ມິສເວີຣລາວ ສ້າງກິດຈະກໍາຊ່ວຍເຫຼືອສັງຄົມ

  ຄະນະຮັບຜິດຊອບໂຄງ ການ ນາງສາວ ມິສເວີຣລາວ (Miss World laos) ປະຈໍາປີ 2019 ຈາກສູນກາງຊາວໜຸ່ມ ປະຊາຊົນປະຕິວັດລາວ ແລະຄະນະຮັບຜິດ ຊອບກອງປະກວດມິສ ເວີຣລາວ ບໍລິສັດພຣາມໂມເດວລິ້ງ ຈໍາກັດ ໄດ້ຈັດກິດຈະກໍາຊ່ວຍເຫຼືອສັງຄົມໂດຍນໍາເອົາອຸປະກອນການຮຽນ ແລະເຄື່ອງນຸ່ງຫົ່ມມູນຄ່າ 20 ລ້ານກີບ ມອບໃຫ້ແກ່ໂຮງ ຮຽນປະຖົມສົມບູນ ບ້ານຖໍ້າເທີບ ເມືອງກາສີ ແຂວງວຽງຈັນ ເມື່ອວັນທີ 5 ຕຸລາຜ່ານມາ.

ຜູ້ຕາງໜ້າໂຄງການນາງສາວ ມິສເວີຣລາວ ໃຫ້ຮູ້ວ່າ: ໂຄງ ການນາງສາວມິສເວີຣລາວ ໄດ້ສ້າງກິດຈະກໍາຊ່ວຍເຫຼືອສັງ ຄົມ, ດ້ວຍການມອບເຄື່ອງຊ່ວຍເຫຼືອໃຫ້ໂຮງຮຽນທີ່ຢູ່ຫ່າງ ໄກສອກຫຼີກ-ຂາດເຂີນອຸປະກອນການຮຽນ ໃຫ້ກັບປະຊາຊົນ ທີ່ດ້ອຍໂອກາດ ແລະເພື່ອປູກຈິດສໍານຶກໃຫ້ແກ່ນ້ອງນາງສາວ ມິສເວີຣລາວ 2019 ໃຫ້ມີຈິດໃຈເອື້ອເຟື້ອເພື່ອແຜ່-ຊ່ວຍເຫຼືອສັງຄົມປະກອບສ່ວນເຂົ້າໃນການສົ່ງເສີມການສຶກສາພ້ອມທັງ ເປັນການເສີມສ້າງຍົກສູງບົດບາດຂອງຂະບວນຊາວໜຸ່ມໃຫ້ເປັນແບບຢ່າງຂອງແມ່ຍິງໜຸ່ມລາວ, ຊຶ່ງໃຫ້ກຽດກ່າວມອບໂດຍແມ່ນຜູ້ຕາງໜ້າຈາກ ໂຄງການນາງສາວ ມິສເວີຣລາວ ປະຈໍາປີ 2019 ຈາກສູນກາງຊາວໜຸ່ມປະຊາຊົນປະຕິວັດ ລາວ ແລະກ່າວຮັບໂດຍແມ່ນ ທ່ານ ສົມໝາຍ ພົນຈະເລີນສີ ຜູ້ ອຳນວຍການໂຮງຮຽນປະຖົມສົມບູນບ້ານຖໍ້າເທີບ ໂດຍຊ້ອງ ໜ້າກັບອຳນາດການປົກຄອງຂັ້ນເມືອງ-ຂັ້ນບ້ານ, ຄະນະຊາວ ໜຸ່ມ ເມືອງ, ຄູ-ອາຈານ-ຄະນະກຸ່ມບ້ານພ້ອມດ້ວຍນ້ອງນ້ອຍນັກຮຽນເຂົ້າຮ່ວມເປັນສັກຂີພິຍານ.

   ທ່ານ ສົມໝາຍ ພົນຈະເລີນສີ ໄດ້ກ່າວສະແດງຄວາມຂອບໃຈມາຍັງຄະນະຮັບຜິດຊອບໂຄງການ ນາງສາວ ມິສເວີຣລາວ ປະຈໍາປີ 2019 ຈາກສູນກາງຊາວໜຸ່ມປະຊາຊົນປະຕິວັດລາວ ແລະຄະນະຮັບຜິດຊອບກອງປະກວດ ມິສເວີຣລາວ ປະຈໍາປີ 2019 ບໍລິສັດພຣາມໂມເດວລິ້ງ ຈໍາກັດ ທີ່ມີນໍ້າຈິດນໍ້າໃຈເອື້ອ ເຟື້ອເພື່ອແຜ່ໃຫ້ການຊຸກຍູ້ຊ່ວຍເຫຼືອການຮຽນ-ການສອນ ແລະ ເຄື່ອງນຸ່ງຫົ່ມໃຫ້ແກ່ທາງໂຮງຮຽນ, ພ້ອມນັ້ນ ຜູ້ອຳນວຍການ ໂຮງຮຽນປະຖົມສົມບູນ ບ້ານຖໍ້າເທີບ ຍັງໃຫ້ຄໍາໝັ້ນສັນຍາວ່າຈະພ້ອມກັນປົກປັກຮັກສາ ແລະນຳໃຊ້ໃຫ້ເກີດຜົນປະໂຫຍດອັນ ສູງສຸດ, ໃນຕອນທ້າຍກໍ່ໄດ້ມີການແຈກຢາຍອຸປະກອນການ ຮຽນ-ເຄື່ອງນຸ່ງຫົ່ມໃຫ້ແກ່ນ້ອງນ້ອຍນັກຮຽນ ຊຶ່ງໄດ້ຮັບກັນ ຢ່າງທົ່ວເຖິງ.

_______________

 ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511
  • App: 020 58707444

แชร์