີ່ມີຄວາມເໜັງຕີງໂດຍສະເພາະແມ່ນອັດຕາແລກປ່ຽນເງິນບາດທີ່ແຂງຄ່າຂຶ້ນໃນປະຈຸບັນໄດ້ສົ່ງຜົນໂດຍກົງຕໍ່ການຄ້າຂາຍ,ແຕ່ຢ່າງໃດກໍຕາມສະເພາະຮ້ານຄຳສີດາລາດຊະວົງ ພວກເຮົາແມ່ນບໍ່ໄດ້ຮັບຜົນກະທົບຫຼາຍພໍປານໃດເນື່ອງຈາກພວກເຮົາມີການຊື້-ຂາຍ ແລະ ແປຮູບຄຳດ້ວຍສະກຸນເງິນກີບເປັນຫຼັກຕາມນະໂຍບາຍ ຂອງພັກ ແລະລັດຖະບານກໍຄືຂອງທະນາຄານແຫ່ງ ສປປ ລາວ ພາຍໃຕ້ຄຳຂວັນ “ຢູ່ເມືອງລາວ ໃຊ້ແຕ່ເງິນກີບ”.

  ຜູ້ຈັດການຮ້ານຄຳສີດາ ລາດຊະວົງ ກ່າວອີກວ່າ: ດັ່ງທີ່ຮູ້ກັນດີແລ້ວວ່າໃນໄລຍະນີ້ສະພາບເສດຖະກິດບໍ່ເອື້ອອຳນວຍປານໃດເຮັດໃຫ້ມີຫຼາຍປັດໄຈ ແລະທຸກລະບົບມີຄວາມຫຍຸ້ງຍາກສົ່ງຜົນໃຫ້ການໝູນວຽນຂອງເມັດເງິນໃນທ້ອງຕະຫຼາດມີໜ້ອຍຊຶ່ງກະທົບໂດຍກົງຕໍ່ແຮງຊື້ຂອງປະຊາຊົນເຮັດໃຫ້ບັນຍາກາດການຊື້-ຂາຍ ຄຳໂດຍລວມບໍ່ຄຶກຄື້ນຄືກັບປີຜ່ານໆມາ.

  ຂະນະທີ່ອີກໜຶ່ງສາເຫດທີ່ເຮັດໃຫ້ບັນຍາກາດການຊື້-ຂາຍຄຳ ບໍ່ຄຶກຄື້ນນັ້ນຍ້ອນຄຳເປັນສິນຄ້າທີ່ມີລາຄາສູງເຮັດໃຫ້ປະຊາຊົນ ຫຼື ລູກຄ້າທີ່ມີລາຍຮັບຕໍ່າ-ປານກາງບໍ່ສາມາດຊື້ຄຳໄປເກັບອອມໄວ້ໄດ້ນອກຈາກວ່າຈະມີເງິນເກັບຫຼາຍ ແທ້ຈຶ່ງຈະສາມາດຊື້ໄດ້ທັງນີ້ກໍເປັນຍ້ອນສະພາບເສດຖະກິດຂອງບ້ານເຮົາລວມເຖິງທາງແຂວງພາກໃຕ້ຂອງລາວເຮົາກໍປະສົບກັບໄພນ້ຳຖ້ວມຢ່າງໜັກໃນເດືອນຜ່ານມາ.

  ເມື່ອເວົ້າເຖິງຂອດບໍລິການໃຫ້ກັບລູກຄ້າທາງຮ້ານຄຳສີດາ ລາດຊະວົງ ພວກເຮົາແມ່ນໃຫ້ ຄວາມສຳຄັນທີ່ສຸດ ໂດຍສະເພາະ ຜູ້ທີ່ເປັນລູກຄ້າປະຈຳຈະຮູ້ດີຢູ່ ແລ້ວ ພຽງແຕ່ມາຊື້ຄຳທີ່ຮ້ານຂອງ ພວກເຮົາກໍຈະມີຂອງແຈກຂອງ ແຖມໃຫ້ຢ່າງຫຼວງຫຼາຍຊື້ຄຳ 1 ບາດຈະແຖມຈອກ ແຖມເສື້ອໃຫ້ ທັນທີ, ຊື້ຄຳ 2 ບາດແຖມຄັນຮົ່ມ ແລະຖ້າຊື້ຄຳຮອດ 3-5 ບາດຂຶ້ນ ໄປ ຈະແຖມເຄື່ອງໃຊ້ໄຟຟ້າໃຫ້ ແບບບໍ່ຕ້ອງຂຽນຄູປອງ ຫຼື ຈັບສະຫຼາກແຕ່ຢ່າງໃດ, ສ່ວນອີກຂອດ ໜຶ່ງທີ່ເຮົາໄດ້ເອົາໃຈໃສ່ຫຼາຍທີ່ສຸດນັ້ນກໍຄືຄຸນນະພາບຂອງຄຳເຖິງ 99,99% ລວມເຖິງລວດລາຍແມ່ນຕີຕາມລູກຄ້າຢາກໄດ້ແບບໃດເຮົາກໍສາມາດຕີໃຫ້ໄດ້ຕາມໃຈມັກ ແລະລາຄາກໍຕັ້ງໄວ້ໃຫ້ມີຄວາມເໝາະສົມ ເພື່ອໃຫ້ລູກຄ້າທຸກຊັ້ນຄົນສາມາດຊື້ໄດ້.

  ຢ່າງໃດກໍຕາມ, ເພື່ອຮອງຮັບການເຕີບໃຫຍ່ຂອງທຸລະກິດ ແລະຮອງຮັບລູກຄ້າທາງຮ້ານຄຳສີດາ ລາດຊະວົງ ມີແຜນກຽມເປີດສາຂາໃໝ່ຄືສາຂາທີ 2 ໃນອີກບໍ່ດົນນີ້ ທີ່ຕະຫຼາດຊັ່ງຈຽງ ເມືອງສີໂຄດຕະບອງ ນະຄອນຫຼວງວຽງຈັນ ຊຶ່ງນັບມາຮອດປະຈຸບັນການປັບປຸງ ຫຼື ຕົກແຕ່ງພາຍໃນແມ່ນສຳເລັດແລ້ວ 100% ຖ້າແຕ່ມື້ເປີດ ກໍເທົ່ານັ້ນເອງທັງນີ້ກໍເພື່ອສ້າງຄວາມສະດວກສະບາຍໃຫ້ກັບລູກຄ້າສາມາດເຂົ້າເຖິງການບໍລິການຂອງຮ້ານພວກເຮົາຫຼາຍຂຶ້ນ.

_____________

ຂຽນໂດຍ: ບຸນນິກ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์